وتيني المفقود

١٠

ام محمد الجبوريه

وتيني المفقود

بارت ١٠

حضنـك أُولايــة لــ'غربتـي ..
و'بيــة سـولـة إمــن أرد أجيـس ألليـل
أجـيســة بــ'مشتهـاتـك ..

كون أعرف بــ'يا سمة إمضيع حلاتك

آه يــ'البيك إلمنايـر غـافيــة ..
و'تصحـة بـــ'صلاتــك ..

ليث حسيت رجلي ثكلن
ورجعت لورا
وجه جدي تغير بلحظه صار وجه صخل لحيته وكرونه
لحظات رجع طبيعي

ضحك كالي عرفتك سبع وتكدر تاخذ مكان جدك وتبقه عائلتنا مركز لكل العوائل

شوف ليث اني املك خادم واحد وشوف الي عندي فلوس وشركات وكلشي
جدك جان يملك ١٦

بس عمره ماسخرهم غير بس لاستخراج الذهب وزرع حب الناس بي
وتاثيره عليهم حتى من غير دينه مكدرو يحجون ويا ولا طردو ولا حاربو

انت تكدر تملك من هذولي الخوادم
ولو اكو واحد سخرته لحمايه معشوقتك بدون ماتحس وهو قريب منها حاليا

ليث:  شلون سخرته اني حتى مااعرف اقره التعويذات الي بالكتاب وبعدين ماعندي عشيقه
بطلت يوميه ماكلي هبطه

ضحك وكالي اكو معشوقتك بكلبك ماتطلع وعن قريب ترجعلك بس اتعبك الحد ماتملكها جسد وروح اما التعويذات اكو شرح فوك كل تعويذه تعلمك شلون تقراها وبهذي الطريقه ماتوكع بالخطأ لان اي خطأ بطريقه القرائه تاثر عليك
وهسه اريد اراويك شي مهم لازم تعرفه

كتله جدي كافي عليه شفت وجهك الثاني

تره بعدني عودي غض
مااتحمل هلكد مفاجئات

ضحك وكالي تعال وماعليك
الي راح اشوفه باي متحف بالعالم ماشايفه ومستحيل ينوجد

كانت اكو مكتبه ماخذا جدار كامل بمكتب جدي

شفته سحب كتاب من الكتب فتحه
شكله كتاب بس هو قاصه زغيره
طلع  منها مفتاح
المفتاح شكله اثري تقريب طوله اثنا عشر سنتيم اقل او اكثر مااعرف اخذني من ايدي
وصعدنا لطابق الثالث
للغرفه الي دوم مقفوله

فتحها بمفتاح كان بجيبه
بقيت اتسأل زين المفتاح الثاني المن

من دخلنا للغرفه عاديه مابيها اي شي مميز
غير اثاثها القديم

كان اكو سجاده كاشان ايراني مفروشه وعليها كرسين

وطبله بنص

زاحهم جدي وبعد السجاده

كان اكو باب خشب كتله جدي هذا قبو
كالي اي قبو بس ياخذنا الغرفه جدك الرئيسيه الي كان يحضر بيها اعوانه من حدثنا بناء هذا البيت طليت من المهندس يحافظ على الغرفه ماردتها تنهدم فصمم هذا التصميم تحس الغرفه باطن الارض وهيه بالفعل خارج البيت بالحديقه بس كدر يرتب الها شكل محد يكدر يشوفها من الخارج والمدخل الوحيد الها هذا الباب