السلام عليكم حبايبي
اعذروني البارحه مكدرت انزل مريضه كلش جنت
بارت جديد
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
بابر: خليتها تاكل واخذت علاج ونامت
كمت من يمها واني افكر بيها عليش هلكد صاير افكر بيها اني اتفقت وياها ويا نفسي تكون بنتي وصديقتي اكون سندها
لاتخلي افكار ثانيه بالك سمعتت
كمت بدلت وصيت امي عليها وعلى الجهال وطلعت لدوام
وصلت لدوام بين المراجعين
اجه سلام
يكون صديقي واقرب من روحي عليه
سلام: هلا يالحبيب
شو اليوم متاخر ولك
بابر: هلا بيك حبيبي
هيج مشغول بالبيت شويه
سلام: اي يابه ليش مامشغول جنها العافيه بنتك
بابر: سلام تره ماناقصني اسكت رجاءا لا تجيب طاريها
سلام: سكتنا يابه سكتنا
احجيلي هسه شبيك مبوز
بابر: مابيه شي
سلام: عليه ابو عيسى
بابر: مادري شبيه والله احس ايديني مربطه
صغيره بعدها وشافت كل هذا اريد اخليها تنسى الي صار وياها اخليها تبده بدايه جديده خاليه من قهر من ماضي خاليه من يوسف اريدها تنسى
باوعلها مرات بالليل ماتنام
وصلت بيها تريد تنتحر الله لطف بحالي وخلاني اكعد
باوعت عليها مكابله المرايه وتحجي وتبجي مجنت اسمعهو كربت عليها وبحركه سريعه اخذت الموس منها
سلام: لا اااا مو هيج يمعود دير بالك لاتسويها
بابر: هو هذا الي مخوفني خاف تعيدها والنوب اني ماكو
سلام: ليش ماتراجعها لدكتور نفسي
بابر: والله مادري اريد افكر زين واذا احتاجت ادويها
سلام: شنو تعنيلك بابر شو تتراجف عليها
بابر: سلام مو وكت هلحجي الي اعرفه هيه بنتي اخاف عليها من الهوى
اني اكثر واحد شهد عليها شكد عانت وتعبت صح كتومه وماتحجي
بسس عيونها اخ من عيونها يحجن كلشي
سلام: الله يساعدها ان شاءلله ويسعدها
بابر: امين امين
راح سلام وكمت خلصت شغلي
خلص الدوام وطلعت للبيت
دخلت سلمت على امي وبوستها
بابر: ها يمه شونها
