البارت الرابع
يوسف بخوف: استغفر الله العظيم اي الحلم ده اني حتجنن دي تاني مره احلم بنفس الحلم
فجأة خبط باب الاوضه بتاعته فسمع صوت محمد فسمح له بالدخول
محمد بستغراب: انت لسه صاحي يا صحبي
يوسف وهوا يمسح رأسه: كنت نايم بس دلوقتي صحيت
محمد: صحيت ليه؟
يوسف بتعب: الحلم
محمد: متقولش انك شوفت نفس الحلم تاني
يوسف: ايوه شوفت نفس الحلم
محمد بستغراب: طيب شوفت البت دي!
يوسف: لا مش واضحه
محمد: خلاص يا صحبي ان شاءلله خير متشلش هم
يوسف: إن شاءلله، أنت ليه كنت جاي
محمد بتوتر:كنت عايز انام جنبك
يوسف بتفهم: لسه قاعد بتخاف تنام لوحدك، طيب ياسيدي تعال نام
محمد: تمام
...
في الصبح
محمد ويوسف سلمو علي الزعيم ومشيو
....
في الفيلا
كان الكل يتناول الفطار في صمت، قطع هذ الصمت حديث حسن: امتي جاي حسام يا جومانه
جومانه: ان شاءلله علي بليل يا بابا
حسن: ان شاءلله
ملك: الحمدالله، اللهم ديمها نعمه يارب، انا حروح عند خلود سلاام
جومانه: سلميلي عليها
ملك وهي تخرج من البوابه: حاضر
...
في القطر
محمد: حتعمل ايه يا يوسف
يوسف: مش عارف والله ربنا يسهلها
محمد بهدوء: احنا نشوف شقه صغيره ونسكن فيها كام يوم
يوسف بسرحان: ان شاءلله
...
في فيلا المرشدي
ملك: اي حصل في الموضوع
خلود: معرفش والله حسام قالي رايح للدكتور
ملك: ربنا يسترها بئا يا اختشي
خلود بنرفزه من طريقتها: والله انتي بارده يعني انتي غلطانه وكمان مش شايله هم اي البرود ده
ملك: يعني اعمل ايه
خلود: تسكتي خالص ومسمعش صوتك
ملك: المهم بقولك في ندوه دينيه في الجامعه اي رأيك نروح
خلود: مفيش مشكله، كدا احنا حنستفاد ونتعلم حاجات اكتر عن الدين بتاعنا
ملك: ايوه فعلاً، وكمان اهو الواحد يعرف اصول دينه وتعاليمه
خلود: طيب هي امتي الندوه
ملك: بكره الصبح
خلود: تمام بكره حعدي عليكي ونروح
ملك: اوك، طيب لما تعرفي اخوكي عمل اي رني عليا
خلود: تمام. مع السلامه
...
في الصعيد
كان الزعيم بيحضر للصفقه الجديده اللي بالنسبه ليه من اكبر الصفقات اللي عملها.. وكان بيعرف كل رجالته علي الشغل اللي حيقوموا بيه لان ابنه وابن اخوه مش موجودين.
...
في مركز الشرطه
الظابط: ازاي يعني محدش عارف مكانه، بقي مجرم كبير زي ده المفروض انكم تاخدو بالكم منه كويس اوي لكن بسبب حضراتكم هرب مجرم كبير ومفيش حد يعرف مكانه؛ اكيد باقي عصابته هي اللي ساعدته للهرب من هنا.. انتو اتفضلو دلوقتي وخلو دوريات البحث شغاله
بعد ما خرج الجميع من المكتب محدش قعد غير عادل
علي: يا عادل احنا لازم نعمل خطه عشان نعرف نقبض عليه، ولا انت رايك ايه
عادل: فعلاً لازم نعمل خطه بس لازم تكون سريه اوووي
علي: وانا بفكر كدا كمان احسن حاجه انها تكون بسريه تامه.
...
بليل
عند يوسف
كان محمد ويوسف وصلو القاهره واستأجرو شقه صغيره عباره عن غرفتين وصاله صغيرة ومطبخ وحمام
محمد: يوسف انا تعبان اوى وعايز انام انت رتب الهدوم
يوسف بتعب: ارتب هدوم مين يا ابو هدوم انا رايح انام معاك لاني تعبان
محمد بتعب: طيب يلا بينا ننام وبكره نرتب كل حاجه
يوسف بنوم: تصبح علي خير
محمد بنوم: وانت من اهل الخير
...
