Unicode ver
မြို့မျက်နှာဖုံးတွေ၏
ဓာတ်ပုံများနှင့်တကွ
ကိုယ်ရေးရာဇဝင်များပါ
ပူးတွဲပါရှိသော
အယ်လ်ဘမ်တစ်ခု။
လုလုသည်
စိတ်ဝင်တစား လှန်လှောဖတ်ရှူနေရင်း
တစ်နေရာအရောက် သူမ၏မျက်လုံးတို့က ခန့်ညားသောအမျိုးသားထံ
ကျောက်ချမိရက်သား။
နတ်သားရှုံးအောင် ချောရက်ပါသော
အမျိုးသား၏ အမည်နာမသည်
ဘယ်သူပါလဲ။ အသက်ကရော။
သူမ ဤအမျိုးသားနှင့်
ရင်းနှီးလိုပါသည်။
သူမသည် ပါးရှိရာစာဖတ်ခန်းထဲ
သွားလိုက်ရင်း
အယ်လ်ဘမ်ရဲ့တစ်နေရာကို
လက်ညှိုးညွှန်လို့
"ပါး သူကဘယ်သူလဲဟင်
သမီးသူနဲ့ ရင်းနှီးခွင့်ရချင်တယ်
ကူညီပေးပါနော် ပါး"
ရွှေကိုင်းမျက်မှန်နှင့်အမျိုးသားကြီးသည် သူမညွှန်ပြရာနေရာကို
မျက်မှောင်ကုတ်လို့ ကြည့်လိုက်သည်။
သို့သော် အယ်လ်ဘမ်အရွက်အလွတ်တစ်ခုမှလွဲ၍ သူဘာမှမတွေ့။
"သမီးမျက်စိမှောက်တာနေမှာပါ
ဒါကအလွတ်ကြီးပါကွဲ့"
"မဟုတ်ဘူး ပါးရဲ့
သမီးစောစောက သေချာတွေ့လိုက်ပါတယ် အခုမှဘယ်ကဘယ်လို
ပျောက်သွားရတာပါလိမ့်"
သူမ ဆံနွယ်တွေကြားထဲ
လက်ထည့်၍ ထိုးဖွလိုက်သော်လည်း
ရှုပ်ထွေးနေသော စိတ်နှလုံးဟာ
အကောင်းပကတိပြန်ဖြစ်မလာခဲ့။
**********************
ချုံချင်းမြို့အစွန်တစ်နေရာ၌
"ဟောက်ရွှမ်း မင်းပစ္စည်းတွေ စုံပြီလား"
"စုံတယ် ရိပေါ် မင်းသာမေ့တတ်လွန်းလို့"
Express ကားလေးတစ်စီးသည်
အိမ်အိုကြီးရှေ့ ထိုးရပ်လာပြီး
အထဲမှ ရိပေါ်၊ဟောက်ရွှမ်း၊ကျိရန်၊
ကျန်းချန် လူငယ်လေးဦးဆင်းလာကြသည်။
သူတို့လေးဦးစလုံးမှာ သူဌေးသားလေးများဖြစ်သော်လည်း ဝါသနာပါရာအလုပ်ကိုလုပ်ကိုင်ဖို့ရာ အေးချမ်းတိတ်ဆိတ်သောနေရာကို အလိုရှိတာမို့
ဒီခြံကြီးကို စပ်တူဝယ်ကာ ပြောင်းလာခဲ့ကြခြင်း။
ရိပေါ်က ပန်းချီ၊
ဟောက်ရွှမ်းက တေးရေးတေးဆို၊
ကျိရန်က ကဗျာအနုအယွ၊
ကျန်းချန်က စာပေအရေးအသားစသဖြင့်
ဝါသနာကိုယ်စီရှိကြသည်။
