الحقائق الخفيه

البارت الثالث

بعد خروج احمد وعمر من مكتب اسد ذهب كل منهم الى مكتبه الخاص لكي يعمل كل منهم

في ڤيلا الشرقاوي عند صفاء ونادر

صفاء: بقول لك ايه يا نادر ما تيجي نعزم اسد النهارده على العشا اصل بقى لنا كتير ما شفناهوش فيقضي معانا النهار كله

نادر: كده كده انا كنت هعزمه يلا بقى انا هتصل بعمر واحمد يعرفوه ويجي معاهم النهارده على العشاء

البنات كانوا راكبين اتوبيس عشان يروحوا الجامعه ولكن جنان كانت تتشاجر مع سواق الاتوبيس

جنان: بقول لك ايه ما ليش فيه انا عايزه الربع جنيه بتاعي زي ما اديتك فلوسك رجع لي باقي الفلوس

ندى: يا بنتي ما هو قال لك ان معهوش فكه خلاص بقى عدي الموضوع يا جنان

جنان: ولو ولو مش نازله غير لما اخد الربع جنيه اللي فاضل لي واللي مش عاجبه انا هروح اقدم شكوى في الاسم

خلود: يخربيتك كل ده عشان ربع جنيه امال لو كان جنيه هتعملي فينا ايه

حور: الله يكرم عيالك يا اخت جنان لمي الدور احنا متأخرين على المحاضره والماده اللي احنا خلاص يعتبر شيلناها اصلا دي

جنان: قرمط ما تتدخلش انت ده  انت المفروض تشرشحي لهم معايا

السواق: تصدقي انا اللي غلطان خدي جنيه اهو وامشي يلا ده ايه المراكبيه الزفت على المسا دي

جنان: معلش انا ما بحبش اخد اكتر من حقي ما تفكرش ان انت باللي بتعمله ده هتعطف عليا انا عايزه الربع جنيه ما ليش دعوه اتصرف بقى فك الفلوس المهم ان انا مش هنزل غير لما تديني بقى الربع جنيه بتاعي

احد الاشخاص في الاتوبيس! خذى ربع جنيه اهو واسكتي يلا بقى

جنان: هوانا بشحت منك زي ما هو خذ مني الفلوس يديني الباقي منها انا مش باخد صدقه من حد على فكره، وبعدين ايه اسكتي دي مش ساكته واللي عندك يلا هاته لو عايز تتخانق انا واقفه اهو اتفضل

السواق وقف الاتوبيس عند المكان اللي هم هينزلوا فيه وراح لاقرب سوبر ماركت وفك 5 جنيه اربع ورجع تاني للأتوبيس

السواق: اتفضلي الربع جنيه بتاعك اهو يلا من هنا

جنان: انت بتطردني طب مش ماشيه وشوف بقى مين اللي هيحضر الجامعه وان شاء الله نشيل الماده وان شاء الله عنك ما كملت بيهم ومش دافعه فلوس بقى

السواق: حقك عليا انا اسف انا استاهل ضرب الجزمه اتفضلي يلا حضرتك انزلي عشان اكمل طريقي

جنان: مكان من الاول ولا لازم نهزقك يعني يلا يا بنات عشان اتاخرنا على المحاضره كله بسببكم اصلا

البنات بصدمه: نعم!

وصلوا البنات للجامعه ودخلوا المحاضره والانظار كانت عليهم ولا كأنهم جايين متاخرين الدكتور انتم رايحين فين يا بهوات انتم متاخرين نص ساعه عن المحاضره اتفضلوا يلا بره