Celestia ... Moderna...
တစ်ချိန်က သိပ်ကိုခမ်းနားကြီးကျယ်လွန်းလှသော နိုင်ငံနှစ်နိုင်ငံ။ မဝေးကွာလှသော နှစ်နိုင်ငံအကွာအဝေးကြားမှာ ဘုရင်အချင်းချင်း တိုင်းသူပြည်သားအချင်းချင်းရဲ့ နွေးထွေးမှု ချစ်ခင်ရင်းနှီးမှုတွေကတော့ စိမ်းသက်လွန်းတယ်။ အပြိုင်အဆိုင်တွေကြားမှာ စစ်ပွဲတစ်ပွဲ အလွယ်တကူထဖြစ်နိုင်လောက်တဲ့အထိ ဆက်ဆံရေးတွေက တင်းမာလှတယ်။
ဒီလိုနီးစပ်ခွင့်မရှိနိုင်တဲ့ နိုင်ငံအကြားက လူသားနှစ်ယောက်ရဲ့ ချစ်ခြင်းမေတ္တာတရားဟာ ပေါက်ဖွားလာခဲ့ဖူးတယ်။
ရှေးဆိုရိုးစကားတစ်ခွန်းရှိတယ်။
❛❛ နှလုံးသားနှစ်ခုသာ တကယ့်အစစ်အမှန်ဆိုရင် ဘယ်အရာကမှ မဖျက်ဆီးနိုင်ဘူး ❜❜ တဲ့။
" တော်လိုက်တာ ဂျောင်၀န်း၊ သားကတော့ အတော်ဆုံးလေးပစ်သမားပဲ "
ကျောကုန်းအားအသာပုတ်ကာ အားရ၀မ်းသာနဲ့ ချီးကျူးစကားပြောလာတဲ့ အဖေ့ကြောင့် မပျော်ရွှင်ဘူးဆိုရင် လိမ်ရာကျနိုင်မယ်။
" တကယ်ဝောာ်တာ၊ ကျွန်တော်တို့ကို ဘယ်တုန်းကမှ စိတ်မပျက်စေရဘူး "
ထပ်မံ၍ချီးကျူးလာပြန်တဲ့ ကိုယ်ရံတော်ဂျွန်ယောင်းကြောင့်လည်း ဂုဏ်ယူစွာဖြင့် ပြုံးလိုက်မိတယ်။
" ကျေးဇူးပါ ဂျွန်ယောင်း "
လေ့ကျင့်လို့ပြီးတာနဲ့ ၀တ်ဆင်ထားရတဲ့ လက်အိတ်တို့ကို ချွတ်ပြီး လေးနဲ့မြားကိုပါ သိမ်းဆည်းလိုက်တယ်။ တစ်နေကုန်လေ့ကျင့်ထားရတာမို့ လူလည်းပင်ပန်းလာပြီလေ။ ဘေးက ဂျွန်ယောင်းလည်း ပင်ပန်းနေပုံရတာ အထင်းသား။
" အဖေ၊ ကျွန်တော် တောအုပ်ထဲသွားလို့ရမလား "
နန်းတော်တွင်းမှာပဲ လေ့ကျင့်ရ လေ့လာရနဲ့ ကျဉ်းကျပ်မှုတွေအဆုံးမှာ တောအုပ်ငယ်လေးကသာ လွတ်လပ်အေးချမ်းရာနေရာလေးတစ်ခု။ အဲဒီနေရာလေးမှာသာ သူ... နဲ့ တွေ့နိုင်တာ။ တောင်တန်းတောင်ကုန်းတွေကို ဖြတ်ကျော်ရတာမလို့ တွေ့ဖို့သွားရတာက မလွယ်ကူ။ ဒါပေမယ့် ခဏအနားယူရတဲ့အချိန်လေးအတွင်း မရမက အရောက်သွားခဲ့ဖူးတယ်။ သူ... နဲ့ တွေ့ဖို့အတွက်။
![](https://img.wattpad.com/cover/337624587-288-k896777.jpg)
ESTÁS LEYENDO
Till The Next Life : HEEWON
FanficIn a realm where two worlds don't approve of each other. A love still blooms in between. As two lost souls fight for their love amidst the war, one would always knows that even the sun and the moon can never separate them apart. Characters : Lee He...