ام محمد الجبوريه
لجين الجبوري
وتيني المفقود
بارت 11
ياهلا مساء الخير والعافيه على احلا واغلا واروع متابعين بالكون
وارحب بمتابعيني الجدد من مصر الحبيبه
وقفت القصه بسبب سرقتها من قبل كاتب للاسف يعتبر محترف ومعروف
والحمد لله انتصرت عليه بوقفتكم معاي ومساندتكم بان تحملتو اوقفها حتى نكشف كذبه وسرقته
صح احنه ناس فقره وعلى كد حالنا بشهره
بس النا وقفات مشرفه مع بعض ممنونه منكم احبابي
اليوم نرجع نكمل احداث قصتنا بغموضها وتشويقها واثارتها
نرجع المجنونه الي بدل مايكون ملك اصبح مملوك لعشقه
☘️☘️☘️☘️☘️☘️
لا زلنا اطفالا لم نكبر بعد كاذبه هيه اجسادنا وتواريخ ميلادنا كاذبه هيه ملامحنا واثواب احلامنا لم نكبر بعد لا زلنا بذاك الضعف بذاك الاحتياج ولاتكاء
على كتف ما والبكاء
☘️☘️☘️☘️☘️
مثنى يتحدث يقول اصبحت حياتي ورغم عني مقسمه بين الشركه والكتاب الي اصبح جزء مهم بيومي
اسافر بين اوراقه واروقته
اصبح لي صديق خفي عن اعين الناس
بعد ما اكون وحدي بغرفتي ابحر بين اوراقه واضيع بين فصوله العجيبه الغريبه الي اكثر من مره ادخل بحوار مع نفسي معقول الي موجود بهذا الكون تسخره كلمات مشكلتي بعيد عن ربي ومرات الكي نفسي اتقمص شخصيه عجيبه مو اني بس لحد هسه ماوصلت لتعويذات العزم
كل الي قريته مجرد اشياء بسيطه عن صلح او ابعاد او تقريب او....... اشياء سهله بهذي الفتره
صرت قريب الجدي وحاولت اخذ من معلوماته الخفيه ومعلومات عن ادارته لشركات ومجموع المحلات وغيرها من املاك خاصه ومشتركه
اخواتي نهى على طبعها مسالمه تاخذ بس بعقل الي مخصص الها ماتطمع بالزياده
اما منى هذي متصنعه الود بس بالحقيقه حربها من نوع الحروب البارده لحد هذي الحظه
مااعرف ليش ماتقتنع بكل الي تملكه وتحب تسحب البلاط من تحت اقدام الكل
رغم كل مواقفها معي تبقى اختي وادافع عنها بوقت الي اشوفها تنحصر بزاويه
مرت ايام وطورت بالعمل اني مو غبي لا من اخلي بالي بشي انجح بي وخاصه لمن اكتشفت اكو تلاعب من قبل زوج نهى بكثير صفقات ومداولات ماليه بالسوق العالميه
استعملت اتصلاتي بمجموعه شباب اعرفهم من ايام الدراسه وفعلا جابولي كل الكشوفات الاصليه الي بعد ماطابقتهن مع المزوره الي بالشركه اكتشفنا اكو اختلاسات بالملاين لمن عرضتهم على جدي
جوابه صدمني
_اعرف بكلشي يدور حولي نسيت اني عندي عيون بكل مكان
ليث: جدي هذي سرقه شلون ساكت عنها
_ههههه لا عزيزي مو ساكت عنها بس هو جاي ينطي لشركه الامول المتفق عليها اما الي ياخذا هذا بشطارته يطلعه نسيت هو يدخل بورصه وتداول عالمي
YOU ARE READING
وتيني المفقود
General Fictionكاعده اتصفح البوم صور قديمه وسمع صوتها هذولي كلهم ميتين التفتت الها اني اعرف هيه ماتحجي هيه خرسه بس اني متأكده سمعت صوتها رجعت اتصفح وهيه اتابع معاي اكو صور من بينهن الشخص مفقود وماكنا نعرف هو تاخرت بالنظر لصوره وبداخلي كتله الله يرحمك رجعت...
