Forever, We Fall SEASON 3 (Adonis Series 3)

Maling Akala

Chapter 40

Ashton Philip Pov.

I didn't intend to grab the DNA test when it fall on her bag, nagulat pa ako dahil hindi ko naman inaasahang pregnancy test iyon na naglalaman ng positibong resulta.

Hindi ko maiwasang mag-isip, hindi ko napigilang itanong iyon dahilan upang magtagal ang titigan naming dalawa.

"Ano ba'ng pinagsasabi mo?" Muli ay ipinasok niya iyon sa kanyang bag. Kunot ang noo nito na para bang hindi kayang sagutin ang tanong ko.

"Alam ba ni tita Elena na buntis ka?" Nilingon ako nito, her eyes was really fierce. Iyong tingin na nagustuhan ko noon sa kanya na para bang lagi siyang galit.

Ngunit imbes na sagutin niya ang tanong ko, natawa siya sabaw iwas ng tingin. Umiiling pa ito bago kagatin ang kanyang labi.

"Nagkakamali ka lang." Nagsalubong ang kilay ko sa kanyang inusal. Ngunit bago pa man ako makapag-salita, lumihis na ang tingin nito sa likuran ko bago magsalita ang lalakeng naroon.

"May problema ba?"

Doon na nabaling ang atensyon ni winter kung saan agaran siyang lumapit kay Reese. Hinawakan niya ito sa braso na naging sanhi ng pagtaas ng kilay ko.

"May importante akong sasabihin sayo." Pumaling ang ulo ko sa narinig, anong importanteng bagay ang sasabihin niya sa lalakeng to?

Hindi kaya?

Napamaang ako dahil sa naisip ko, Hindi kaya sasabihin ni winter ang tungkol sa pregnancy test?

Siya ang ama?

"Mukhang importante nga iyan." Iyon ang sagot ni reese bago tumango si winter.

"Importante nga, kailangan mong malaman to."

Tumango si Reese bago nito igaya paalis si winter. Ngunit bago pa sila makalayo sakin, hinawakan ko ang pulsuhan ni winter dahilan upang mahinto siya sa paglalakad.

"Saan kayo pupunta?" nangunot ang noo nito sa tanong ko bago bumaba ang kanyang paningin sa aking kamay. Dahil doon, nahihiya ko'ng binitawan iyon bago mag-iwas ng tingin.

"I m-mean, w-what is your lunch time?"

Nangunot lalo ang noo niya dahil sa sinabi ko. I can't explain my feelings right now, para ba'ng nahihiya na nais nang mag-walk out sa harapan nila.

"Mamaya na lang tayo mag-usap, may importante lang kaming pag-uusapan." nangunot ang noo ko nang tinalikuran niya ako. Sumama siya kay reese habang ako ay puno ng katanungan tungkol sa nasaksihan ko kanina.

Mas importante iyon?

Tungkol ba iyon sa pregnancy test na nakita ko kanina?

DAHIL sa nangyaring iyon, lumisan na ako upang magtungo ng parkinglot. Naroon lamang ako habang iniisip ang bagay na nakita ko.

Totoo ba'ng buntis siya?

Paano nangyari iyon?

Kung si reese ang ama ng batang 'yon, bakit napaka-bilis? Halos iisang buwan pa lang naman simula ng magkakilala sila, samantalang kami ay halos dalawang taon.

Natawa ako dahil sa naisip ko'ng iyon.

Hindi lamang ako makapaniwala kaya nagkakaganito ako. Para ba'ng tumatak na iyon sa isip ko na halos pasakit na ang aking ulo.