البارت الخامس
البارت الخامس
قطع حديثه صوت دق علي باب الشقه واصوات كثيره امام الشقه
محمد بخوف: اي الاصوات دي
يوسف:انا حروح اشوف اي في
خرج من غرفته وذهب ليعلم من في الخارج ففتح باب الشقه ولم يجد احد فقفل الباب، بينما هوا ذاهب الي غرفته سمع نفس الاصوات مره اخرى ففتح الباب ولم يري احد فبدا الخوف يتسلل اليه فشك في شي فقفل الباب وذهب إلى غرفته ووجد ابن عمه ينتظره قائلا: اي ياعم الاصوات دي
يوسف بكذب: مفيش حاجه ده واحد حرامي مسكوه وكدا
محمد بنوم: الحمدلله مفيش حاجه؛ يلا ننام بقا
يوسف: يلا
............
في الصبح
في الفيلا
ملك: ماما انا رايحه الجامعه
دعاء: افطري الاول
ملك: حفطر عند خلود
الام: طيب، تمام
..........
عند يوسف
محمد: نفسي اعرف ليه مرضيتش تخلينا نرتب هدومنا
يوسف بهدوء: لاننا خلاص حنمشي من هنا
محمد بتسأُل: نمشي نروح فين؟
يوسف: حنشوف شقه غير دي
محمد: ليه اي حصل
يوسف: الشقه مش عجباني عشان كده حنمشي
محمد: تمام اللي تشوفو يا صحبي
يوسف: طيب يلا عشان نشوف شقه كويسه
محمد: تمام يلا
........
ف الصعيد
كانت كل حاجه كويسه لحد ما اتصل علي موسي الراجل بتاع البضاعه وقاله انو حيتاخر علي معاد التسليم
..........
عند خلود
كانت قد ارتدت ملابسها وحجابها وتنتظر ملك ليذهبو الي الجامعه بعد قليل
اتت ملك وهي تقول: الحمدلله انك لابسه يلا بقا بسرعه
خلود: طيب استني نفطر يا بنتي
ملك: بعدين نفطر في الجامعه يلا بسرعه حنتاخر
خلود: طيب يلا
ركبو العربيه بتاعت ملك بعد اصرارها انهم يروحو بعربيتها بعد وقت طويل وصلو الجامعه بسبب الزحمه الي كانت في الطريق
في الجامعه
ملك: يلا يا خلود عشان الندوه خلاص حتبدأ
خلود: طيب يلا بسرعه
..........
عند يوسف
كانو خلاص لقيو شقه مناسبه ليهم ودفعو الايجار بتاعها
في الشقه
يوسف: اي رايك فيها
محمد: حلوه، انت لسه مش عايز تقول السبب الحقيقي اللي مشينا من الشقه بسببه
يوسف بتنهيده: كانت فيها عفريت
محمد بصدمه: ازاي يعني؟
يوسف: يعني كانت مسكونه يا ولد عمي، هههههه لما سمعنا الاصوات بليل،كانت اصوات للعفاريت لان لما فتحت الباب ملقتش حد ولما قفلته تاني سمعت الصوت تاني روحت فتحت بسرعه ملقتش حد عشان كده عرفت.
محمد: لا جدع يا صحبي وازي مخفتش لما عرفت
يوسف بضحك: فاكرني جبان زيك
محمد بصدمه: اااااع في عفريت وراك
يوسف بصراخ: اجري يخربيتك، هوا فينه انا مش شايفه
محمد بضحك: مالك يا عم الشجاع مش كنت بتقول عليا جبان شوف حالتك ازاي
يوسف: بقا اكده يا صحبي
محمد بضحك:هههه، تعالي بس عايز اتكلم معاك في حاجه
يوسف وهوا يجلس علي الكرسي: اي في
محمد: عمي اتصل بيا وقال الراجل بتاع البضاعه حيتاخر علي معاد التسليم
يوسف: وليه مقالش ليا
محمد: عشان لما رن عليك كان تلفونك مغلق
يوسف: طيب واي اللي مفروض نعمله
محمد: عمي قال اننا نفضل هنا لغايت ما ياجي معاد التسليم
يوسف: تمام لما نشوف اي اخرتها الصفقه دي
محمد: وفي حاجه كمان
يوسف: خير اي في تاني
محمد: احنا ننزل ندور علي شغل عشان القعده في البيت مش نافعه
يوسف: تمام بكره يبقي نشوف الموضوع ده
محمد: بقولك اي انزل اشتري لينا اكل من تحت عشان انا جعان
يوسف: طيب يا عم المفجوع اهيني نازل
.............
