صدمة بعد اخرى

البارت الثامن

دعاء:  يحجي واني دموعي نزلت هوه يحجي كلمه واني احسهه سهم بكلبي معقوله هيج اهلي متخلفين معقوله جدو هيج يسوي لعد بابه وين هيج بابه كارهني اهنا فقدت اعصابي ضليت اصيح عليه واغلط واضرب بصدره ...... لككك كله من ورااااااااك لك من وراك خربت حياتي خسرت اعز ناس عندي بسبببك وبسبب انانيتك لك انت شنو من بشر احجيييي شنو اكو واحد هيج يسوي بعرضه ولك صارلي شكدد ساكتلك وهسه بعد ماسكت كوله بسبببك بسبببك الله ياخذذذذك اكرررهك اكرررهك تسمعنيييي لزم ايدي وحجه بكل برود 

مصطفى: ادري مو شي جديد وثانيا اهلج من البدايه ميحبوج لو ابوج يحبج مجان يسوي هيج

دعاء: وفوكاهه تحجي بكل بررود يعني شتريده يتصرف يدخل ويشوف بنته بهيج موقف تريده يصفكلي ويكوللي عفيه بنيتي عفيه عليج

مصطفى: ماكتلج هيج يحجي بس يكعد يفتهم كلشي منج ثانيا مبين مثل عين الشمس اني معتدي عليج يعني مشاف دموعج لو كفشتج لو مسمع صياحج شبيج بابه ابوج ميريدج حطيهه بعقلج وبعد ماكو رجعه لاهلج فهمتي وصوتج ماريده يعله هسه محد بالبيت لليل كلهم يلتمون ماريد اسمع نفس منج مو صوت فتهمتي

دعاء: مو بكيفك تخليني هنا اريد اروح افهم اهلي على كولشي واذا ماوديتني اليوم اصيح واعيط واخلي الكل يعرف بوجودي

مصطفى: اصعد اكص لسانج واكلج اهلج يذبحوج يقتلوج انت غبيه

دعاء: شنو الهامك انت شعليك اموت ماموت انت شكو ليش مو كوله بسببك انت خطفتني انت جبتني لهنا كول اشي يصير وياي انت تتحمل مسؤليته واذا متت رح ابقى ممسامحتك

مصطفى: اذا خليتج اطلعين من هذا الباب وتموتين عود لتسامحين

دعاء: متأكد

مصطفى: ايي

دعاء: تقربت منه وهوه استغرب من تقربي باوعت عليه ودفعته بكل قوتي هوه وكع واني طفرت لان الباب اني سديته مقفله واني ركضت اريد اندل البيت اريد بس اندل الباب واخيرررا لكيته ركضت افتحه مقفولل باوعت عليه وخابت امالي....

مصطفى: ها مقفول مو تريدين المفتاح

دعاء: باوعت عليه متجتف ويباوع ومبتسم ابتسامه جانبيه باوعت زاد كرهي اله كرهين رحت بكل هدوء عليه.... مصطفى انطيني المفتاح

مصطفى: ماانطي شتسوين

دعاء: شتريد مني فديو وماعندي السالفه ومااحجيهه وخاف تكول احجيلهم عليك لا حته سالفت خطفك الي مااحجيهه ادبرلي حجه ف انت طلعت من كل السالفه المن بعد حابسني

مصطفى: اولا كتلتيني بسالفت الفديو مخايف حتى لو صدك عندج شيسوولي قابل وثانياا اني حبيت اشوفج يوميه يمي ويوميه اصبح بوجهج الحلو لو غمازاتج اليجنن حتى من تحجين

دعاء: ليش دا تستهزء ادري بيك متحبني وتكرهني وادري اصلا مو بالك اني ليش حابسني هنا دا احجي وسمعت صوت الباب دينفتح ويندك وصوت رجال