السلام عليكم حبايبي
.
.
.
.
♡♡♡♡♡♡♡♡♡♡♡♡♡♡♡♡♡♡
تعبانين
گضينه العمر بل آآخ والصفنة وحزن هالناس
تعبانين
نبجي يم شكو نعاوي ونطرش للدمع بـ احساس
نبجي شما لگينه الدنيا رخصتنه
وباعتنه خمر للكاس
كضينه الحزن بالروح كضت ايد
بس مامش فرح ينجاس
غيث الگطراني
.
.
.
.
.
.
.
.
.
.
.
.
.
.
.
.
جود: موت يوسف جان فاجعه
باوعت عليكم احس الدمعه بطرف عيني بس معانده ماتريد تنزيل مهمه يكون هلشخص اذاني وهاني ودمر حياتي
بجيت على بجيهم نكسر كلبي على ابني وعلى نفسي شراح يصير بينا
الساعه 6المغرب جابو تابوت يوسف
صار الصريخ والبجي
عالي حيل
خفت على ابني من الصراخ وهو بعده طفل اخذته هو وعيسى خليتهم بغرفه خالتي
_عيسى حبيبي بس يكعد مياس ناديلي خوش
_اي خاله
طلعت وسديت الباب ماتقربت يم التابوت بس جنت ابجي على بجي امه وخواته ومعاتبهم
جان يوم متعب كلش
شال تابوت يوسف شكت الدشداشه امه وتملخ بشعرها منضرها جان كلش محزن
لفها اخو يوسف ودخله بالكوة جوه واخذو تابوت يوسف
بريته الذمه ومسامحته على كلشي سوه بيه
مشيت لابني اخذته غيرتله ملابسه ورضعته ونومته
كمت لبست اسود لميت البيت ورتبت ناس هواي من كرايبهم سوينا عشى ودرنا للعالم. الموجوده كرايبهم من غير محافضات
غسلنا المواعين وفرشنالهم ينامون.
كال وحده ماعرفها
_يمه انتِ مريت يوسف
_اي خاله اني
_ييمه شو ماشفتج تاثرتي بموت رجلج
_خاله انتِ تعرفين شاكو بكلبي شي؟
_لا يمه بس اقصد. شو لالطمتي لاسويتي شي مجرد تبجين
_خاله لو شكيت هدومي او لطمت راح. يرجع يوسف
_لا يمه مايرجع
_اي خاله فا ماله داعي بس اعذبه هما السابقون واحنا الاحقون الي نكوله أنا لله وانا اليه راجعون
عفتها ومشيت بدون ماسمع ردها فرشتلي فراش بغرفه خالتي بس هيه مابيها احد وجبت عيسى نومته ونومت ابني ونمت واني افكر شراح يصير بحالي
