أسرار قدس

الحلقة ٢٦

#اسرار_قدس

((( بقلم زينب ماجد )))

الحلقة_٢٦

اخذني وياك اريــدك ما اريــد الغيــر
وكــــون بســدك اكعــد وكعــد بسـدي
لـ جبار رشيد

عفاف : الو

خطاب: الو ها يمه

-انا عفاف مو الحاجة بس ردت اسالك سؤال وهب تعرف عنه شي ؟

- لا ليش

- كبل شوية سمعت ريسان يحجي بالتليفون بحركة واتصنتت بس العرفته يحجي ويا وهب

- اي

-ما ادري من ضمن الحجي جاب سيرتك انت وقدس وريسان صار عصبي ويصيح عليه خطاب اذا قدس يمك ابعدها لا تتواجه ويا ريسان

- يمتى هذا الحجي ؟

- كبل شوية بس سمعت دخلت اخذت تليفون الحاجة احاجيك بيه خاطر انبهك خوية لا تتواجه وياه ريسان ما يتواجه

- قدس مو يمي وما ادري عنها شي هسه انا بالشغل بس ارجع نحجي

- اي خوش عجل حسبالي وياك كلت احذرك خاف صدك وهب حاجي لابوه شوف شكايل

-شوفيلي امي شمحتاجة خل تخابرني خاطر اجيبه وياي يلا مع السلامة

- الله وياك

فز خطاب من مكانه مستعجل ويصيح بصوت مفزوع : قدس ، قدس

قدس هبطت من الخرف على صوته اندارت تركضله اتلكته اباب المطبخ : ييييييمه اجوووونا شكوووو اجوووو

- اسم الله يمعودة

- اخ كلبي يمممه كول شجالنا

- شجالنا يمعودة كلشي ماكو بس على كيفج

- اخ يمه راح حيلي والله حسبالي مدري اشدريت كلت اجونا

- لا لا احد اجانا ولا احد واصلنا بس تكدرين تبدلين بساع

- ليش ؟

- اختي راح تروح تبات يم امي ورجلها يضل وحده هين ما اكدر اخليج بدلي بسرعة حتى نطلع مستعجل

- ما ناكل

- عوفي الاكل اني اوكلج برا بس بساع فدوة

- هسه بس البس

- بس استعجلي بسرعة فدوة كلش مستعجل
نعلعلا ابيك وهب لك اني امن بيك شبيه خرب بكلبي شلون استخطيته وكلت خطية ذيل الجلب ما ينعدل اني شلون امنته هو رب الخان ابوه ويا مرته ما يدك وياي الناقصة لمصلحته عود جبته وراعيته وحتى ما ردت اكلفه واخليه يشتغل كلت على كيفه شوكت ما يحلاله ... مراهق ويتيم ماله احد اجيبه يمي واحاول اعدله واغير اسلوبه وتفكيره بس ابن ابوه الكلب ما ينعدل

كمت احرك بروحي حرك من ورا هذا ابن الكلب
وقدس حامل وبس حجيت فزعت ما اريد اخوفها وهي بهالحال بس كلتلها استعجل بس هي حركتها ثكيلة من ورا بطنها كمت الح يلا يلا والوب بس اريدها تكمل وهي تجيب ربطتها منا وادنبس منا  وترد ادحك بروحها منا وادور على شحاطتها