رنس والعقيد اسر

البارت37

مساءكم عسسسسل حبايبي❤️

اقبال ...همزين ما لحك بي اسر ...صدك خما احد شك

زهراء بضحكة خبيثة ...لا همزين محد شاك بينه

..صدك هيه هسه محبوسه بالبيت مو ؟ حتى الباب الرئيسي يقفله يكولون ..
..ايي ادري انتي شمدريج

..عادي تره الكل عرف بالسالفه بس هوه حماها واني مستمره ادز رسائل .. مامخليته يتنفس ههههههه

... اي عفيه بس ديري بالج لحد يكشفج ووصي  وسام  همات

...لا اطمني وسام سبع وزلمة معدل وذكي حتى حساباته مستحيل واحد يلكفهن لان اكبر هكر بالعالم محد يصيدة .. انتي هم ديري بالج مو أحد يعرف ..تره اذا عرفوا نروح بيها

... يي تمام ..اني هسه جايه لبيت اهلي راح ابقه كم يوم  ..اقبال ديري بالج وموبايلج دائماً خلي يمج واخفي البرامج تره اذا انلزمنه بعد نروح بيها ..
وترا اني حتى امي متعرف بالسالفة لان سر بيني وبينج حتلو ما اكول الها ..
...لا عادي غير اني اوصيج و اوصي روحي هم
...ولج فدوة لكلبج والله ما انسالج هاي الوكفه
...هههه تدللين
يله اني اروح لا احد يجي ..اشوفج بخير زوزو

زهراء تبوسها وتحضنها وتكلها ...حبيبتي الله وياج خلينه ع تواصل

رانيا ..صعدت بسرعه وبخطوات خفيفه حتى لا تحس بيه
ما انصدمت لان متوقعه هذا الشي .. مثل ما هيه وامها سون سحر قابل غريبه عليهن هاي السالفه ، كلشي اتوقع منهن ..
حرامات والله هاي أخت اسر ..بس تريد ادمر حياة اخوها ..استغفر الله ضليت لازمه الموبايل اخابره واتردد

خاف يكول لان اختها ادافع عنها وتتهم اختي .. لا هوه اكيد راح يتفهم و راح يعرف سوالف أخته ، طلعت رقمه تصلت ..

... الووو
..الو هلا اسر شلونك
..الحمدلله ، كولي رانيا محتاجه شي حتى متصله هسه
..شوف اسر اني راح اكولك ع شي بعد بكيفك اتصدك أو لا بس اني تره ما اسكت لا عبالك سكتت ع ذيج السالفة ...

..لحظه لحظه ع كيفج هوه شكو شصاير
..اسمع اسر اني متأكده من اختي متسوي هيج و لا تباوع ع غيرك بس حرامات هيه تحبك هيج والله متستاهل
هاي عود انتَ الي ربيتها ع ايدك وكبرتها وتعرف كل صغيرة وجبيره بحياتها حتى اكثر من عدنه اني وظافر ..
بس ميهم بعد الحچي ميفيد .. اريد أكلك الي صار برنس لعبة حقيرة وقذرة و الي مسويه هيج هيه اختك واذا ما تخلي حد الها وتعوف اختي بحالها اني الي اطيح حظها واربيها من جديد ..
مره امك طعنتها بالسجين وصلتها للموت ومره السحر خلاها متعرف هيه منو سنه ونص
ومره انتَ ضربتها طلقه ..وهسه هاي تهمة اختك المصكوعة تره اختي ما تايها الكم .. اكو الي وراها .. مو اله رجال .. والله العظيم اذا مسويت حل يا اسر

وتعتذر منها اخذها واطلع اجر بيت ..الحمدلله ما معتازه راتبي يكفي ..
اسر مديستوعب الكلام بقه فاك حلكه ويستمع كال ..بس دقيقة فهميني انتي شدتحجين ومنو كلج اختي ..عندج دليل
..اني سمعتها باذني واذا تريد جيب القران احلفلك عليه واذا ما مصدك خلص عوف رنس مو متوليها وليه