الجَلْعَد

البارت الثامن

مساءالخير شذراتي🧿📿

عيد سعيد ويارب ينعاد عليكم بلصحه والعافيه
وانشالله تحقيق الاماني ♥

ـــــــــــ
يابويه عود اليوم عيد واني عيوني امرمه لان مانايمه حتى اكتبلكم البارت حتى اعوضكم عن البارت السابع
تفاعلوو عليه بليزز لان والله خاطرت بخلقتي ومانمت حتى اكتبلكم بارت😂
ــــــــــــــــــــــــــــ
حلفوني بعيني وماكلت الصحيح وحلفوني بعينك وماجذبت💕
ــــــــــــــــــــــــ
افنان:
دخل للغرفه وبيده الصينيه
كعد كدامي وكال

ابو طبره: يلا اكلي

افنان: ماريد

ابو طبره: اكلي

افنان: كلت ماريد شيله من يمي

ابو طبره: هاي الاخيره اكلج اكلي المره الثانيه اوكلج غصب عنج

افنان: شنو هوه كلشي غصب ياخي ماريدك اعتقني

لزمني من فكي حيل وهوه يباوع بعيوني وكال من بين اسنانه

الجَلعَد: الجَلعَد من يريد شي ياخذه حتى لو كان غصب عنه

افنان: باوعتله وعيوني بعيونه واباوعله بتحدي وهوه تخبل

الجَلعَد: عيونج نزليهن لاتخليهن بعيوني وتباوعين بهيج نضرات

افنان: وذا ما وخرتهن شسوي

الجَلعَد: ماكو عيون تنحط بعيون الجَلعَد هاي اول مره وا...

قاطعته واني عيوني بعيونه

افنان: بس مو اخر مره

الجَلعَد: نشوف، يلا اكلي

افنان: كلتلك ماريدد

الجَلعَد: هاا عرفت ترديني اني اوكلج مو

باوعتله بخزره وكلت

افنان: احترم نفسك وشيل الاكل منا لا الطخه براسك

الجَلعَد: هواي تجاوزتي بس مو هسه عقابج
باوعلي وغمز

افنان: باوعتله واني صايره كتله من العصبيه
ستوني ردت احجي هوه خله وطلع وهم قفل الباب وراه

باوعت للاكل يربي يشهي مو مثل هناك لعبان نفس الاكل والي يجيبه

ادنيت على الصينيه بعد مابطني كام اطلع اصوات

سحبت الصينيه اباوعله بيه شياش كباب وخبز مال مطاعم وصمون ومقبلات
وقوطيت ببسي

باوعتلها وجتني الضحكه على تفكيري

والله خوش مخطوفه وهيج اكل لعد لو مامخطوفه جان شوكلوني

سحبت الصمونه لكيتها مفتوحه حطيت بيها شيش كباب ومقبلات صارت لفه شكبرها كملتها وصرت اكل طعمها جان كلش طيب صرت اكل وحتى نسيت اني وين وانو اني مخطوفه ومسدود عليه الباب مغمضه عيوني واكل والهدوء مالي المكان كله