البارت التالت
خلود وهي بتجري من الدكتور فجأة خبطت في واحد من الطلاب
خلود: انا اسفه بعدين يبقي نتحاسب يا كبتن
وصلت خلود الي العربيه وركبت فيها بسرعه هي وملك.
...
في الصعيد
يوسف: يا بوي العمليه متي حنفذوها
موسي: ان شاءلله الشهر الجاي؛ بس كنت عايز منك احكايه
يوسف: نعم يا بوي أوامرك
موسي: عايزك تنزل مصر انت وابن عمك محمد تنتظرو الراجل اللي جاي من امريكا
يوسف: يا بوي يعني لازم اني اللي اروح
موسي: مفيش غيرك يا ولدي انت وابن عمك اللي عم تعرفو تتكلمو زيهم؛ وانتو دراعي اليمين
يوسف: حاضر يا بوي، متي حنروح مصر
موسي: ان شاءلله من بكره يا ولدي
يوسف: تمام يا بوي اللي تشوفو
ذهب يوسف لكي يخبر ابن عمه بما قاله والده وليستعدو الي الذهاب لمصر.
خبط يوسف علي اوضه ابن عمه فسمح له بالدخول
يوسف: ابوي بيقول اننا بكره حنسافرو مصر
محمد بعد فهم: ليه اي في
يوسف: عشان نستقبلو الراجل اللي جاي من امريكا بالبضاعه، ولان مفيش غيرنا بنتكلم كذا لغة فلازم احنا اللي نروح
محمد: طيب تمام
يوسف: طيب يلا جهز شنطتك عشان مفيش وقت بكره الصبح بدري حنسافرو
محمد: علي خير انشاء الله.
خرج يوسف من الاوضه وبعدين راح الارض
....
في فيلا
ملك: يااه يابت يا خلود ده كان شويه ويوصل لينا
خلود: يا نهار اسمر كله بسببك يا وش المصايب، كان لازم يعني تغلطي فيه
ملك بتريقه: نعم يا نوحي انتي نسيتي انك انتي اللي غلطي الاول فيه
خلود بضحك: مش حتفرق يا قلب النوحي؛ المهم حنتصرف اذاي دلوقتي كدا شكلنا حنشيل الماده
ملك بخوف: يا ربي يخربيتي كان لازم اغلط في يعني اي الورطه اللي احنا فيها دي، عندي فكره
خلود بفضول: احكي يا اختشي
ملك: احنا نروح ليه بكره ونعتذر على اللي حصل وبس كدا
خلود بصدمه: اي الذكاء ده، انتي ناسيه انك غلطي في قدام الدفعه والمره التانيه قدام الجامعه كلها
ملك بصدمه: يلهووي هوا انا شتمته مرتين، يالهوي غطوني وعيطوا عليا cover me and cry
خلود بضحك: فعلا انتي المفروض تنتحري لانك كدا كدا شايله الماده
ملك: انا حشوف اي حاجه اعملها انشاء الله اقلب قرد قدام الجامعه كلها
دق باب الاوضه بتاعت ملك عرفت انها والدتها فسمحت لها بالدخول
دعاء: ليه يابت مروحتيش الجامعه
ملك: لا ما انا روحت بس اكتشفت اني مفيش انهارده محاضرات
خلصت كلامها وبصت لخلود بنظره تعني انها تاكد كلامها
خلود: ايوه فعلا يا طنط مفيش محاضرات انهارده
دعاء: طيب خلاص تمام، اسيبكم تكملو كلام
ملك: ماما هي فين البت جومانه
دعاء: ف المطبخ ليه اي في
خلود: ابدا يا طنط مفيش حاجه بس كنت عايزه اسلم عليها
دعاء: حاضر انا حقولها انك هنا
خلود: تمام.. شكرا يا طنط
خرجت دعاء من الاوضه وراحت المطبخ عشان تقول ل جومانه
في المطبخ
جومانه: ماما انتي روحتي فين؟
دعاء: روحت اشوف البت ملك جت من الجامعه بسرعه
جومانه: ازاي، هي لسه خارجه من شويه
دعاء: خلود بره وكانت عايزه تسلم عليكي
جومانه: حاضر ياماما انا حخرج اسلم عليها واشوف اي حصل
دعاء: مفيش حاجه، قالوا انهم مكنش عندهم محاضرات انهارده
جومانه: تمام انا حروح اشوفهم
اكملت دعاء الاكل؛ وذهبت جومانه الي غرفة اختها دقة الباب ودخلت
جومانه: خوخه اخبارك ايه
خلود: الحمدلله بخير
ملك: بت يا جومانه قولي اي موضوع الصوت الشتوي والصوت الصيفي.
