رزقني الله بكِ ❤
البارت الاول:
في تلك الليله الشتويه البارده تلألأت حديقه آل قُبيصِي بالاضواء الساطعه وكانت تنافس سماء مارس المغطاه بآلاف النجوم... حيث تعالت ضحكات الحضور..
التفت الجميع بانتباه عندما ظهرت نجمه الحفل.. فاتنه بنيه الشعر تتباهي بجمالها الفتان ترتدي ثوب ناري اللون لا يضاهي جرأة لونه سوي تصميمه.
ارتسمت ابتسامة واسعه علي شفتي "جومانة" المطلتين بالحمرة القانيه وهي تري تأثير ظهورها علي الحضور..
استمرت في خطواتها والابتسامة معلقة علي شفتيها تعبر عن سعادتها الكبيرة، سعادة تنبع من تحقيق حلم حياتها بعد ان تمت خطبتها علي "حسام" حب طفولتها.
جومانه: انهارده اجمل يوم ف حياتي
ابتسم حسام ونظر ليها بعشق: كان نفسي اقولك حاجه يا جوجو
جومانه لنفسها: 'ياه ده لسه فاكر اسم الدلع اللي بحبه'
جومانه: اي هي.
حسام: جوجو انا بحبك من زمان بس كنت مستني انك تكوني مراتي عشان اقولك علي اللي في قلبي.
جومانه بخجل: انا كمان في حاجات كتيره عايزه اقولها ليك بس لما نكون لوحدنا.
: بتقولو اي من ورايا..
جومانه: ااااع يخربيتك يا شيخه حتقطعيلي الخلف.
حسام بضحك: اخص عليكي يا ملك كده برضو... لو مكنتيش اخت جومانه كان زماني معلقك ف النجفه الي فوقك
ملك بغرور مصطنع : طيب احمد انت ربنا انك خطيب اختي لان عندك قمر زي.
حسام: لو سمحتي جوجو بقت خطيبتي.
ملك بتريقه: قال خطيبتي قال امشي يا شاطر من هنا.
ف احد اركان الحديقه كان تقف فتاتين يتحدثون بصوت غير واضح، فجأة استمع الجميع الي صوت اطلاق نار .
عم الصمت للحظات قليله، وذهب حسام ليري ماذا يحدث وترك جومانه مع اختها.
بعد قليل من الوقت اتي حسام ليجلس بجانب جومانه علي "الكوشه"
جومانه: اي اللي حصل يا حسام واي ضرب النار ده
حسام: ابدا مفيش حاجه دي الشرطه كانت بتدور علي مجرم خطير هرب من السجن.
جومانه بخوف: طيب واي حصل مسكوه ولا ايه.
حسام: لا للاسف ملحقوش يمسكوه.
ملك: متقلقيش ان شاءلله حيمسكوه.
جومانه: ان شاءلله
...........
في الصعيد
كان يجلس علي مكتبه يراجع خطته التي اعدها لهروب ابيه من السجن؛ ثم حدث نفسه قائلا: اول خطوة تمت بنجاح ان شاءلله باقي الخطه.
فلاش باك
يوسف: شوفو يا رجاله اني حطيت خطه عشان نطلع ابوي من السجن، لازم ابوي يطلع من السجن بأي تمن انتو فهمين
رجالته: حاضر يا بيه
يوسف: امشو انتو دلوقيتي واعملو اللي قولت عليه
بااك
قطع تفكيره صوت هاتفه فرد: الو اي عملت
احد رجال العصابه: كله تمام يا باشا الزعيم هرب من السجن ودلوقيتي احنا في الطريق
يوسف: تمام اني مستنيكم انا ورجاله
