رنس والعقيد اسر

البارت22

Fatima_Al-juboory

كالعاده تحدث نفسك دائما لانك الوحيد الذي يشعر بك ...

,,,,,,,,,,,

مساءكم هيل وزعفران حبايبي 🌺

رانيا ...رفعت راسي وعاقده حواجبي اريد احجي

وسبقني بصوته الي بي بحه اتجنن

مجتبى ...قبل لا تحجين وتاكليني بكشوري ، خليني اصير وياكم بلكروب
...عندك مرحلتك وسوي كروب شعندك جاي للمرحله الاولى
...ميهم مرحلتي لو غير مرحله كلنه زملاء

...ماعندي اشكال بس خل نشوف الباقين
....ماشي بمناسبه الصداقه اليوم ريوكج عليه

...لا والله ماشتهي وبعدين مو اكيد كتلك خل نشوف الباقين
...ؤك

...بقه كاعد واني رجعت اقرا واشرب بلكهوه ...شويه واجوا ثلاثتهم سوه

الكل ...صباح الخير

...صباح النور ، هاي شنو شو جايين سوه وعايفيني وحدي

مازن ...والله اني اجيت ولكيتهن سوه واجيت وياهن
قبس ....واني اجيت وجنت احجي ويا زميله واجت فاطمه وبقينه واكفين نحجي وهوه اجه
...هاا خوش
الكل ...معرفتينه
...هاا صدوك ، اعرفكم زميلنه مرحله ثالثة مجتبى
...اهلا وسهلا
...الصراحه يا عيوني الاخ طلب الانضمام
للكروب واني منطيت كلمه انتظرتكم شنو رايكم؟

الكل ..ايي ينضم ليش لا كل الهلا بي

...هاا خوش ، درت وجهي ع مجتبى كتله سمعتهم تم قبولك للانضمام بكروبنه ، كعدنه وبدوا يراجعون وشويه

وكمنه لان راح تبدي المحاضره طلع الاستاذ درت عليهم
...ولكم متت جوع يله كومو ، كامو وطلعنه دخلنه للنادي كعدنه شويه وهم اجه مجتبى
كعدنه سوالف وشقه وراح جاب لفات وبيبسي كعدنه نسولف ونشاقه ع ماكملنه
بدت المحاضره الثانيه وصرنه نتنقل من محاضره لمحاضره منا لمن خلص الدوام
رجعت تعبانه ماعول اصلي ونام وادفه بالبطانيه

...فزيت من صفنتي  ع صوت ظافر

...رانيا

...رحت عليه ، هاا ظافر شنو تريد

..عفيه فرشيلي اريد انام ميت نعاس

....اي خوية هسه ،، صعدت فوك نزلت فراش فرشت اله بصف القنفه مقابيل المكيف اباوع المطبخ

كملت كل الشغل يله خل اسبح وانام دخلت اخذت ملابس من الجنطه وسبحت رجعت
عفت شعري ينشف وحده رحت كعدت يم راس رنس والعب بشعرها اباوع عليها شصاير بيها يالله المرض ماخذ كل حيلها
شويه وردت اتمددت من الجهه الثانيه يمها ماعرف الساعه شكد
فزيت ع ركضة رنس طلعت وراها مباشرةً وكفت العفوو تتقيأ انصدمت تتقيأ دم

بشكل مو طبيعي امسح ع ظهرها غسلت وجها وطلعت من الحمام
اباوع عليها بلكوه تمشي رجعتها للغرفه ورجعت نظفت المكان