لَبّـــــــوُة عــــــــلَي

البارت 1

             بسم الله الرحمن الرحيم

لبوة علي
الكتابة:- كفاية كاظم

كرزاتي 🍒 لا تنسون التصويت+متابعه للحساب +التعليقات بين الفقرات +قراءة ممتعة🔥🔥 ...

من ارض الفاو البصرة الفيحاء نبدأ بلبوة لنغوص في عالمها ونكتشف اسرارها ومافعل الزمن معها كل هذا بقلمي انا  كفايه كاظم...

ياهو مثلي ؟؟
ب وجهه ... گلبه .. ومايبين كلشي ظام
ياهو مثلي ؟؟
الكسره .. تايه !! جام طايحله اعله جام
وليله  بمناوب يخلصه !!!
ايگعد اجروحه ..... وينام

♥ ♥ ♥ ♥ ♥ ♥

الساعة 8:30 صّبًآحًآ 

اشاهد قطرات الندى زايدات جمال اوراق الشجر ابتسمت وحركت بيدي المي الصاير فوگ الورق ريحة التراب المبلل تبعث بالروح هدوء لعبت برجلي بالتراب هههه شبية طفلة قابل الجو كولش حلو غسلت رجلية  ورحت فتحت الباب الرئيسي شفت الاطفال تلعب مليت راسي على الباب واتأملهم همست بين نفسي...

-تمنيت العب مثلهم واجرب الطفولة عزلوني وفرقوني عنهم ليش؟  شنو ذنبي حتى صرت منبوذة عند الكل اوففف مايهمني هذا الموضوع اليوم

لوحتلهم بيدي وابتسامة على وجهي مرسومة
سديت الباب لايجي واحد يسد نفسي دخلت جوة..

اليوم استراحتي نضفت البيت خليتة ينطي لمعة  اهم شي بعد التنضيف معطر الجو رشيت بالببت  ورجعت اسوي عناية  لبشرتي سويت تقشير للبشرة وشوية تعديلات باوعت بالمراية وگرصت خدودي صارن حمر..

:-خوش مرطبات مو؟
لا عيني بشرتي خوش المرطبات شعليها..

فزيت من  دگ المنبة رحت اركض يبوو شلون نسيت ادرس الحالة دكتور سليم هسة  يخزيني ...

لميت شعري المفتوح بكل وقت بس من اشتغل المة

طلعت الملفات وطشرت الاقلام و ورق گعدت ادرس بالحالة بكل تركيز بقيت حوالي الساعة ونص اني على گعدتي حتى رگبتي صارت توجعني اوففف تعبت...

عفت الاوراق من ايدي وگمت اطگ برگبتي  رحت اشوف شباقي عندي من حلويات ماارهم اذا مااسوي فد اكلة حلو خاصة الكليجة لان اخذ منها وياي للدوام..

فتحت الجرارات لكيت الكليجة مخلصة قررت اسوي طلعت المكونات كولة متوفر عندي ماخلي شي ينقصني  گعدت اعجن بالعجين وي صوت القصائد مشتغل يزيدني واهس ....

كملت العجينة ورحت شغلت التلفزيون على الاقل  يغطي على الهدوء المحتل  المكان...

الهدوء صح   مريح بس بية جانب مخيف اذا ركزت بية  بس عاجبني كولش مادام الله وياي ماحتاج احد غيرة هو انيس المستوحشين...

عايشة  بيت اهلي وحدي افضل   مااعيش وي ناس ماتريدني  ولا بحالي ياريتهم مو بحالي هما شلو حالي وبالي حسبي الله ونعم الوكيل على كل ظالم  ...