" في حروب الارواح مالقيت الا انتِ يالروح الندية "

البارت الواحد والستين

التفتت مهرة لنجود وهي تناظر لها وتذكر ربها كانت جميلههههه وجداً ابتسمت وهي تدعي ربها انها تكون من نصيب الفارس
قامت سُعاد وهي تفسخ برقعها : يلا لا افطرتوا ان شاء الله تقومون ترتبون المجلس وتتركونا حنا يالحريم نسولف على راحتنا
تمددت جُمان على هنادي وهي تمسح على بطنها : والله انا حامل اشارت هنادي براسها بتمثيل : وانا عندي ولد وهذاهو نايم اخاف يصحى علي
جُمان : معذورات احنا
سُعاد بمزح : والله انتِ اولهم يالعقربه !
ضحكت جُمان وهي تقوم : لا والله امزح بساعدهم
سُعاد : حلفت عليك ماتقومين انتِ وهنادي اجلسوا انتم
صفقت هنادي كفها بكف جُمان بوناسه وضحك
يلا يلا قوموا ساعدوا بعضكم
ابتهاج : هنودههه ؟؟! ترا مواعين بيتنا محد بيغسلها غيرتس هذاني قلت لك
هنادي بمزح : عادي بخلي اخوتس يغسلها صرخوا الحريم والبنات وهم يضحكون مهره وهي تتخصر وهي جالسه وبممازحه : انا بنت ابوي بنته !
هنادي بضحك: عادي عادي ههههههههه
-
قاموا البنات وهم يرتبون المجلس وقسموا الاشغال فيما بينهم
نسرين : الحين وين العيال فيه ؟
سُلاف : الكبار راحوا لحلال ابوي والعيال اظنهم لحقوهم ولا تلقينهم بيصلون ويرجعون
الرّيم : اسمعوا يابنات الحوش بما انه كبير ما شاء الله بننظفه حنا انا ونسرين وابتهاج ودورات المياة سُلاف والجوهرة ومسّك بتنظف المدخل ونجوددد عاد عليها المجلس
صرخت نجود بملل : اففف والله ظلم ! 
افنان : وانا ؟
الرّيم ب ابتسامه : انتِ يالغالية عاد بتدخلين تساعدين ام جمال من الصبح وهي تكرف
افنان برضا : مو مشكله يلا سيوو نجود تتخطين ياروحي كلها كم سنة وتضفين وجهك لبيت زوجك عاد هناك الاشغال كلها عليك

تأففت نجود وهي تدخل ترتب المجلس سُرعان ماراح الملل عنها من شافت شماغه ابتسمت وهي تاخذه وتشم ريحته كانت رائحته مخالطة بالعطور المركزة والعود نزلت شماغه وهي تكمل ترتيب التفتت للشماغ وهي تلتفت للباب فكرت انها تاخذ الشماغ معاها بدون محد يحس عليها سحبته بخفه وهي تفتح الباب لكن سُرعان ماشهقت وهي تشوفه قدامها دخل بسرعه وهو يسكر فمها : اصصص بسم الله شفيك انتِ !؟
انتبه انها نجود واردف بثقل : نجود ؟
نجود وهي ترفع الشماغ بعفويه : كنت برا شجابك ؟
انتبه لشماغه اللي بيدها سحبه منها وبتساؤل : وش جاب شماغي لك ؟
بلعت ريقها بتلعثم وتوتر : ش شفـ شفته هنا قلت اشيله داخل عشان ارتـ ـب
تكتف فارس : بالله ؟
نجود : اي والله اءء خلاص ابعد مني اطلع !
سُرعان ما انتبهت انها بدون شي يسترها لفت بسرعه وهي تشهق وتغطي وجهها : اطلععع براااا 
مافهم فارس شتقصد : نجود علامك ؟؟
نجود اقتربت وهي تدفه وتسكر الباب : انا بدون غطاء
انتبه انها صدق بدون عباية استغفر ربه وهو يلحق على الصلاة
-
نسرين بتعب : ريوممم والله تعبتت قسم بالله تعبت
ابتهاج وهي تكح بسبب الغبار : ص صـ صادقهه والله تعبنا وانا انكتمت بسبب الغبار
الرّيم بنشاط : بالعكس الود ودي انظف الحوش لحالي تصدقون مدت نسرين المكنسة لها : زين دامك نشيطة كملي عني وانا بروح ارتاح مشت نسرين وسُرعان ماسحبتها الرّيم : تعالي تعالي وين رايحه ؟ امسكي الله لايهينيك وكملي
نسرين : تعبت !
الرّيم : ماعليه عادي فتره وتعدي
نسرين بعصبيه خفيفه : يالله صبرككك !
العيال
طلعوا من المسجد وهم متوجهين لسياراتهم
مشعل وهو يصوت لنايف : ولدد منتب جاي معنا ؟
نايف : الا بجيكم الحين دخل نايف البيت وهو مسرع بسبب ان ابوه ناسي ادويته صقع بجسمها الصغير انقطع صوتها العذب وهي تغني تجمدت بمكانها بتوتر منه
ابتسم وهو يناظر بالبوابة الرئيسية للبيت : شلونتس يالرّيم ؟
الرّيم وهي تغطي شعرها بطرحتها : بخير
ابتسم و بتساؤل : ماراح تسألين عن حالي ؟
الرّيم : كيفك ؟
ضحك بخفة وهو يرد : بخير دامك بخير
ابتسمت بقوة : خير وش جابك ؟
نايف : بيتنا بتحاسبوني لادخلته
الرّيم : بيتك مليان حريم حركة رأسها باتجاه الباب الخارجي للمنزل : وما اشوف احد من العيال جاء معك
نايف : ابد جاي اخذ علاجات ابوي
اقبلت سُلاف وبـ ابتسامه : ياهلا بشيخ الرجاجيل
ابتسم نايف وهو يسلم عليها : ياهلا بوخيتي علومك ؟
سُلاف : على ماتسرك ، الرّيم شفيك واقفه هنا
الرّيم : كنت انظف
سُلاف بحب : خلاص عطيني انا خلصت وبكمل عنك
الرّيم بحلف : لا والله بكمل شغلي
سُلاف التفتت لنايف وبضحك : ما اشتقت لهنوده ؟
نايف ابتسم : اكذب عليك لا قلت لك لا اي والله اني مشتاق لها
سُلاف : خلاص مابقى غيركم متى الزواج ترا صار لكم شهر مملكين
وسعت عيونها الرّيم بصدمه وخجل : هاك كملي عني
سُلاف وهي تضحك : شدعوه ريوم
ابتسم نايف من شافها وهي تبتسم : اقول روحي لغرفة امي وجيبي علاجات ابوي حق السكر والضغط وهاتيهم لي
سُلاف : من عيونييي