السلام عليكم حبايب گلبي شونكم شخباركم
بارت جديد
لن يقتنعو بأنك تتألم حتي تموت أمام أعينهم
ـــــــــــــــــــــــــــــــــــــ
فتح عيونه على وسعهن وهن كبار يخوفن صارن وكف على حيله بعد ماجان كاعد وايده ترجف
الشيخ جد جود: شكلتي بويه
جود: اي شيخ اني بنت رسل وامي اسلم عليك وتكول جود امانه عندك واعرف كد الامانه
الشيخ: تعاي بويه تعاي بيج ريحه الغاليه
جود: جيت يمه حضني وباس راسي كال بعيوني اخليج
بيني وبين نفسي فكرت كلت لو امي غاليه جانت سئلتو عليها
الشيخ: كومي بويه طبي جوه
جود: لا جدي اريد احجي وياك بالسالفه قبل ماطب بس بيني وبينك
الشيخ: ههههه بويه نسيت اعرفج عليه هذا ابن خالج بيبرس
جود: عوجت حلكي على هالاسم هههه تشرفت بي جدي
باوعلي ولا دارلي بال ولا عبالك. موجوده
عزا بعينه شكد متكبر
الشيخ: يلا بويه احجيلي شبيج وليش جيتي وحدج كل هاي المسافه
جود: جدي كتلك بيني وبينك
بس خلصت كام بيبرس من مكانه
بيبرس: اترخص اني شيخ عندي شغله لازم اروح
الشيخ: مرخوص بويه
بيبرس: مع السلامه شيخ
الشيخ: الله وياك
جود: طلع جدي راح. احجيلك كلشي بس والله مامجذبه عليك بحرف وداعت امي الغاليه
الشيخ: احجي بويه
جود: بديت احجيله وابجي حجيتله كلشي صار وياي من طلعت من المدرسه لحد ماجيت للبصره
الشيخ: محلوله بويه مادامني عايش محد يكرب صوبج كومي بنيتي نطب جوه وامسي دموعج واني احلها
جود: مسحت دموعي وكمت وياه طبينا جوه طبينا من باب المطبخ جانن بنات هواي يطلع من عمري واكبر واكفات بي. من فات جدي وكفن كلهن سلمن عليه
طبينا لصاله الصاله مليانه شباب وبنات واكو نسوان اكبار ورياجيل هم. اكبار بيهم
كلهم وكفو من طب جديد وجانت علامه الاستغراب على وجوهم كلهم
الشيخ: السلام عليكم بويه
الكل: وعليكم السلام شيخ
كعدت وصاحلي اكعد يمه
جيت كعدت يمه
الشيخ: ام عباس جايبلج ضيف عزيز
الشيخه ام عباس: هلا بضيف هلا من جانه