بعد كام ساعه كانت الندوه خلصت
ملك: عارفه يابت يا خلود الندوه دي كانت مفيده جامد بصراحه
خلود: فعلا كانت مفيده اوي وبخصوص ان الشيخ كان بيقول كلام جميل جداً علي الدين بتاعنا واد اي هوا دين سمح، استني ارد علي حسام عشان بيتصل
خلود: السلام عليكم ورحمة الله وبركاته
حسام: وعليكم السلام ورحمة الله، اي خلصتو ولا لسه
خلود: اه خلصنا ملك وانا اهو خرجين من الجامعه
حسام: تمام انا في البيت وعايزك تحكي اي حصل في الندوه
خلود: تمام، مع السلامه
حسام: سلام
طلعو من الجامعه وركبو العربيه ومشيو بعد شويه كانت ملك وصلت خلود بيتها وهي كمان مشت؛ في الطريق كانت بتسوق بسرعه فجأة ظهر واحد قدامها عملت بسرعه فرامل قبل ما تخبطوا ونزلت عشان تتاسف ليه
ملك باسف: انا اسفه مكنتش شايفه حضرتك
يوسف: ولما انتي مش بتشوفي راكبه عربيه ليه هي بس رعانه
ملك بصدمه من كلامه: استغفر الله العظيم، انا اعتذرت لحضرتك، وغير كدا حضرتك اللي خرجت فجأة قدامي
يوسف: اماال عاد كمان عامله نفسك المظلومه واني اللي غلطان
ملك وهي تسير الي سيارتها: والله انا اعتذرت لحضرتك، مع السلامه
ركبت ملك عربيتها ومشت وكل ده يوسف مصدوم من اللي حصل وازاي مشت كده قبل ما يخلص كلامه
............
عند حسام
كان مستني اخته تيجي عشان تحكي ليه عن الندوه، بعد ثواني لقيها كانت داخله اوضتها
حسام: خلود تعالي عايزك
خلود: تمام اهو جايه
حسام: اقعدي بئا احكي حصل اي في الندوه
حكت له خلود كل شئ حدث وما قاله لهم الشيخ..
.........
عند ملك
وصلت البيت ودخلت علي طول علي اوضتها لانها كانت مدايقه من اللي حصل، ومكنتش عايزه تشوف حد
ملك لنفسها: اهدي يا ملك خلاص انتي اعتذرتي ليه والحمدلله محصلش حاجه
دخلت جومانه عليها
ملك بعصبيه: مش في زفت باب الواحد مفروض يخبط عليه
جومانه بضحك: لا ده انتي اعصابك تعبانه خالص
ملك وهي تحاول تمالك اعصابها: استغفر الله العظيم، خير يا جومانه عايزه اي
جومانه وهي تجلس فراش اختها: عايزه اعرف مالك مدايقه ليه ده حتي مسلمتيش علي بابا وماما طلعتي زي واحد عفريت الدنيا قدامه
ملك: مفيش حاجه تعبانه شويه بس
جومانه بشك: عليا انا برضو
ملك: مفيش حاجه بس تعبانه، وعايزه انام
جومانه: طيب براحتك بس وقت ما تحبي تحكي انا موجوده
ملك: تمام
.........
عند يوسف
كان وصل البيت وكان مدايق جدا من اللي حصل وازاي البنت دي تمشي قبل ما يخلص كلامه
محمد: مالك يا ولد عمي قالب وشك ليه، ده كله عشان نزلت تجيب ليا حاجه اكلها
يوسف بضيق: مفيش حاجه
محمد بشك: مفيش حاجه امال كيف ليك ساعة وانت بتجيب الحاجات
يوسف وهوا يتذكر ما حدث: انت ليه مدايق هي معملتش حاجه واعتذرت ليك كمان، يعني البت محترمه ومغلطتش فيك مدايق ليه؟ هذا ما قاله لنفسه
محمد: اصحي يا عم السرحان
يوسف: هااا كنت يتقول اي
محمد وهوا ينظر الي عينين يوسف: يوسف انت في حاجه مخبيها عليا قول حصل ايه انت وبتجيب الاكل
يوسف بهدوء: اللي حصل ان في....
حكي يوسف ما حدث معه مع تلك الفتاه
محمد: طيب كل اللي انت حكيته مفيش فيه حاجه تخليك مدايق
يوسف بعصبيه: هي ازاي تمشي من غير ما اخلص كلامي
محمد بضحك: كلام مين يا صحبي، هي اعتذرت ليك وانت اللي فضلت تغلط فيها، المفروض انك انت اللي تعتذر لان انت اللي طلعت قدامها فجأة
يوسف: ــــــ
محمد اكمل كلامه قائلا: طيب اقولك حاجه ومتزعلش مني
يوسف: قول
محمد بتنهيده: انت مش زعلان عشان هي مش قبل ما تخلص كلامك، لا انت زعلان عشان مش حتشوفها تاني وكنت عايزها تفضل معاك شويه
يوسف بعصبيه: اي الكلام اللي انت بتقولو ده
محمد: دي الحقيقه يا صحبي، اللي انت مش عايز تصدقها
يوسف: انا رايح انا عشان مش ناقص غير كلامك ده
ذهب يوسف الي غرفته واغلق الباب خلفه وجلس علي فراشه وظل يتذكر وجهها وعيونها وتذكر ايضا انها محجبه
#يتبع.. 🤎
malak Ali..
