وتيني المفقود

٤

ام محمد الجبوريه

وتيني المفقود

البارت ٤

☘️☘️☘️☘️☘️☘️☘️☘️
🌺🌺🌺🌺🌺🌺🌺🌺

أحيانا علينا أن نضع ورقة على باب حياتنا ليقرأها

كل من يريد الدخول مكتوب عليها:
أنا أكافح في معركة أنت لاتعلم عنها شيئا وأنت لاتدرك حجم المعارك التي خضتها مع نفسي لأبدو لك بكل هذا السلام رَجَاءً كُنْ مُتَفَهِمَاً.. 

فأحيانا السكوت علامة رضا
وأحيانا يكون علامة تعب،
او علامة صبر،
وغالباً إنه علامة قلب تعود على الألم فَصَمَتْ قليلا ليرتاح.

يمه براهيم سوده بوجهي
طلعت عمتي لطارمه اصيح وتلطم
من سمعنا خبر الحادث وبراهيم ويه القتلى تخبلنا
عمار يحاول يدخل امه للبيت
وجان يبجي وياها ويصيح مثل النسوان

الجيران اجت على صايح عمتي وعمار

وكلها تتحسف على شباب ابراهيم

ابراهيم هو نفسه ليث الي ربو بيت عمي

من جنت طفله عبالي فعلا هو ابراهيم ابن عمي

لمن كبرت فهمت هو مو ابن عمي ابن جيرانهم تركو يمهم وسافرو الغير منطقة
ومارجعو عليه لان نقتلو هيج فهمت

وبقه ليث عاش وينا باسم ابراهيم
وحتى بيت عمي غيرو المنطقه مالتهم حتى محد يعرف السالفه ويبقى الموضوع بين الاهل والاقارب بس

لان ابراهيم ابن عمي بعمر ليث بسنه ال٩١

بيبتي اخذته وراحت ويه العالم للاورزدي
الناس صارت تفرهد بوكتها خلو الناس تدخل بالاورزدي وحركو وناس صارت فحم جوه وراح ابراهيم وبيبي بوكتها
بس جانو بيت عمي يخافون من الحزبيه من  رجعت الحكومه والجيش بوكتها
جانو يخذون العالم ومايرجعون بعد
فعمتي الي يسال على براهيم لو بيبي
تكلهم يم بتها بصويره وإبراهيم وياها
الحد ما
اهل ليث سافرو وتركو  يمهم
من عرفو بمقتل ابو  ليث
انتقلو بيت عمي الغير منطقه خوفا على ليث لان الي قتلو ابو يطلبوهم ثار وخافو لا يعرفون بوجوده ويقتلو
وصار  بمكان ابراهيم
حتى بالمدرسه
شكد جنت اشوفه هادئ وحباب
وجنت اامن من اكون يمه
الحد ماصار عمره ١٨سنه
وصلو النا اهله واخذو يمهم
بس بقه كل شهر يجي يمنه
الحد ما تخرج من الكليه وصار طيار
باسم ابراهيم بس اكو شي تغير بيه من راح يم جده شكد جان هادئ صار اعصاب ومايتحمل الكلمه
شكد جان يضحك صار عبوس حتى ملامح وجه اختلفت صرت اشوفه اكبر
من عمره
ودوم يخلى راسه بحضن عمتي يكلها يمه اخفيني بحضنج عن العالم

تعبت يمه والله ماعندي قابليه بعد

يمه ليش هيج يصير وياي ليش من طفولتي حياتي مو مثل باقي الاطفال
ليش مااخذوني وياهم مثل اخواتي