▪︎𝗎𝗇𝗂𝖼𝗈𝖽𝖾
နွေဦးရက်များကို ကျော်လွန်၍ နွေရာသီသို့ အလုံးစုံကျရောက်လာရခြင်းတွင် ပထမဦးဆုံး စတင်ကြုံတွေ့ရမည်မှာတော့ မေ့ရက်နိုင်ဖွယ်မရှိသည့် နွေမနက်ခင်းများပင်ဖြစ်သည်။
နိုးထလာသည်နှင့် ဦးစွာ ထိပ်တိုက်ရင်ဆိုင်ရမည့် နေရောင်ခြည်အောက်မှ လွင့်မျောနေသော အမှုန်အမွှားစလေးများ၊ တစ်နှစ်ပတ်လုံးလုံး သစ်ပင်ထိပ်၌ တင့်တယ်လှပစွာ စိမ်းစိုနေခဲ့ပါသော သစ်ရွက်စိမ်းများမှာ အချိန်တန်ပြီဖြစ်သောကြောင့် ရွက်ဟောင်းရွက်ခြောက်များအဖြစ်သို့ ကူးပြောင်းလာကာ မြေပြင်ပေါ်သို့ တစ်ရွက်ချင်း ကြွေဝေခသွားရခြင်းများ၊ နေပူပူထဲတွင် အဝတ်များနေလှန်းထားရာမှ ရရှိလာသည့် ဆပ်ပြာနံ့သင်းသင်းနှင့် ရောထွေးနေသော အမည်မသိ ခြောက်သွေ့လွမ်းမောဖွယ်ရနံ့များ စသည်စသည်တို့သည် နွေသို့ရောက်ရှိလာပြီဖြစ်ကြောင်းကို တကူးတကပြောနေစရာမလိုအောင်ပင် သိသာထင်ရှားနေစေသည်။
ထိုအရာများနှင့် မပြည့်စုံသော နွေဥတုသည် ကျွန်မအတွက်တော့ ဇာတ်လိုက်ပျောက်နေသည့် ပြဇာတ်တစ်ခုအလား အဘယ်သို့မျှ အသက်ဝင်နိုင်မည်မဟုတ်ပါပေ။
သို့သော် ယခုနှစ်နွေရာသီတွင်တော့ ယခင်နှစ်များနှင့်ကွဲပြားစွာ ကျွန်မ၌ သတ်မှတ်ချက်ကလေးတစ်ခု ထပ်မံတိုးလာရသည်။
၄င်းသတ်မှတ်ချက်ကလေးသည် အခုရက်ပိုင်းများတွင် ရံဖန်ရံခါအားဖြင့် မျက်မှန်တပ်လေ့ရှိလာသည်။
ထို့အပြင် နှာရိုးပေါ်သို့ လျှောကျနေသည့် မျက်မှန်ကလေးအား တစ်ချက်တစ်ချက် ပင့်တင်တတ်ပါသော လက်ကလေးများမှာလည်း ကြည်လင်သန့်စင်နေပြန်ပါ၏။
တရားကို လွန်လွန်းသည်။
ဘယ်လိုလူကများ ဒီလောက်အထိ ပြည့်စုံနိုင်သလဲ။
ကျွန်မရှေ့များ ခေါ်ပြလာခဲ့လျှင် ကင်မ်ထယ်ရယ်အမည်တွင်သော အမျိုးသားဘက်မှ ကြေးကြီးကြီးဖြင့် လောင်းကြေးထပ်ကာ ယှဥ်ပြိုင်ပြလိုက်ချင်ပါသေးသည်။
' အဲ့တာတွေ ပြီးရင် ဒီဘက်လှမ်းပေးပါဦး။'
'ခဏနေပါဦး၊ ဆပ်ပြာက အခဲလိုက်ဖြစ်နေတာ။ ပျော်ကိုပျော်မကျနိုင်ဘူး။ '
ВЫ ЧИТАЕТЕ
𝗇𝗂𝖼𝖾 𝖽𝗋𝖾𝖺𝗆 & 𝗂𝖼𝖾-𝖼𝗋𝖾𝖺𝗆𝗌
Подростковая литература' 𝘠𝘰𝘶 𝘩𝘢𝘷𝘦 𝘢 𝘱𝘭𝘢𝘤𝘦 𝘪𝘯 𝘮𝘺 𝘩𝘦𝘢𝘳𝘵 𝘯𝘰 𝘰𝘯𝘦 𝘦𝘭𝘴𝘦 𝘦𝘷𝘦𝘳 𝘤𝘰𝘶𝘭𝘥 𝘩𝘢𝘷𝘦. ' [ 𝖳𝖺𝖾𝗋𝖺𝖾 𝗈𝖼 𝖿𝖺𝗇𝖿𝗂𝖼𝗍𝗂𝗈𝗇 ] ▪︎fully credit to original uploader for book cover.
