بسم الله الرحمن الرحيم
لبوة علي
الكاتبه كفاية كاظم
كرزاتي 🍒 لاتنسون المتابعه للحساب التصويت والتعليق بين الفقرات....
نبچي ما ندري عليمن
نـضحك وما ندري ليش
ما درينه أنبعنه يمته
ومادرينه أنبعنه بيش
♡ ♡ ♡
الساعه التاسعه صباحا من إحدى المستشفيات
زينه -گاعدة منتظرة تجي لبوة الساعه بالتسعه وهي ماكو صايرة تتأخر هواي وتأخذ اجازات خلال هالفتره تغيرت وكلنا لاحضنههالشي عليها ابد ما تحجي والوقت كله صافنه ...
قبل تسولف وتضحك ويانه وي المراجعين هسه ابد ومن اسئلها تحجي كله باللغاز كلشي ما افتهم منها الصراحه بديت اقلق عليها ...
هدوئها يخوف تخلص شغلها وتخلص الاستراحة وحدها احس هذا الحادث اثر بيها كولش....
واخيرا اجت لبوة شافتني سلمت بدون ماتوگف وتسوالف وياي مثل كل مرة..
-هلو زنزن شلونج شخبارج
تجاهلت وجودي واني منتظرتها صارلي شگد گلبي طاگ عليها حسيت بفشلة دنگت العب بصابعي نزلت دموعي ما گدرت اسيطر عليهم همست بصوت ناصي.....
-تمام "
اجت باتجاهي وحجت بتوتر ....
لبوة -شبيج زينه شصاير وياج ؟منو محاجيج؟؟
دنگت امسح بدموعي رفعت راسي الها مو لبوة هاي متغيره 180 درجة هالات جوة عيونها وضعفانة بشكل ...
-محد
هزت اكتافي بعصبيه ملامح القلق بانت ع وجهه
- شبيج منو مضوجج ؟؟
-انتي"
أردفت بصدمه تأشر باصبعها ع نفسها
-اني ؟؟شسويت شحجيت وياج گولي !!
-هو لأن ماتحجين وياي ،لبوة تدرين بيه متعود
عليج بكل خطوة انتي وياي مااعرف اسوي شي
بدونج
حجت بحيرة وضياع مغطي عليها ....
-وهسه شنو التغير بعدني وياج بكل خطوة مستحيل اعوفج يوم صدگي والله ...
-انتي تغييرتي ,مو مثل قبل ولا كاني موجوده حالي حال الغريب ترة اني وياج مو زميلات تعودت عليج هواي حتى ما اگدر اسولف وي غيرج ...
VOCÊ ESTÁ LENDO
لَبّـــــــوُة عــــــــلَي
Ficção Geralسئمت من الوحده سئمت من الانتظار انتظار ناس رحلو؛ بدون وداع ليس لهم عوده... كل شي رحل بعيدآ وتركك ملقي في وسط الطريق طريق طويل في كل خطوة يوجد فية ذكرة مؤلمة لنسير بخطوات بطيئة ونكتشف هذا الطريق. لبوة علي بقلمي: كفايه كاظم 2023/1/8
