" في حروب الارواح مالقيت الا انتِ يالروح الندية "

البارت التاسع عشر

الجدة : وشهو وش زعله يا اختي ؟!
رحاب : يمه هي ومايا بنفس العمر ودرسن مع بعض وتخرجن واختارت نفس التخصص
وقبلوا بنتي قبلها وماقلتي شي اكيد بتحز بخاطرها
وتحسبتس تفرقين بينهم
الجدة : وينها فيه هي ؟
رحاب : منهي ؟
الجدة بصراخ : افنان
فزت رحاب برعب : بغرفتها من اليوم وهي تصيح
الجدة بحزن : تصيح مني
رحاب : مدري
الجدة : وبنتس وينها فيه ؟
رحاب : بالجامعة ماطلعت للحين
قامت الجدة وهي متوجهة لغرفة افنان
رحاب وهي تضحك بصدمة : اف سفهتني
طرقت الباب وهي ماتسمع رد خافت يصيبها مكروه بسببها بينما افنان جالسه على السرير وهي ماسكة اوراق القبول وتبكي
الهنوف : يمه افنان افتحي لي الباب
الجدة : شفيه ؟
الهنوف بتوتر : مدري اطق عليها ماتفتح
الجدة : افنان يابنيتي افتحي بكلمتس
فزت وهي تسكر اذنها بقرف لما سمعت صوت جدتها
: شتبينننننن خربتي حياتي شتبينن
الجدة : ياامك افتحي بكلمتس
قامت وهي تفتح الباب : نعممم
الهنوف باستغراب : بسم الله عليتس هذي جدتس شلون
تكلمينها بالطريقة ذي
افنان بصراخ : هذي حرمتني من حلمي حرمتني اني اكمل دراستي عبت راس ابوي علي
هذي مستحيل اكون جدة انا اللي اعرفه تكون الجدة حنونة على احفادها مب تكون بهالشر
دخل !!!!
في بيت ابو راشد بعد مرور اسبوع
يوم جديد واصوات الحريم والفناجيل تصقع ببعضها
وريحة القهوة والهيل مافيه البيت
واصوات الاطفال
العنود : ياهلا ومرحبا حياكم الله
دخلت سُعاد وهي بالمبخرة : حياكم تفضلو تفضلو
ام بسام : الله يحيكم يابعد روحي
سُعاد : وينك يالمقاطعه لانشوفك ولانسمع عنك خبر
من يوم طلعتي من الديرة
ام بسام : يا اختس تدرين انه ماهوب بيدي ولا كان جيتكم
العنود : صبي القهوة يا هند
ام بسام : ماشاءالله هذي هند ؟
سعاد : اي هذي هنوده ماتذكرينها
ام بسام : لا بالله اذكرها مير خبرتس البنات كبرن وماصرت اعرفهن نفس قبل
العنود : وشلون اخبار دياركم ؟
ام باسم وهي تشرب قهوتها : على ماتحبين
ناسً طيبين وظراف وخفاف لكن محد يعلى على الديرة الأوليه
العنود : انشهد
دخلت سُلاف وهي تسلم عليها
ام بسام بتساؤل : هذي بنتكم ؟
العنود : هاوو مسرع مانسيتي اي هذي بنيتي سُلاف
ام بسام بأعجاب : ماشاءالله مخطوبة ؟
العنود وهي تضحك : شعندك
ام بسام : ابد مير يمكن جيتنا تكون جيت خطبه
احمر وجه سُلاف من الخجل
العنود : هذي الساعة المباركة والله
بيت ابو نسرين
جلست عند الدريشة وهي تمسك بعربيتها وتبكي على حالها اللي مايسر حتى عدو
نايف : ياولد مناك الموية جبها
سليمان : وراك حاطها هناك عند درايش بيت ناصر
نايف : انا قلت للعامل يحط وحده عندنا ووحده وصاني بها ابو نسرين
تنهد سليمان وهو يمشي بنعاس تقدم نحو الموية وهو يشيلها لكن صدمه بكاء انثى رفع راسه وهو يشوفها تبكي وهي على عربيتها حن قلبه عليها وحس انه المتسبب في حالها طول وهو يتأملها ويشوف شعرها وعيونها
قطع تأمله صوت نايف
نايف : هييي اعجل علي صقعتني الشمس
سليمان وهو يشيل الموية : جايك جايك
فزت نسرين وهي تسمع صوته
نايف : وراك طولت
سليمان بتسليك : المويه ثقيلة
ضحك وهو يردف : ابك طلعت رخمه يالرخمه
سليمان : اهجد بس إلا اقول راشد ما كلمك طول ذا
نايف : إلا كلمني يقول شهر ولا اسبوعين وهو جاي
سليمان : بيجيب بنته معه ولا بيخليها عند امها
نايف : ماظنتي يخليها عند امها الله يستر علينا وعليها
مره اجوديه خل نفكها من لسانا
سليمان : صدقت
-

