رنس والعقيد اسر

البارت34

اسعد الله مساءكم بكل خير احبتي✨

رنس ...مر الليل عليه بونين روحي ، ابجي واعاتب اسر بگلبي ،الي مصدگني اگله مو اني و
حبسني بالغرفه وحرمني من شوفة ابني

اريد اسمع صوته ماكو فرفحت روحي عليه ، تاذيت حيل والي آذاني اسر مصدك ب كلشي

عمر ويا وسنين رباني ع ايده احلفله ما يصدكني ، جروحي تون عليه وجرح گلبي اكبر ،
حيل آذتني كلماته وضلت تردد بمسامعي
"لعبت روحي منج ..كشت روحي ..لو يصبوج ذهب ماريدج"

احس سجاجين ونبتهن بنص گلبي ، كاعده وايدي ع خدي

ودموعي توكع ع الكاع من كثر حرارتهن
افكر واكول منو اله مصلحه هيج يسوي ، زين منو هذا

منين يعرفني ، الليل صار شطوله عليه واني روحي لايبه

ماعرف الساعه شكد ، غرفه هيج بس فارشتها ومنظفتها

محد يدخل بيها ..بيها شباك يطل ع الكراج والشارع

مخليتلها برده ، بده يقرا قران واني مركزه ويا2

كل كلمه احس هدئت روحي ، بده يأذن .. و اني حايره

شلون اصلي ، كمت تجهت للباب .. صرت ادكها ع كيف

بس بصوت مسموع ..اسر فدوه افتحلي الباب اريد اصلي .. اسر .. اسرررر ... اسسسرررر
ضليت ادك بالباب بالخمس دقايق سمعت طكت القفل

رجعت لوره وانفتحت الباب ، اباوعله داير وجها

ما يريد يشوفني اختنكت وحجيت ..

..براحتك اسر لا تباوعلي الله كريم بس يجي يوم وتعرف الحقيقه وتتندم ع كل ضربه ضربتها الي واني بريئة و ع كل حجايه حجيتها بحقي

ربك مايسكت ع الظلم مصيرك توكع ع الحقيقة وتعرف اني مظلومة .. بقه داير وجها ماباوعلي متت قهر كتله

براحتك اسر براحتك حجيت وطلعت ، ضليت ارددها بداخلي
مدري ليش بس حيل آذاني ب تصرفه ، نزلت جوه
اباوع كيركوت عبودي فارغ ، يممممه ابني وينه طلعت ع السريع من الغرفه

..اسر وين ابني وين مودي ابني
..ما عليج من اليوم ورايح تنسن عندج ابن تحلمين اتشوفي بعد بس خلي اعرف الكلب الي خنتيني ويا حتى الي متشوفيني بعد لان راح تنتهي حياتج

...اتخبلت هذا شديحجي كمت ادك والطم واصرخ لاااااااا اسرررر لااااااا تسوي بيه هيج كلشي و لا ابني فدوه

اترجاك جيبه ابنه مريض لايصير بي شي فدوة متخاف عليه ليش الطفل يتحمل ذنبنه ولك عيني رجعه لحضني لتعذبي بي
اسر والله مو اني ليش ما كاعد اتصدك حلفتلك بكل يمين مامسوية شي يخل بشرفك ولاطعنت ظهرك والي دتشوفه كله جذب وملفق واتهامات باطلة بحق شرفي

..انطيني دليل واحد بسسسس واحد يثبت مو أنتِي ، ولج كلشي ديثبت ضدج كلما اريد اصدكج ينثبت شي عكس ضدج