رزقني الله بكِ ❤
البارت التاني:
الفتاه: سلااام
يوسف بزعيق: لااااا ارجوكي متمشيش انا محتاجك جنبي
استيقظ يوسف بخوف وجسده يرتعش وفضل ستغفر كتير اوي قائلا: استغفر الله اي الحلم ده ومين دي اللي كنت بكلمها استغفر الله العظيم وكيف اني بترجاها وهي تمشي وتهملني(تسيبني) اي الحلم البايخ ده الكلام ده عمرو ما يحصل نهائي لو علي رقبتي؛ لما اروح اشم شويه هوا واولع سيجاره عشان الحلم ده عكرلي مزاجي
،،،،،،
في الصبح
في الفيلا
قامت ملك من النوم ولقت اختها لسه مقامتش من النوم
ملك بصراخ جنب اذنها: يا لهوي يا جوجو حسام عمل حادث خطير
جومانه بفزع: يا نهار اسود حسام حبيبي حصلو حاجه.. بسرعه يا ملك هاتي اي حاجه البسها عشان الحق اطمن عليه.
لم تتحمل ملك اكثر من كده فنفجرت ضحك علي شكل جومانه
ملك بضحك:هههه اهدي يخربيتك انا كنت بهزر معاكي
جومانه: يا بت اخلصي هاتي اي حاجه عشان.. بتقولي ايه يا روح امك
ملك: بس متغلطيش كتير يا عسل
جومانه بعصبيه: مغلطش اي ده انا حطلع بروحك عشان البشريه ترتاح منك ومن برودك
ملك: طب سلام يا اختشي
جومانه بصراخ: تعالي هنا رايحه فين؟
ملك بتريقه: معلش يا اختشي معايا اجتماع مع الشطافه لما اخلص يبقي نتكلم
جومانه باستسلام لانها عارفه ملك: روحي يا ملك ان شاءلله ربنا يكرمك بواحد يطلع عينك.. وكمان اوعي تنسي تسلميلي علي الشطافه.
خرجت جومانه من الاوضه بتاعتها ونزلت تحت لقت والديها
جومانه بابتسامة: صباح الخير يا حلوين
حسن: صباح الورد يا عروسه؛ اي اخبارك انهارده
جومانه بحب: تمام الحمدلله لله طول ما انت بخير
دعاء: بت يا جوجو فين المفعوصه ملك
جومانه: اهي جايه اهي
ملك: وليه يا اختشي بتقوليها بقرف
جومانه: الصبر يا رب؛ حبيبتي يا ملك اقعدي افطري انتي وساكته
ملك بتريقه: ننننن
......
في الصعيد
كان موسي قاعد في مكتبه وبيشوف الشغل بتاعه لانه كان غاب عنه ليه فتره بسبب، سمع صوت يوسف بيخبط فسمح ليه يدخل
يوسف: اخبارك كيف دلوقيتي يا بوي
موسي:بخير يا ولدي؛ انت كيفك
يوسف: الحمدلله بخير يا بوي
موسي: فطرت ولا لا
يوسف: لا لسه يا بوي؛ اني جيت عشان اقولك ان الفطور جاهز
موسي: خلاص اسبقني انت واني ححصلك
يوسف: حاضر يابوي
....
