صدمة بعد اخرى

البارت السابع عشر

دعاء... جنت كاعده بالغرفه اعزل الغراض طلعت هدايه مصطفى ودبدوب والقراصات انقهرت حيل اذكرت موبايل مصطفى انطانياه علي طلعته وشفت مابي شحن حطيته على شاحنه وكعدت شويه واندك الباب

زينب.. هلاو دعاء

دعاء... هلاو كلبي شونج... شبكتهه وكعدت يمي مبين حيل حزينه لامانه كانت تحب مصطفى بس متبينله لان عباله يحبني..

زينب... بقيه بحياتج حبيبتي

دعاء... وحياتج الباقيه كلبي

زينب... شحجه وياج جدو كان جوه يحجي ويه امي بالاستقبال وساد الباب عليهم وسمعته جايب سيرتج

دعاء.... والله يا زينب عجيبه السالفه جدو يحجي وياي بهدوء وبحنيه ويمثل عليه الجد الحنين والمقهور عليه وادري بي هوه يتمنه موتي

زينب... تدرين صدمتيني  لان قبل لتجين بأول يوم توفه مصطفى وكف على تابوته وكال اله اندمهه الك واخليهه تتمنى الموت الف مره ومحد يكتلهه اعذبهه بالحياة والله هيج حجه وكولنه استغربنه من حجيه

دعاء... ليش هيج يسوون ليش محسسيني اني الكاتله مصطفى

زينب... مادري مادري دعاء ديري بالج خاف يأذوج

دعاء... والله ياخيتي مخايفه منهم ولا من اي احد مثلا شراح يسوولي يضربوني لو يذبحوني لو شنو يصير بيه

زينب... دعاء انتِ عجيبه يعني مخايفه

دعاء... لا مخايفه زينب لو تعيشين العشته مراح تخافين تدرين كولشي بالنسبه الي سهل من خطفني مصطفى ومن ضربوني وهانوني بالاستقبال ومن اعتده عليه سجاد

زينب.... ش ششنوووووو خالو سجااد لو غيره

دعاء... شنو غيره اي هوه خالج

زينب... لا مدا اصدك ولج انتِ مو بنت اخو شون تنطي نفسه ويتجرأ عززا مدا اصدك

دعاء... لا صدكي صدكي المهم اكملج لاتقاطعيني

زينب.... ديلا يل متكلمه مراح نقاطعج كملي

دعاء...اي وبعد كولهن سهلات بس وكفت بابه بوجهي ويتبره مني لا هاي قويه ماكدر اتحملهه

زينب... ياخيتي يجي يوم ويتندم شبيج اصبري وتوكليي على الله كولهه اختبارات الج

دعاء... الحمدلله على كل حال دا احجي ودخلت تغريد.... شكو المن صاعده بغرفتي

تغريد... زينب عادي تعوفينه اني ودعاء عندي سالفه وياهه

زينب... يلا حب دعاء بس تطلع تغريد صيحيلي تمام

دعاء... تمام كبد طلعت زينب وبقينه اني وتغريد... شكو احجي شنو سالفتج

تغريد... اسمعي لج اذا فتحتي حلكج وحجيتي شي اطيح حظج سولفلي سجاد كولشي عوفينه براحتنه فهمتي