بًسِمً آلَلَهّ آلَرحًمًنِ آلَرحًيَمً
#لبوة علي
الكاتبة:كفايه كاظم
لاتنسون التصويت والتعليق بين الفقرات...
قراءة ممتعة ✨
تبيعني الدنيا
واجي بتعبي اشتريك
والله لو تدري بحلم
مامنطي بيك..
꧁꧁꧁꧁꧂꧂꧂꧂
لبوة...
الخوف ليس وليد اليوم بل هو عائدا لسنوات عجاف كل جرح ينحمي اثرة بمرور الزمن الا الم الجرح يبقى بالروح متلهبآ...
من جنت طفلة جنت اشرد لبيتنة اضم روحي بزاوية الغرفة من خوفي منة يجي هو بكل جبروتة وهيبتة يوكف بالباب ويضحك بكل خباثة كل ضحكة من عندة دليل على قساوة العقاب...
ينزرع الرعب والخوف بداخلي...
انظر اله بعيون متوسلة وكل جسمي يرجف من شر عقابة اطلب الرحمة منة عسى ولعل اكو بگلبة ذرة
بس للأسف ماكو ولاذرة الحيوانات عدها رحمة اكثر منة...
سنين والوضع مستمر الا ان حدتث نهاية وصار ما يدخل بيتي ابد سنة سنتين عشرة هو مادايس عتبة بابي واليوم دخل ودخل خوف ورعب الماضي بداخلي....
اطرافي يبست من سمعت صوتة داخل بيتي علامات التوتر والخوف الكل يكدر يميزها بسهولة هذا كلة بس سمعت جملتة...
سلطان:-اليوم لبوة هنا
:: ردت ابين عكس البداخلي ومابين الة اني بعدني اخاف من وجودة باوعت لهيئتة نفس الجبروت ونبرة الصوت القاسية ماتغيرن ابد بس شكلة متغير ضعفان وكبران ...
سلطان:: شني لبوة خو ما زعلانة من عدنة تعذريني بوية ترة مرتي مريضة وملتهي وياها...
لبوة:-صوتي اختفى وحرارتي ارتفعت من كال بوية يتعمد يغثني بهاي الكلمة باوع لحيدر الي يباوعلة بجمود...
سلم علية بقيت جامدة بس عيوني تباوع على ايد حيدر بيد جلادي....
سلطان:-مبين انته خوش ولد ولبوة مو جي بتنة وامدحلك بيها لا الله يشهد اخلاقها كلها تحجي بيها واريد دير بالك عليها وتحطها بعيونك مثل مااحنة جنة مهتمين بيها....
كلامة كلة مقصود مايحجي شي الا اله غاية غايتة يذكرني باهتمامة وحرصة علية احس اذني نطرشت مااسمع شي ..
درت وجهي ومسحت عيوني واني اشهد زواية البيت على تعذيبة هنا من يبسني بالصوندة ويمشي ينگت بدية من بعد ماخلة جسمي ازرگ ويون علية ...
درت وجهي وفتت من عندة صاح وراي عفتة ومشيت صوت الضرب بذني اسمع صوت الصوندة من تاكل بجسمي اكل، صعدت بالسيارة واني اعد ارقام وصلت لحد 235 حسيت ايد حاوطتني طفرت من مكاني...
حيدر:-اسم الله شبيج
لبوة:-باوعتلة بذبول ودرت وجهي للجامة حجيت بجمود:: مابية شي
BINABASA MO ANG
لَبّـــــــوُة عــــــــلَي
General Fictionسئمت من الوحده سئمت من الانتظار انتظار ناس رحلو؛ بدون وداع ليس لهم عوده... كل شي رحل بعيدآ وتركك ملقي في وسط الطريق طريق طويل في كل خطوة يوجد فية ذكرة مؤلمة لنسير بخطوات بطيئة ونكتشف هذا الطريق. لبوة علي بقلمي: كفايه كاظم 2023/1/8
