Unicode ver
နေထိုင်လာခဲ့သည့် သက်တမ်း
၂၂နှစ်တစ်လျှောက်လုံး
အခုလိုနောက်ကျောမလုံတာမျိုး
သူတစ်ခါမှမခံစားရဖူးခဲ့အခုဟာက ခြံထဲကရေကပြင်မှာ
သူရေချိုးနေတာ။
ဘောင်းဘီတိုလေးဝတ်လို့
ရေကို တဗွမ်းဗွမ်းနဲ့ခပ်ချိုးနေပေမယ့်
သူ့ကို တစ်စုံတစ်ယောက်က
စိုက်ကြည့်နေသလိုခံစားနေရတာမို့
ရေချိုးတာကို
မြန်မြန်လတ်စသတ်လိုက်ရသည်။နောက်ရက်များမှာလည်း
နောက်ကျောမလုံသည့်ခံစားချက်မျိုး
သူအမြဲလိုလိုခံစားနေရသည်။
တစ်ယောက်တည်းရှိနေပေမယ့်
သူ့ကိုတစ်ယောက်ယောက်က
စောင့်ကြည့်နေသလိုမျိုး
သူခံစားမိနေသည်။တစ်ပတ်ဆိုသည့်အချိန်ဟာ
အကုန်မြန်လွန်းခဲ့သည်။
အခုလည်း တစ်ပတ်စာ
အသားနဲ့အသီးအရွက်တွေဝယ်ဖို့
သူတစ်ဦးတည်းသာ
ထွက်လာခဲ့လိုက်သည်။ပန်းချီပစ္စည်းတွေကိုတော့
ပါးကလှမ်းပို့ပေးလိမ့်မည်။ခြံထဲက ကားဆီရောက်တော့
ပထမတစ်ခါကလိုအနေအထားနှင့်ပင်
မိန့်မိန့်ကြီးထိုင်နေတဲ့ဟိုတစ်ယောက်။"ဘယ်လိုဟာလဲ
မေတ္တာကိုမရှိဘူး
ငါက သူ့ဒရိုင်ဘာကျလို့"ရိပေါ်က
ခပ်တိုးတိုးလေးပြောလိုက်ပေမယ့်
ကားနောက်ခန်းမှာထိုင်နေတဲ့
ထိုအရာဟာ ပျောက်သွားပြီး
သူ့ဘေးနားမှာ ပြန်ပေါ်လာသည်။ပြီးတော့ သူ့နားရွက်နားကပ်ကာ
မတိုးမကျယ်ပြောလာတာက"ကိုယ့်ကိုမြင်နေရတာလား"တဲ့
သူဘာမှပြန်မပြောနိုင်။
ဘာပြောရမယ်လည်းမသိ။"ကိုယ်မင်းကို
တမင်နှောက်ယှက်နေတာ
မဟုတ်ရပါဘူး
ဒီအိမ်ဒီခြံကြီးထဲပဲ
နေရတာကြာလာတော့
ငြီးငွေ့လာလို့ အပြင်သွားတဲ့
မင်းနဲ့ ကပ်လိုက်မိတာပါ
မင်းကိုလည်း
ခြောက်လှန့်ချင်စိတ်
ကိုယ့်မှာလုံးဝမရှိရိုးအမှန်ပါကွာ"မျက်နှာငယ်လေးဖြင့်ပြောလာသည့်
စကားအဆုံး
ရိပေါ် နည်းနည်းလေးတော့
သနားသွားမိသည်။