Forever, We Fall SEASON 3 (Adonis Series 3)

Giving Up

Chapter 13

Third Person Pov.

Tahimik ang dalagang si winter habang nasa hapag ng mesa. Kasalukuyan silang nasa mansyon nila calix matapos silang palayasin ni angelina sa kanilang sariling tahanan.

Wala silang ideya na binalak talagang bilhin ni angelina ang bahay kung kaya't halos mabigla sila sa pagdating nito kanina.

Natural na wala silang magagawa dahil may kasulatang pinirmahan si winter. Kahit ibalik pa nila ang pera ni angelina, wala din mangyayari dahil nga naipasa na ang pangalan ng titulo sa mga falcon.

Nasa sala si lola perla habang kausap ngayon si leonore. Kasama naman na ni winter si calix na ngayon tulala lamang dahil sa nangyari, isinalaysay ni calix sa kanyang ina ang totoong nangyari sa kanila. Dahil na rin kilala ni leonore si angelina ay bigla itong nagulat sa nalaman. Ibang iba kasi ang ugali ni angelina lalo na sa ibang tao, kung kaya't nagtataka si leonore na bakit ganon ang ginawa niya.

Walang pagpipilian si calix kundi sabihin ang nakaraan nila ng ama ni winter at angelina. Muli'y nabigla ang mommy ni calix dahil sa sinabi niyang iyon, wala naman na kasi siyang nalalaman na may past pala sila angelina at henry. Ang alam lang ni leonore, madalas na tumungo sa farm si angelina dahil ang mama nito at si lola perla ay matalik na magkaibigan.

Hindi alam ni leonore na nagkaroon pala ng relasyon ang dalawa.

“Hindi mo ba nais dalhin si lola sa ospital?” nilingon ni winter sa calix dahil sa tanong niya iyon. Medyo nahilo kasi ang matanda habang patungo sila dito, at nang suriin ni leonore ang bloob pressure nito ay medyo mataas iyon.

Ang kaso nga lang ay ayaw magpadala ng matanda sa ospital. Tiyak na iniisip nito ang gastos kung kaya't kinalmahan na lamang niya ang kanyang kaisipan.

“Hindi rin naman papayag si lola, cal. Kilala mo siya, mas gugustuhin nitong magpagaling sa bahay kesa tumungo ng ospital.” napabuntong hining si calix. Dahil namatay ang lolo ni winter sa ospital at medyo napabayaan siya doon, hindi na muling nagtiwala si lola perla sa mga doctor. Medyo may galit pa rin ito sa nangyari dahil hindi agad naasikaso ang asawa niya kung kaya't mas lalo lang lumubha ang lagay nito na naging sanhi upang agawan siya ng buhay.

“Pwede ba siyang magbiyahe bukas? Kung gusto mo, dito muna kayo hangga linggo.” pilit na ngumiti si winter bago umiling.

“Nakakahiya naman na kay tita at tito, makakaistorbo pa kami sa inyo.”

“Tsk, anong istorbo? Kahit kailan hindi kayo naging abala wen, welcome na welcome kayo dito sa bahay at tiyak na ikakatuwa pa iyon ni mommy..” nagbaba ng tingin si winter at hindi sinagot ang kaibigan.

Ilang segundo rin ng bigla'y tumunog ang cellphone nito. Inaasahan na niyang si philip ang tumatawag ngunit bigla'y nanlumo ito ng unknown number lamang ang nakita niya sa kanyang screen. Sinagot niya iyon kahit hindi nito alam kung sino ang tumatawag, natigilan siya ng babae ang marinig na tinig sa kabilang linya at pamilya iyon sa pandinig niya.

“Winter, are you there?” si trixie ang nasa kabilang linya, medyo masaya ang tinig ng pinsan at may kaingayan sa kabilang linya.

Tumikhim ang dalaga bago ito tuluyang tumayo at magpaalam saglit kay calix na kakausapin na muna niya ang tumawag sa labas ng bahay.

Nagmamadali itong lumabas upang sagutin si trixie na naghihintay ng kanyang sagot.

“Trixie, ikaw pala. Napatawag ka?”

“I just want to check you and lola. Kumusta kayo diyan sa pilipinas?” matagal bago makasagot si winter dahil hindi nito malaman kung tama bang sabihin niya sa pinsan kung anong nangyari ngayon sa kanila sa pilipinas. Ngunit nag-aalinlangan siya dahil na rin sa tiyahin nitong si raquel, kilala kasi niya ang ugali nito at tiyak na magagalit lamang iyon kung malalaman niya ang tungkol sa nangyari sa kanila.