الجَلْعَد

البارت الحادي عشر

مساء الخير شذراتي 🧿📿

لاتنسون التصويت +متابعه الحساب+التعليق بين الفقرات

ـــــــــــــــــــ
هيه كله العيون هيج لو بس عيونها♥🧿
ـــــــــــــــــــ
افنان:

ضل يسب بنفسه ويغلط كام عليه رفعني من الارض شويه وحسيت نزلني على الجربايه وماحسيت غير كام يضرب بيه راشديات خفيفه على خدي ويكول

الجَلْعَد: افنان افنان شبيج شو كعدي

افنان: سويت روحي ولا ادري ضل يضرب بيه شويه ختفه صوته فتحت تك عين على كيف ماهوه شويه ودخل بسرعه غمضت حسيته كعد يمي على طرف الجربايه وشويه وحسيت مي بارد على وجهي شهكت وفتحت عيوني سويت نفسي ستوني وعيت
باوعلي اخذ نفس وتنهد وكال

الجَلْعَد: الحمدلله، شبيج ليش لكيتج واكعه؟

افنان: باوعتله وكلت،
ها شنو واكعه ماعرف

الجَلْعَد: شبيج خاف مريضه

افنان: ماعرف بس هيج يمكن دخت

باوعلي وكال

الجَلْعَد: هم تاكلين؟

افنان: ها

الجَلْعَد: جاي احجي جاوبي، من اني جنت ماموجود هم اكلتي لان انتي راسج يابس وترديلج واحد يوكف فوك راسج ويوكلج

باوعتله اذا اكول ماكلت يكشفني لان الثلاجه ماباقي بيها هواي من كثر ماطلعت قهري بلاكل
كتله

افنان: لا والله اكلت، وثاني شي اني مو طفله حتى احد يوكف فوك راسي

الجَلْعَد: لا يابه وين طفله

افنان: باوعتله احاول اهدي بنفسي سحبت نفس وهوه كال

الجَلْعَد: شعجب ماكلتي طلعني؟

افنان: اذا اكلكياها اطلعني

باوعلي وكال

الجَلْعَد: لا

افنان: هاي هيه عليمن اتعب روحي واضل اتناقش وياك

الجَلْعَد: عفيه صرتي تفكرين صح

باوعتله وسكتت

الجَلْعَد: اكلج انتي شبيج اليوم امرج غريب يوميه تورمين راسي من الصياح والغلط شو اليوم خوينسه

باوعتله وكلت بكلبي

اي مو داحضر الطبخه على نار هاديه

تحمحمت وكلت

افنان: مثلا شراح يفيد هسه اذا اصيح انته مراح اطلعني مو صح

الجَلْعَد: هم صدك

افنان: عليمن اتعب نفسي واعيط اخرتها اطلعني مو هيج انته كلت؟

الجَلْعَد: صح هيج كلت لكن جان اكو شرط اعتقد مانسيتي