بعد الفطار
موسي: يوسف يا ولدي قول للرجاله في اجتماع عشان العمليه الجديده
يوسف: حاضر يا بوي
بعد شويه بدأ الاجتماع بقيادة الزعيم
الرجاله: حمدالله بالسلامه يا زعيم؛ ان شاءلله عدوينك يا بيه
موسي بغرور: الله يسلمكم
اكمل قائلا: يوسف يا ولدي فين الخطه اللي اتحدتنا فيها (اتكلمنا فيها)
يوسف: اهي الخطه يا بوي؛ الحمدلله اول جزء فيها تم علي خير
موسي: طيب يا ولدي اني عايزك اتفهم الرجاله اي حيعملو، انت عارف ان انت ومحمد دراعي اليمين
يوسف وهوا ينظر الي محمد: حاضر يا بوي الي تريده حيتم
موسي: واني واثق فيك يا ولدي انك ما حتعمل حاجه عفشه من ورا ضهري واصل
بدأ يوسف ومحمد يفهمو الرجاله اي اللي حيعملو وبعد ما انتهي الاجتماع خرج الجميع لينفذو ما اخبرهم به يوسف؛ مفيش غير يوسف ومحمد في الاوضه
قعد يوسف علي الكرسي وسند رأسه وافتكر الي حصل معاه في الحلم واي معني ده
شاف محمد حالته فقام وقفل الباب حتي لا يسمعهم احد من بره
محمد وهو قاعد قدامه: ها يا صاحبي اي اللي واخد بالك اكده
يوسف بسرحان: الحلم
محمد بستغراب: حلم اي ده اللي بتتكلم عليه
يوسف بعصبيه: يا عم ونبي بلاش تتكلم باللغه بتاعتهم دي واتكلم معايا طبيعي بلا اكده بلا مكدهش
محمد بضحك: حاضر يا صحبي؛ احكيلي بقا اي اللي حاصل، وحلم اي ده
حكي له يوسف عن اللي حصل في الحلم لان محمد صديقه الوحيد وابن عمه وكمان درسو في الجامعه مع بعضهم
محمد بتفكير: طيب انت مشوفتهاش ف الحلم
يوسف قعد لحظات يفتكر الفتاه: لا مكنتش ظاهرة كلها بس كنت سامع كلامها كويس اوي وكنت بعيط وبترجاها متمشيش
محمد: خلاص يا صحبي اكيد حلم عادي متتعبش نفسك لو في حاجه ان شاءلله حتحصل
يوسف بهدوء: ان شاءلله
محمد بمرح: يا عم يلا بلا احلام بلا نجاح اجمد يا ولد عمي (قالها بطريقة كوميديه)
يوسف بضحك: طيب يلا يا عم المهرج احسن عمك يموتنا
محمد وهوا يتظاهر بالخوف:يلا يا ولد عمي بسرعه عشان انا مش عايز اموت، اتجوز الاول حتي
خرج محمد ويوسف من المكتب وراح كل واحد منهم الي عمله
......
في القاهرة
ملك: ماما انا رايحه الجامعه
دعاء بحب: توصلي بالسلامه يا حبيبتي
خرجت ملك وركبت عربيتها وراحت كليتها
ف الجامعه
ملك: بت يا خلود لو تعرفي حصل اي امبارح
خلود بفضول: احكي اي حصل بسرعه
ملك: البت جومانه كانت بتكلم اخوكي بليل والمهم انا مكنتش عارفه انام بسببهم ف روحت طلعت عينهم
خلود بضحك: واي تاني يا مصيبه
اكملت ملك: بس ياستي راحت جومانه فضلت تقول حاجات غريبه كدا
خلود بعد فهم: غريبه ازاي يعني
ملك: فضلت تقول ان صوتها شتوي وانا صوتي صيفي؛ بعدين بقولها اي اللي بتقوليه قالتلي ححكيلك بكره
خلود: طيب واي قالت ليكي انهارده
ملك بضحك: نسيت اسالها
خلود: اعمل فيكي ايه الطم ولا اجيب رقاصه
ملك بضحك: اسمها الطم ولا اجيب لطامه مش رقاصه يا هبله
خلود: طيب يلا يختي علي المحاضرة عشان الدكتور ده مش بحبه خالص
ملك وهي تدخل المدرج: والله يا اختشي ولا انا بطيقه بس اعمل اي لازم استحمله ابن البارد ده.
الدكتور من وراها: بئا انا ابن البارد؛ حضرتك مش لازم تستحملي اكتر من كده عشان صحتك
ملك بتوتر: لا مش كدا حضرتك فهمت غلط
الدكتور بزعيق:انتي ممنوع تحضري اي محاضره تاني ليا ولو سمحتي هاتي الكرنيه بتاعك
ملك بصوت واطي لي خلود: بت بتعرفي تجري
خلود بنفس الصوت: اه بعرف
ملك: طيب واحد. اتنين. تلااته اجررري
جرت ملك وخلود سرعه
ملك وهي تجري: اجري اسرع يا بت ابن البارد ده بيجري ورانا
الدكتور بزعيق: سمعتك على فكره وانا حخليكي تشوفي ابن البارد حيعمل ايه فيكي.
ظلت تجري ملك حتي وصلو عند بوابة الجامعه
ملك: اركبي اخلصي في العربيه خلينا نهرب
خلود وهي بتجري من الدكتور فجأة.....
#يتبع.. 🤎
malak Ali
