" အားးးး... "
ကိုက်နေသည့်ခေါင်းကိုအသာကိုင်ရင်း မျက်လုံးလည်းပွင့်လာရသည်။ ဘေးဘီကိုကြည့်မိတော့ အခန်းထဲကကြမ်းပြင်မှာပဲ လှဲလျောင်းနေတာကို သတိပြုမိလိုက်သည်။
" ဘာဖြစ်သွားတာလဲ? "
နားထင်ကြောကိုဖိရင်း ကိုယ့်ဘာသာကိုယ် အမေးပြန်ထုတ်လိုက်ပြန်သည်။ နေရာပတ်ပတ်လည်းကို ဝေ့ဝဲကြည့်လိုက်တော့ မမျှော်လင့်ထားတဲ့အရာတစ်ခုကို တွေ့လိုက်ရသည်။
" နေပါဦး၊ အဲ့ဒါ ငါငယ်ငယ်တည်းက ပျောက်သွားတဲ့ လက်ကိုင်ပုဝါမလား၊ ဒီကိုဘယ်လိုရောက်နေတာလဲ "
မသေချာမှာစိုး၍ လက်ကိုင်ပုဝါကိုယူပြီး သေချာကြည့်ဝောာ့လည်း မှားနိုင်စရာမရှိ။ လက်ကိုင်ပုဝါနှင့်အတူချည်ထားသော စာတစ်စောင်ကိုလည်းတွေ့လိုက်ရ၍ ယူပြီးဖွင့်ဖတ်လိုက်သည်။
" ကံကြမ္မာကို ယုံလား? စိတ်မပူပါနဲ့၊ မင်းနဲ့မင်းချစ်သူတို့နှစ်ယောက် မကြာခင်ဆုံတွေ့ရတော့မှာပါ ဂျောင်၀န်း "
စာဖတ်ပြီးသည်နှင့် မေ့လဲသွားစဉ်တုန်းက အိပ်မက်လိုလိုမြင်လိုက်ရသည့် မြင်ကွင်းတစ်ခုက ခေါင်းထဲရောက်လာသည်။
မသဲမကွဲမြင်ကွင်းဖြစ်ဝာာမို့ သေချာအာရုံစိုက်ကြည့်လိုက်တော့ မျက်စိရှေ့မှာရပ်နေတဲ့သူတစ်ယောက်။
" တ... တကယ်ပဲ... စီနီယာဟီဆွန်းလား?... "
အတွေးစတို့ပျောက်ပျက်မသွားအောင် မျက်လုံးကိုသေချာပိတ်ထားပြီး ထိုသူရဲ့အသွင်အပြင်ကို ပြန်မြင်အောင်ကြိုးစားကြည့်လိုက်သည်။
တကယ်ပဲ အစ်ကိုဖြစ်နေတယ်။ ဒါပေမယ့် အခုပုံစံနဲ့ခြားနားစွာပဲ သံချပ်ကာ စစ်၀တ်စုံနဲ့ဖြစ်နေခဲ့တယ်။
" ကိုယ်နဲ့အတူလိုက်ခဲ့ပါ ဂျောင်၀န်း၊ ဒီရက်စက်လွန်းတဲ့ ကမ္ဘာကနေ အတူပြေးရအောင် အချစ်ရယ်... "
မြင်ကွင်းထဲကအစ်ကို့စကားကြောင့် မျက်လုံးပိတ်ထားရာကနေ အလန့်တကြားဖွင့်လိုက်မိသည်။
" ဘာတွေဖြစ်နေတာလဲ? "
အိပ်မက်လိုလိုပေမယ့် တကယ်ဖြစ်ခဲ့ပုံရသည့်မြင်ကွင်း၊ လက်ကိုင်ပုဝါ အမျိုးမျိုးသောဖြစ်ရပ်တို့ကြောင့် ကိုယ်တိုင်ပင်သေချာမစဉ်းစားတတ်တော့။
YOU ARE READING
Till The Next Life : HEEWON
FanfictionIn a realm where two worlds don't approve of each other. A love still blooms in between. As two lost souls fight for their love amidst the war, one would always knows that even the sun and the moon can never separate them apart. Characters : Lee He...