دخل امير وهو يعلي نبرة صوته : شقلتي؟؟
بلعت ريقها وهي تعرف انه يعز جدته تشجعت وهي تقول  : شدخلك لا تدخل نفسك بعلوم الحريم
الهنوف : افننانن
الجدة : خليها
قاطعتها افنان بصراخ وهي تتقدم نحو جدتها : اي خلوني وانت لاعاد اشوفك تعلي صوتك علي
تقدم امير وهو يصفعها تجمدت بمكانها من حرارة الكف
رفعت راسها لأمها ودموعها عالقة بعيونها
دخلت الغرفة وهي تسكر الباب وتقفله تحت مناداة امها لها
-
عند نسرين
صحت وهي تفتح عيونها بشويش حست انها قاعدة تشوف اشياء موشوشة
فزت بخوف وهي تحاول تفتح عيونها
صارخت : يبهههه يبهههه
دخل ناصر وهو حامل بين يديه صينية الاكل : شفيك
نسرين يبه اشوف والله اشوف
تلعثم ناصر : تقولينه صادزة
نسرين وهي تبكي : والله اني اشوفك
ضمها وهو يبكي من الفرح الحمدلله هـ البسي عشان اوديك للدكتور
بالمستشفى
الدكتور : الحمدلله مفعول العلاج مشى معها وتفاعل بمدة قصيرة
ناصر : الحمدلله لك يارب يعني بترجع تشوف طبيعي لأنها قالت لي انها جالسة تشوف بعدم وضوح
الدكتور : عادي هالشيء كم يوم وتشوف بوضوح واقلها اسبوع وان شاء الله تشوف
-
بيت ابو سلطان
طلعت الرّيم وهي تسقي الزرع وهي تغني قاطعها
طرق الباب
نزلت اللي بيدها وهي ترفع شيلتها
تقدمت وهي تفتح الباب : مين ؟
نايف : انا نايف ولد صالح
الرّيم : اي امر شبغيت
نايف : اذا ماعليك امر ناديلي سلطان وخذي ذا
تمسكت بالكيس وهي تتفحصه بعيونها : وشو ذا ؟
نايف بحدة : اغراض عطيه سلطان
الرّيم : شفيك معصب ! ترا سألت
نايف وهو يتعوذ من ابليس : انا ماشي تبون شي
الرّيم : لا
طلع سلطان وهو يشوف الرّيم واقفه مع نايف
سلطان : الرّيم
التفت وهي تأشر له يجي
سلطان : شموقفك هنا ؟!
نايف بإرتباك  : مساء الخير ياولد
سلطان : اوههه نايف شجابك بغيت شي ؟
نايف : ابد بس الاغراض اللي وصيتني بها جبتها معي شفها مع اختك
سحب الكيس وهو يتأكد منها : مشكور ياخوي ماتقصر
نايف : العفو يلا فمان الله ماشي تبي شي
سلطان : اقلط تقهوو
نايف ركب سيارته وهو يردف : كثر الله خيرك مير عندي اشغال ان شاء الله المره الثانية
الرّيم وهي تسكر الباب : امش
سلطان : هااه
الرّيم بلقافه : وش اللي بالكيس هاته بشوف
سحب الكيس : وجع اللقافه تسري بدمك انتِ !؟