بًسِمً آلَلَهّ آلَرحًمًنِ آلَرحًيَمً
#لبوة علي
الكاتبة كفايه كاظم
لاتنسون التصويت +والتعليق بين الفقرات +المتابعة للحساب+قراءة ممتعه 🔥🐆....
ردنا ننسا وما نسينا
ردنا نبچي وما بچينا
نعتب ونبچي عليمن
وياهو يسمع لو حجينا...؟
꧁꧁꧁꧂꧂꧂
لبوة:-
فعلا لو گالو الدنيا صغيرة مافكرت بيوم نلتقي اني ودكتور حسن ابددد سنين من سافر شگد جنت الوم بنفسي لان سافر بسبب حبة الي الحب من طرف واحد جرم بحق الشخص لنفسه بس اكيد هذا الشي مو بيد الانسان ..
اليوم التقيت بية وبضرف يفشل ادور شغل اوفف على حضي النايم بالطين انصدم بوجودي و عيونه تقرقرت بالدموع وهو يباوع لبطني لحد الان باقية بالك..
-لبوةةة...!
سكتت وعبست وجهي بالم اجتني رفسة خرب بيك شبيك ترفس وكتك تسودنت ترى اني امك انتبه الي لازمة بطني ومغمضة عيوني لاتجاوزت هواي بس وين تطير اطلعهن من عيونك..
-بيج شي...!؟
-هاا لا شلونك دكتور
-الحمدلله انتي شلونج شخبارج حامل
-بخير هاا اي حامل
-شوكت تزوجتي...؟
-من زمان
-شعجب؟
-سنة الحياة هاي بالاخير ارتبط بالانسان المناسب
-كلتي مناسب شلون شكلة هذا...؟
-من فئة البشر مو كائن فضائي لاتخاف
-شعجب ماجاي وياج
-عندة شغل
-شنو السبب العفتي العراق وعفتي شغلج
-شغل زوجي هنا وتعرف بالعراق مامرتاحة
-ضحيتي بشغلج لخاطر زوجج عاد يستاهل
-اكيد يستاهل ابو ادام
-ولد..؟
-شنو..؟
-البطنج
-هاا بعدني مامتاكدة بس الاصح اي ولد
-تكومين بالسلامة
-شكراً
نزع جاكيتة وانطاة للسكرتيرة دار وجهة وسوالي بيدة تفضلي دخل لمكتبة ترددت ادخل وحتى اشتغل وياة بلعت ريگي ودخلت المكتب جان وسط مو كولش جبير وضايفلة لمسات بسيطة وبعض الاثاث العراقية حمحم بصوت ناصي:: تفضلي استريحي
گعدت وبقيت احوص بالكرسي ركست بية شتت نظري بارجاء المكتب وهو نظرة علية ضجت من هالشي هواي التفتت علية كبران حيل ومختلفة بية هواي أشياء من طريقة لبسة وشكلة بس هدوئة وادبة هو الباقي ماتغيير قاطعت الهدوء المحتل المكان:-ماشاءالله عيادتك كولش حلوه
YOU ARE READING
لَبّـــــــوُة عــــــــلَي
General Fictionسئمت من الوحده سئمت من الانتظار انتظار ناس رحلو؛ بدون وداع ليس لهم عوده... كل شي رحل بعيدآ وتركك ملقي في وسط الطريق طريق طويل في كل خطوة يوجد فية ذكرة مؤلمة لنسير بخطوات بطيئة ونكتشف هذا الطريق. لبوة علي بقلمي: كفايه كاظم 2023/1/8
