رنس والعقيد اسر

بارت24

يسعد مساء متابعيني بكل خير

اسر ...سمعت صوت امي سلمت فتحت الباب طبيت

بوستني ولوما امي جانت عرفت شنو اسوي ...دخلت كعدت بالصاله اجتي زهراء تتمندل سلمت عليه مارديت عوجت حلكها وكعدت
حجيت

...يمه

..هاا يمه

...خابري بنت عمي رنا ،، اباوع عليها كامت بفرح وراحت تخابرها والله مطولت
ربع ساعه واجت الشفيه والوجه ملبوخ لبخ باوعت عليها بطرف عيني واني موجر نااار بمدي الزمها واكطعها بسنوني ...كعدن خابرت ابوي
...الوو
...الوو يابه وين انت

...يم صديقي كول بويه محتاج شي

.. ايي والله يابه اريدك واني بالبيت تعال ع السريع

...جاي يابه بس مسافة الطريق
...نهيت المكالمه اباوع ع امي ضيقت عيوني بغضب وصكيت ع سنوني

اريد اعرف شنو اسوي يعني هيه امي وماكدر اسويلها اي شي راح اعوفها ع ابوي هو يتصرف وياها بس دواي زهراء ورنا

والله اله اخليهن يتمنن الموت ومايطولنه ع عملتهن ساعه وابوي اجه دخل
سلمت عليه وكعدنه حجيت
...بويه اجيت اريد اكلك مثل متعرف اني
صارلي سنه ونص مزوج وكافي خيري شري عنكم3
ابو اسر .. ايي والله بويه ان شاءالله تكون مرتاح

اسر جر حسرة قوية وحجه بقهر كال ...بويه ياراحة هاي التحجي عنها اني من اول مزوجت وره اسابيع رنس وكعت عليه
وتمرضت اخذتها دكاتره وحرت شنو
اسويلها حتى اتطيب صارت جلد وعظم
هيه والميت سوه وماخليت دكتور ماخذتها اله وماصارت زينه وذاك يوم وهذا يوم

ذيج هيه نايمه بالفراش صارت عيني ع رنا وصكيت ع سنوني

شفتها دنكت وبتسمت تك خد حسيت الدم صعد لراسي وصارت عيني بكصتي بس كتمت غضبي وكوه لازم اعصابي ماريد هسه اتهور خلي اخلص شغلي وافك السحر وذاك الساع ابدي اصفي حسابي وياهن
رجعت كملت كلامي واني راص ع ايدي من الغضب

كتله بويه والي صار طلع مسويلها سحر

والدليل بعيني اني شلته وديته للسيد باوعتلهن وجهن لونه انخطف كامن يتبلعمن

كملت...واليوم
اجيتك وراح اكلك اذا انت تقبلها بعد لا انت ابوي ولا اني ابنك واعتبرني متت
ابو اسر ..شنو هذا الحجي ابني واني شدخلني بلموضوع
...هيه هنا السالفه بويه الي مسويلها السحر منه وبينه هذني الي كاعدات كبالك هنه الي مسوياته وسلبن راحتي مني ودمرن عافية مرتي ، حجت امي
بعصبيه وصياح ...شنو عيني شنو ومنو هذا الي كلك احنه نسوي سحوره جاي وتريد تذب تهايمكم علينه

روح شوف منو سوا الها مو كاعد تتبله علينه شوف يا كح**مسويته
زهراء ...شنو اسر ازوجت وجاي تتهمنه ماتوقعتك هيج ولا توقعت راح اتصير اخو مرتك
...طفرت عليها لزمت شعرها بيدي وعتيته وضربتها راشدي فريت راسها فر ، كتلها انتي صمي حلكج