وتيني المفقود

٧

ام محمد الجبوريه

وتيني المفقود

بارت ٧

‏أحيانًا نبحث عن الطمأنينة أكثر من الحب ، نبحث عن الشعور بالأمان ، عن الإحترام و التقدير ، عن الإهتمام بدون طلب ، عن شعور أن يؤمن أحدهم بك ، أن يرى فيك شيئًا لا تراه بنفسك ... أحيانًا نبحث عن أشيـاء أخرى و نظن أننا نفتقد إلى الحب...

ليث: وصلنا باليل
الكل نايم امي وصلتها الغرفتها وطلبت احد العاملت تكعد يمها تراعيها الحد ماتوصل الممرضه مالتها شكد احاول اعتبر هذا البيت بيتي ماجاي اكدر احس نفسي اختنك بي
هو مو بيت بالمعنى الصحيح هو قصر

متكون من تلث طوابق الطابق الارضي مطبخ وغرف العاملات والحراس والعمال
واكو مسبح داخلي ومسبح خارجي

الطابق الاول
صاله بيها 14عمود
تنفتح من الجه اليمنه صاله ثانيه لضيوف ومن الجه اليسرى مصعد ودرج ملتف
واكو شلال داخلي ينزل من الطابق الثالث للارضي

واكو مطبخ لتقديم فقط
واكو غرفتين وحده الجدي وحده مكتب

الطابق الثالث اكو 12غرفة نوم وسبع حمامات
واكو سويتين كاملات واحد من هذني السويتين تعيش بي زوجتي وبنتي سما
واحد مغلق عمرنا ماعرفنا شنو بداخله

دخلت سبحت وطلعت لكيت منى بالغرفه خلت الكتاب وطلعت

فضولي اخذني للكتاب كعدت ع الجربايه والكتاب بيدي
كتاب قديم مكتوب بخط ايد
كلبته ع السريع
اكو صفحات بيها رسوم حيوانات واكو رسوم بشر
نساء بدون ملابس
رجل على حمار وامراة بيدها الحبل مالت الحمار
اكو صور غريبه لوضعيات جنسيه
وكل صوره يمها رموز وعبارات غريبه

رجعت البدايه الكتاب بي اسم مو غريب عليه اسمعه هواي هنا
خاصه من شخص يريد يمجد بجدي يكله انتم ولد فلان ونعم منه

بديت اقره بالكتاب
بدايه الكتاب كلمات مافهمتها عبالك طلاسم وزغرفات حروف مقطعه
والصفحه الثانيه مرسومه شجره
تتفرع عوائل واسم جدي احد هذي الفروع

الصفحه البعدها كان بخط ايد صاحب الكتاب اول كلمات قريتها مرحبا بك ايها القارئ

اعرفك بنفسي اني فلان الفلاني

من الديانه الصابئيه

من قريت هذي العباره عبالك شخص وضربني كف انهزيت هز يعني فعلا اصلنا صابئه لعد شلون صرنا مسلمين
وهل ممكن اصحاب هذي الديانه متسامحين مع الي يطلع من دينهم

كمت طلعت بالبلكونه حاولت اهدئ شويه
من البارحه لليوم عبالك عايش بفلم
كل شويه تطلع الي سالفه
الاولى مهره وطقوسها
هسه جدي وديانته الاصليه
رجعت لفراشي افكر انام
بس وين يجيني النوم سحبت الكتاب