ဖြတ်သန်းနေကျနေ့ရက်တွေအတိုင်း ကျောင်းသားလေးဟီဆွန်းက ဒီနေ့မှာလည်း စာကြည့်တိုက်ကိုရောက်လာခဲ့တယ်။ လူတွေအများကြီးရှိနေတဲ့နေရာကိုကျော်ပြီး မဖတ်ရသေးတဲ့စာအုပ်တွေရှာဖို့ လူရှင်းတဲ့နေရာဘက်ကို သွားလိုက်တယ်။ အသက်၁၃နှစ်ပြည့်ပြီးတဲ့အချိန်အတွင်း တစ်ခုတည်းသောစိတ်၀င်စားစရာဖြစ်တဲ့ စာအုပ်တွေနဲ့သာ အချိန်ကုန်ခဲ့တာဖြစ်တယ်။
" ဘာဖတ်ရင်ကောင်းမလဲ.. "
ပါးစပ်ကလည်းရေရွတ်ရင်း ဖတ်ချင်သည့်စာအုပ်ကို ဝေ့ဝဲရှာနေလိုက်တယ်။
ရှာနေရင်းနဲ့ စင်ပေါ်တစ်ခုမှာတင်ထားတဲ့ အဖုံးထူထူနဲ့စာအုပ်တစ်အုပ်ဆီကို အာရုံရောက်သွားမိတယ်။ အနည်းငယ်မြင့်နေတဲ့နေရာမှာရှိနေတာကြောင့် ခြေဖျားအသာထောက်ရင်း လှမ်းယူလိုက်ရတယ်။
" စစ်သည်တော်တစ်ယောက်ရဲ့ဒဏ္ဍာရီ : အဆုံးသတ်မည်မဟုတ်သောအချစ် "
စာအုပ်ခေါင်းစဉ်ကို ခပ်တိုးတိုးဖတ်လိုက်မိတယ်။ ပုံမှန်အားဖြင့် ဒီလို၀တ္ထုမျိုးကိုဖတ်လေ့မရှိပေမယ့် ဒီစာအုပ်ကတော့ တစ်ခုခုကိုဆွဲညှို့ထားသလိုပင်။
" သေချာရွေးတတ်တာပဲ ကောင်လေး "
အနောက်ဘက်မှ ရုတ်တရက်ထွက်ပေါ်လာတဲ့ အသံကြောင့် လန့်ကာခုန်မိမတတ်ပင်။ လှည့်ကြည့်လိုက်တော့ တစ်ခါမှမတွေ့ဖူးသော အဖွားတစ်ယောက်ကို တွေ့လိုက်ရတယ်။ သူ(မ)ရဲ့ အပြုံးတွေ၊ အကြည့်တွေ၊ ပုံစံတွေကအစ ထူးဆန်းနေသလို စိတ်ထဲခံစားလိုက်ရတယ်။
" အခုကိုင်ထားတဲ့စာအုပ်ရဲ့ဇာတ်ကြောင်းကို ကြားဖူးလား "
တစ်ခါမှမကြားဖူးသဖြင့် ဟီဆွန်း ခေါင်းသာခါပြလိုက်တယ်။ ထိုအဖွားက ထပ်မံပြုံးပြပြီး အနားကိုခြေတစ်လှမ်းတိုးလာတယ်။
" မကြာခင်သိရမှာပါ ကောင်လေး၊ ဒါနဲ့ လက်ကိုင်ပုဝါလေးက လှသားပဲ "
အဖွားထွက်သွားသည်နှင့် ကြောင်တောင်ဝောာင်ကျန်ခဲ့ရသူက ဟီဆွန်း။ ထို့နောက် ပုခုံးပေါ်တွင်တင်နေသော လက်ကိုင်ပုဝါကို လှမ်းယူလိုက်တယ်။
「 ဒီလက်ကိုင်ပုဝါက ဘယ်ကနေရောက်လာတာလဲ 」
၁၀ နှစ်ခန့်ကြာသော်...
![](https://img.wattpad.com/cover/337624587-288-k896777.jpg)
VOUS LISEZ
Till The Next Life : HEEWON
FanfictionIn a realm where two worlds don't approve of each other. A love still blooms in between. As two lost souls fight for their love amidst the war, one would always knows that even the sun and the moon can never separate them apart. Characters : Lee He...