في الفيلا
كانت جومانه وحسام وملك وحسن ودعاء قعدين يتناولون العشاء في جو ملئ بالمرح والضحك
ملك بمرح: اي يا اخ حسام البت خلود قالت ليك عن الندوه بتاعت الجامعه
حسام بنفس المرح: اه يا اخت ملك قالت وانا شجعتها
ملك بسعاده: فعلا والله اهم حاجه اننا نعرف اصول الدين بتاعنا ونعرف اي الحلال من الحرام
حسن: فعلا دي حاجه كويسه وانا كمان بشجعك
دعاء بحب: اي رايك يا جومانه تروحي معاهم يا بنتي
جومانه بهدوء: لا معلش يا ماما مش فاضيه بكره عشان اروح اي حته.. بعد اذنكم انا الحمدلله شبعت
كان حسام يتابع الموقف بصمت فتحدث قائلا: وانا كمان شبعت الحمدلله سفره دايما يارب
دعاء: تسلم يا حبيبي
حسام: عمي ممكن اتكلم مع جومانه شويه
حسن فهم قصد حسام: اتفضل يا ابني
راح حسام مع جومانه الي اوضتها وكانت حتقفل الباب بس حسام وقفها اوقفها: جومانه معلش سيبي الباب مفتوح
جومانه باستغراب: ليه يا حسام انت مش قولت عايز نتكلم
حسام بهدوء: اكيد بس طبعا غلط وحرام اننا نقعد ف مكان مقفول وغير كدا انتي لسه مبقتيش مراتي
جومانه: تمام اللي تشوفو
حسام بهدوء: معاكي اي بكره، لاني عايز اخرج معاكي
جومانه بحب: مفيش حاجه معايا
حسام بهدوء: طيب ليه كذبتي لما كنتي تحت
جومانه اتكسفت ومعرفتش تتكلم لانها فعلاً غلطانه
حسام لاحظ ده: جومانه ممكن نتكلم عادي وبهدوء
جومانه: حاضر
حسام: طيب تعالي هنا عشان نتكلم
قعد حسام علي الكرسي اللي قصاد جومانه
حسام بحب: جومانه انا مش عايز اغصبك علي حاجه بس ممكن اعرف انتي ليه مش حابه تلبسي الحجاب مع ان اختك ومامتك محجبين
جومانه: عادي انا مش حابه البس الحجاب، وغير كدا دي حُريه شخصيه
حسام: جومانه تبقي حريه شخصيه لما تكوني لوحدك لكن انتي حتبقي مراتي
جومانه: دلوقتي معني كلام حضرتك ان مراتك لازم تبقي محجبه
حسام بهدوء: ايوة بالضبط، انا مش حابب مراتي تكون بشعرها كل اللي رايح واللي جاي يبص عليها، انا راجل وبغير علي مراتي
جومانه: انامش بحب الحجاب، وغير كدا في ملايين البنات بتلبس حجاب بس بتلبس بنطلون وفي كمان منهم اللي بيظهر نص شعره من الحجاب، انا عارفه نفسي اني غلطانه وانو حرام لكن كده علي الاقل اسمي مش محجبه علي عكس البنات اللي محجبه وبتلبس بنطلون وبتظهر شعرها
حسام بهدوء: تمام، اي رايك كتب الكتاب يبقي بعد كام يوم؟
جومانه بفرحه: انا معنديش مانع ابدا
حسام: طيب تمام انا حروح اشوف عمي واكلمه
خرج حسام من الاوضه ونزل تحت وقعد معاهم
حسام باحترام: عمي كنت حابب ان يكون كتب الكتاب يبقي بعد كام يوم
حسن بحب: والله يابني معنديش مانع، طيب ناخد رأي العروسه
جومانه بكسوف: انا موافقة يا بابا
حسن: علي بركة الله
بدأت دعاء بالزغاريط فخرجت ملك مسرعه لتعلم ما حدث وما سبب هذه الزعاريط
ملك: مالك يا ماما اي الزغاريط دي
دعاء بفرحه: كتب كتاب جومانه بعد كام يوم
ملك فضلت تزغرط هي و والدتها حتي تحدثت جومانه قائله: كفايه يا ماما مش كده
ملك: اسكتي انتي احنا عيزين نفرح
حسام باحترام: طيب استأذن انا بقا عشان الحق اقول الخبر الحلو ده في البيت
الاب: توصل بالسلامة يا بني
....
في منتصف الليل
يوسف: استني متمشيش انا محتاجك
الفتاه: لا يا يوسف مش حينفع ارجعلك غير لما تتغير
يوسف: حاضر حتغير والله بس خليكي معايا متمشيش
الفتاه هي وتسير بعيد منه: لازم تتغير يا يوسف، لازم تتغير
يوسف بصراخ: حاضر والله حتغير بس خليكي جنبي
انا محتاجك اوي
الفتاه: سلام يا يوسف، سلاام
يوسف بصراخ: لااااااا
فجأة استيقظ علي صوت حد بيخبط علي باب الاوضه بقوه عرف انه محمد عايز ينام النوم معاه، فتح ليه الباب
محمد بخوف: يوسف مالك انت كويس، انا كنت رايح الحمام سمعت صوتك انت وبتصرخ وبتقول لاا
يوسف بتعب: للاسف نفس الحلم تاني بس المره دي مختلف
محمد بعدم فهم: مختلف ازاي يعني؟
حكي يوسف ليه اللي حصل في الحلم وقطع حديثه صوت حد بيخبط علي باب الشقه واصوات كثيره بره الشقه
محمد بخوف: اي الاصوات دي
يوسف:مش عارف
محمد: طيب روح شوف مين اللي بيخبط دلوقتي
خرج يوسف من الغرفه وفتح باب الشقه...
#يتبع... 🤎
malak Ali
