မြူအုပ် || ဘာသာပြန်

အခန်း - ( ၆ )【 U 】

『 ကျွန်တော်သွားမယ်။ 』

__________________________________

နောက်ရက်အနည်းငယ်ကြာသည့်တိုင်ရှစ်လော့နှင့်ဝါ့ဝါ့တို့၏အသင်းဖွဲ့သည့်ထုတ်လွှင့်ခြင်းမှာဖိုရမ်များထက်သွေးများဖြင့်ဖုံးလွှမ်းသွားလျက် ၊ အတိတ်မှဖြစ်ရပ်များအားတဖန်ပြန်လည်ဆွဲထုတ်တူးဖော်လာကြကာ ယွီဆွေ့ပရိတ်သတ် ၊ ရှစ်လော့ပရိတ်သတ် ၊ ယွီဆွေ့မုန်းတီးသူ ၊ ရှစ်လော့မုန်းတီသူတို့မှာစုပေါင်းငြင်းခုန်ရန်ဖြစ်ကြတော့သည်။

ရှစ်လော့မှာလေ့ကျင့်ရေးအတွင်းဖိုရမ်အားကြည့်နေသည်ကိုကျောက်ဖုန်းတွေ့သွားပြီးနောက် ၊ အလျင်အမြန်ပင် လာရောက်တားဆီးတော့၏။

" အချိန်ရှိတုန်းလေးကစားနေရင်ဘာမကောင်းတာရှိလို့လဲ ၊ အဲ့ဒါကိုမင်းကဘာလို့ဖိုရမ်ကိုကြည့်နေရတာလဲ ? အသက်ရှင်ရတာကြာနေပြီလို့တွေးနေတာလား ? "

" ကျွန်တော်အပြောဆိုခံရတာကို မကြောက်ပါဘူး။ "

ရှစ်လော့သည် ဖိုရမ်အားဖြည်းဖြည်းချင်းကြည့်ရင်း -

" ကျွန်တော်အဲ့လိုပုတ်ခတ်ကျိန်ဆဲခံနေရတာလည်းဟိုအရင်တည်းကပဲ ၊ နေသားကျနေပြီ။ "

ကျောက်ဖုန်းမှာ ရယ်ရခက် ၊ ငိုရခက်ဖြစ်သွားရကာ :

" မင်းဒီလိုစိတ်ကောင်းမျိုးထားနိုင်တာလည်းကောင်းသားပဲ ၊ ဟုတ်သားငါမင်းကိုပြောစရာရှိသေးတယ်။ "

ကျောက်ဖုန်းသည် လေ့ကျင့်ရေးခန်းထဲမှအခြားလူများအားလှမ်းကြည့်လိုက်အားမြင်တော့ရှစ်လော့မှာနားလည်သွားပြီး ၊ ကီးဘုတ်အားဖယ်ကာကျောက်ဖုန်းနောက်မှ ထလိုက်သွားသည်။

သူတို့နှစ်ဦးမှာဘေးရှိအစည်းဝေးခန်းသို့ဝင်သွားကြပြီး ၊ ရှစ်လော့သည်ခုံဆွဲပြီးဝင်ထိုင်လိုက်ကာဘောင်းဘီအိတ်ကပ်ထဲလက်ထည့်လျက်ခြေထောက်များအားစားပွဲပေါ်တင်လိုက်ပြီး : " တိုက်ရိုက်ထုတ်လွှင့်တဲ့အကြောင်းပဲလား ? နောက်ထပ်နာရီတွေထပ်ပေါင်းထည့်ရမယ်ဆိုရင်တော့မရဘူးနော် ၊ တစ်လကိုနာရီ ၃၀ ကအလွန်ဆုံးပဲ။ "