جومانه بضحك: يعني بجد متعرفوش حاجه عن الحوار ده، ده حتي طالع اتريند في كل مكان
خلود بفضول: طيب يلا بقا احكي عشان عندي فضول
جومانه: بصي يا ستي الاستاذة ياسمين عز طلعت في البرنامج بتاعها وبتقول ان في صوت صيفي وصوت شتوي، الصوت الشتوي ده انا مش عارفه اوصفو ليكم بس عرفين لما تبقي نحنوحه كده وصوتك واطي اوي هوا ده يا ستي الصوت الشتوي زي ما قالت النحنوحه ياسمين، اما الصوت الصيفي ده هوا نفس الصوت بتاع ملك ههههه يعني مش نحنوحه وكدا
خلود بضحك: هههههه اه يا ملك طلعتي بصوت صيفي، انا اي صوتي يا تري
جومانه بضحك: انتي صوتك خريفي
ملك بعدم فهم: ليه هوا في صوت خريفي وصوت ربيعي
جومانه: لا ده انا اللي اخترعتهم
ملك بضحك: وطبعا الست جومانه صوتها شتوي ونحنوحه مش كدا
خلود بضحك: ايوه فعلا نحنوحه اوي
جومانه بضحك: انا نحنوحه تيب يا ست خوخه حقول لي اخوكي علي الكلام ده
وتعالو هنا انتو الاتنين ليه جيتو بدري من الجامعه
ملك: اسكتي مش طلع مفيش محاضرات انهارده
جومانه بتريقه: لا يا شيخه كدا انا صدقت يعني، اي حصل معاكم
خلود: مفيش حاجه حصلت
جومانه بشك: بت يا ملك اي حصل معاكم احسن م ارن علي بابا
ملك بتوتر: ابدا مفيش غير اني حصلت مشكله واحنا هربنا من الجامعة
جومانه بصدمه: يا نهار ازرق عليكم اي حصل يابت
حكت لها ملك ما حدث معهم...
جومانه: يخربيتك يا ملك ازاي تشتمي الدكتور بتاعك.
ملك: ده دكتور بارد اوي وشايف نفسه
جومانه: طيب وحتعملي اي يا مصيبه، بابا لو عرف حيزعل اوي منك
خلود: انا ممكن اكلم حسام ويكلم الدكتور واكيد مش حيعمل حاجه
ملك: فكرة برضو شوفي حسام وكلميني
خلود: تمام، سلام انا بقا عشان اتاخرت
جومانه: سلام فين يا بت، انتي حتتغدي معانا
خلود: مش حينفع مره تانيه لاني اتاخرت فعلا
ملك: طيب براحتك، المهم اول ما تكلمي حسام رني عليا
خلود: اشطاا
...
بليل في الصعيد
كان يوسف ومحمد وموسي بياكلو وبيتكلموا علي الصفقه
يوسف: هي متي الصقفه حتم يا بوي
موسي: حتم بعد شهر، بس محدش يعرف الميعاد غير انتو
محمد: تمام، طيب انا خلصت وكل حروح انام عشان نصحو بدري
موسي: طيب يا ولدي
يوسف: واني كمان شبعت، حقوم انام عشان نلحقو اول قطر
موسي: تصبح علي خير يا ولدي
يوسف: وانت بخير يا بوي
...
في الفيلا
كان يجلس حسن وبناته ملك وجومانه وزوجته دعاء يتناولون العشاء
جومانه: بابا بكره حسام جي يشوفني
الاب بحب: ينور يا بنتي
ملك: الحمدلله انا حروح انام لاني تعبانه علي الاخر
الام: تصبحي علي خير يا ملوكه
ملك بحب: وانتي بخير يا دودو، تصبح علي خير يا بابا
حسن: وانتي بخير يا حبيبتي
طلعت ملك الي اوضتها ولقت مكالمه فائته من خلود صديقتها، مسكت فونها واتصلت عليها
ملك:ايوه يا خلود، اي عملتي ف الموضوع
خلود: دلوقتي حالا كنت بكلم حسام في الموضوع.
ملك: طيب واي قالك؟
خلود: قالي سيبي الموضوع عليا
ملك: طيب تمام، تصبحي علي خير يا اختشي
خلود: وانتي بخير يا موكه
...
في الصعيد
يوسف: لاااا ارجوكي متمشيش انا محتاجك
الفتاه: انا بكرهك يا يوسف بكرهك
يوسف بخوف: استغفر الله العظيم اي الحلم ده اني حتجنن دي تاني مره احلم بنفس الحلم
فجأة سمع صوت حد بيخبط علي باب غرفته فسمع صوت..
يتبع.. 🤎
malak Ali
