الجَلْعَد

البارت الواحد والثلاثون

مساء الخير شذراتي🧿📿

لاتنسون التصويت/متابعه الحساب/تعليق بين الفقرات

الي مامصوت على البارتات السابقه فدوه ارجعو صوتو وعلقو حتى القصه تصعد تصويتاتها لان جداا تستاهل

#الجَلْعَد
#بارت31
ــــــــــــــــــــــــــ
عبرته الماحسبته انسان عابر
ولكيت اصعب احساس
يمر على الأنسان
من تبرد وسط روحه المشاعر

عن حال (افنان)
ــــــــــــــــــــــ
افنان:
دخلت للمخزن اضلم سديت الباب من دون ماقفلها
جان بي هواي شغلات الحصه واشياء مال البيت الي مايحتاجوها يخلوها بلمخزن
لكيت زاويه فارغه تقدمت بخطوات هادئه وكعدت بلزاويه سحبت رجليه الصدري وخليت راسي بين رجليه وصرت انود اهز بروحي وارجف

بهاي الحضه فعلا حسيت رجعت افنان الطفله الي محد يريدها لأب وامي اخذها ربها واخت بلكماط وصديقات ماكو محد تقبل تضادقها غير ورق

اسمع صوت الفيران والأراول تتحرك
رجعت بيه ذاكرتي
الذاك اليوم

جنت كاعده بلزاويه بلمخزن ورجليه ساحبتهن الصدري والأصوات تارسه المخزن مال فيران وجريذيه والمخزن ضيق وكله تراب دموعي ينزلن ويه كل حركه اسمعها بس مو مثل الخوف الي يدخل الگلبي من اسمع صوت حذائه وهوه يقترب من الباب

سمعت صوت خطواته واني تخبلت صرت اهز بنفسي وراسي واحجي

افنان: لا لا لا فدوه

رفعت راسي بخوف من انفتحت الباب ودخل ضوه من الحديقه تخبلت من شفته هوه دخل والأبتسامه على وجهه

تقدم عليه وهوه بتسامته بيها وماتكبر ومخلي ايدي بجيوبه

حضنت رجليه بقوى اكثر وصرات اهز روحي اقوى واني اشوفه يكعد ركبه ونص كدامي والأبتسامه نارسه وجهه اباوعله واني دموعي تنزل
مد ايده على شعري وخره خلا وره اذني واني اوخر براسي منه ماريده يلمسني ريحته تكتل وعيونه حمر
علت شهكاتي وهوه يعتني حيل من شعري ويكول

حمد: بعد تعانديني

خليت ايدي الصغيره على ايده محاوله اوخرها  وهوه يعت بشعري كلت واني منزله شفايفي لي جوه بحركه طفوليه وكلت واني اهز راسي

افنان: بابه بابه والله ماعيدها

بتسم وهوه يباوعلي كال

حمد: اي اكيد ماتعيديها بعد الي راح اسوي الج

فتحت عيوني بخوف لان اعرفه شي سوي صرت اهز راسي اكثر واكول

افنان: بابه بابه الله يخليك لاتسوي هيج بابه فدوه والله التوبه ماعيدها فدوه لاتسوي هيج

تخبلت من شفته دخل ايده بجيبه وطلع الجداحه وباكيت الجكاير

سحب ايدي جنت لابسه بدي ربع ردن سحب ايدي ومثبتها بكل قوته واني ارفس جواى وهوه شعل الجداحه يمشيها على زندي تخبلت كمت اصيح كل صوتي