الجَلْعَد

البارت الثالث والعشرون

مساء الخير شذراتي 🧿📿

ليش هيج التفاعل مايسوي واهس والله العظيم اكتب بلبارت واكول هسه اني متعبه روحي كاضيه ساعاتي وعيوني تعبانه بس حتى اكتبلهم بارت وهمه تصويت يعزو على القصه يعني ممعقوله تقرين القصه وانتي ماحابته اكيد حبيتيها وجاي تقرين بيها صوتي يعني مثل ماني افرحج ابارت فرحيني بتصويت
حتى قصتي الجديده المقرره انشرها وراه ماختم الجلعد هسه ماعندي واهسه انشرها لان اكول اظلمها واظلم الجلعد لان ماراح تصعدوهن اذا تصوتون على البارتان كلها والله العظيم القصه الجديده تنزل وهم يصير التنزيل كل يوم
اتمنى تصوتون وترفعون القصه

رابط قناتي التلي انشر بيها اشياء تخص قصصي شتركو بيها

الرابط https://t.me/+VoLRm0z-ZTRkNWYy

لاتنسون التصويت+متابعه الحساب+تعليق بين الفقرات

#الجَلْعَد
23#
ـــــــــــــــــ
شمالني؟ شناقصني؟
حتى تعوفني
منين ذوله؟ الـ ترسو
عيونك عليه
وماكدرت تشوفني
(خيبة جوان)
ـــــــــــــــــــــــ
جوان:
فتحت عيوني وحلكي بصدمه بس متانيه ينطق اسمي وجان عندي امل اكون اني ولو1٪ بس حطمني من كال

امير: اغيد اتزوج

باوعوله بستغراب واني اباوع الحلكه بلكي ينطق اسمي كال عمي براهيم

براهيم: منين طلعت بهاي السالفه

امير: يابه اني احبلي بنيه واريدها

اباوعله شلون يحجي وابلع بريكي لازمه كوب الجاي واعصر بيه من كد التوتر للحضه فكرة كلت بس يكول اسمي اكوم اصعد الغرفتي خجلانه بس كان رده سجينه ونغرزت بحلامي وسوتها اربا

محيسن: ومنو هاي التريدها

حسيت كلبي يريد يطلع من صدري وعيوني نار وشتعلت بيهن من كال

امير: عمي اني اعغف بنيه حبابه واغيد اخطبها واعغف كلشي عنها وهيه تصيغ جيغان مصطفى صديقي

فتحت حلكي وصرت ارمش مامستوعبه الي جاي اسمعه حب طفولتي جاي يحجي ببنيه غيري يريدها تصير شريكة حياته معقوله
كمت من مكاني واني مامستوعبه الجاي اسمعه للحضه بتسمت مجذبه الكلام خليت الكوب على الميز بكل هدوء ودرت اريد اصعد الغرفتي صارت عيني بعين ميار تباوعلي بقلق

عفتها وصعدت واني ارمش بعيوني واهز براسي اريد اوخر كلامه اي اريد اجذبه
فتحت باب الغرفه ودخلت صارت المرايه مقابيلي
تقربت واني اباوع النفسي واحجي

جوان: هه جوان شبيج تخبلتي اكيد سمعتي غلط امير يحبج اي والله امير يحبني الي هوه ونضراته الي والله يحبني الي وراح يخطبني الي.....  هزيت راسي وكلت
اي اي هوه راح يبني حياته وياي راح اصير ام اولاده اني مو غيري اي اكيد امير يحبني