السلام عليكم حبايبي
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
جود: رجع عباس جايبلي موطه ككو متت عليها اكلت خمسه دفعه وحده الا هو شالها
عباس: كافي حبيبي مو زين عليج
جود: اهووو عباس خليني اكل بعد
عباس: لا كافي حبيبي
جود: سكتت لان اعرفه عنودي ماراح يخليني اكل
كمت صعدت نمت واني مرتاحه واحس حتى كلبي مرتاح
كعدتني امي المغرب
ام جود: يلا يمه كومي كافي مايصح النوم الدنيا مغرب
جود: اي يمه كايمه
كمت غسلت ونزلت كعدت وياهم ابويه ولا عبالك موجودة ماحجه بعد كلام احمد
احسن مابيه حيل مشاكل واتعارك وياه
تعشينا كمت اخذت علاجي وهم رجعت نمت عندي خمول لدرجه
كعدت الصبح الساعه بال 10نزلت خالتي ام بابر عدنا سلمت عليها
ام بابر: شونج. يمه جيت اشوفج
جود: هلا بيج خاله كل الهلا الحمدلله بخير وانتِ شونج اخبارج خاله
ام بابر: دومج يمه بخير
على الله يمه
كعدت وياها وسولفت كالت انو بابر حاجي على يوسف وكايله تستاهل احسن خلي لايرجعونها الك
والله خاله يوسف مايهمني بعد لو على موتي مارجع
ام بابر: اسم الله عليج حبيبتي
شويه واجاها بابر اخذها راحت
ضلت الايام تمشي وتمر وام بابر بالاسبوع مرتين تجيني شتحتاجين واني اكوللها كلشي ماحتاج سلامتج واستمر الوضع هيج
دكتورة كل نهايه شهر اروح عليها وعرفت بطني ولد حسيت بفراحه احسه راح يصيرلي سند
مرت عليه 6شهور على زعلي ويوسف ماكلف نفسه يسئل او حتى يرجعني
واني اصلا شايله فكرة رجوعي اله من بالي لا من سابع المستحيلات ارجعله بعدد
دخلت بشهري 10ايام
حسيت العصر بوجع كلت عادي مثل كل مره تقلصات بس كمت حضرت شغلات اخذها وياي للمستشفى
صارت الساعه 11بالليل بعد ماتحمل
يمه يمممممه تعاي ولج
خطيه امي جت تركض مهبوطه لبستني عباتي واخذنا عباس للمستشفى امي كالتله خابر اهل يوسف خلي يجون
دخلوني مستشفى اهلي
الدكتورة كالت الطفل نازل كبل للولده اخذني وبعد معانات وجع ماينحمل جبت ابني نور حياتي حتى الوجع التعب. نسيته من شفت اخذوني لغرفه خاصه جتي امي خلاتني اكل بعدين رضعت ابني
نص ساعه وفاتت ام بابر من شافت جايبه والطفل يمي هلهلت
