الحقائق الخفيه

البارت الرابع والثلاثون

في قصر السيوفى
مرّت عليهم ليلة البارحه وكأنها سنين...ولكن مع بداية يوم جديد نريد ان نبدأه بتفاؤل... نحن لا نعلم ما هو المكتوب لنا ولكن نؤمن بأن كل ما يحدث هو الخير
من الله فحمداً لله في كل وقت وحين...

عندما فاق أسد من نومه.. توضأ وصلى ثم خرج منذ الصباح ولم يعد الّا على موعد الفطور...

بينما هى فاقت من نومها على أصوات بالأسفل.... فاتجهت للحمام..للإستحمام وبدلت ملابسها وبالطبع توضأت وصلت الصبح... ثم قرأت وردها اليومى ثم عدلت من نفسها ونزلت للأسفل.. وجدت الجميع يجلسون ع السفره.. وهناك ابتسامه تزيّن وجوههم... ففرحت لإبتسامتهم... ثم اتجهت اليهم وجلست في المنتصف بجانب صفاء.. وسعاد وقالت: صباح الخير ع الكل...
فرد عليها الجميع قائلاً: صباح الخير....
نادر بإبتسامه: عامله ايه دلوقتي يبنتى...؟
جنان بطمئنه: انا الحمدلله بخير طول ما انتم بخير..
صفاء بإبتسامه: يدوم الحمد يا حبيبتى..فابتسمت لها جنان ثم عبست مره واحده عندما رأت تلك الحربايه
والسحليه خاصتها... كانت ستتركهم وتصعد... ولكن نظرت نظره بإتجاهه..ثم فكرت بداخلها: انا عارفه انه مش مصدقنى بس انا هخلينى احسن منه واكشفله 
نية الحربايه والسحليه دول.ويا أنا يا هم..ما هو مش
جنان اللى تسيب الطربيزه لناس زى دول.. وفجأه ابتسمت بخبث...وكل هذا كانت تفعله وهى تنظر لها
بشرود وابتسامه،  فضحك عليها ذلك الذي يتابع حركاتها وهؤلاء الذين يمسكون أنفسهم بالكاد حتى لا يضحكوا...
فقالت حور وهى تكبت ضحكاتها: جنان يا حبيبتى كملى أكلك بلاش لعب في الصحن... فنظرت لها جنان بشر يتطاير من عينيها وقالت: ماشي بس متشغليش بالك بيا.. انا بحب اللعب...
حور بخوف مصطنع:حاضر..لحسن تاكلينى..فضحكت
خلود على نظراتهم التى تفهمها جيداً وقالت: اهدوا شويه هتولعوا في بعض.... والناس قاعدين مش ناقصين هم...
فقالت سعاد بضحك: والله انتو شويه مجانين كلوا وانتوا ساكتين.... قاطع كلامهم لوريتا التى ذهبت تجلس بجانب صقر... فنظرن الفتيات اليها بصدمه...
فقالت أميره بهمس: هى البت جايه تشقطهم. 
فقالت ندى بصدمه: دي شكلها عايزه عالقه من العيار التقيل...
فقالت خلود بشهقه وهى تقف: هى الوليه دى راحه فين...
جنان وهى تتجه اليها بشر: معلش يا نَيْتى احنا مش فاتحينها سداح مداح ياختى قومى من هنا... ثم سحبتها من ذراعها بشده.. فانقلبت لوريتا للوراء ع الفور... ووقعت من ع الكرسي... فضحك الفتيات عليها... فنظرت جنان اليهم بتبرير وقالت: طبعاً لو حلفتلكم انها اللى وقعت مش هتصدقوا... فاتجهت أوسلين اليها وساعدتها فى الوقوف وقالت بزعيق: انتى مالك بيها.... هى كانت قعدت مكانك... فنظرت لها جنان بصدمه...... اما الشباب فمنهم من كان يضحك ومنهم يتابع بهدوء ومنهم من وضع يده علي مقدمة رأسه خوفاً من حدوث شيء مجنون... اما الفتيات فهم متأكدين من الكارثه التى ستحدث الآن فجنان كانت تنتظرها على غلطه واحده ولكنها الآن تزعق بها
فقالت جنان بشر: والله يعني هى كده معملتش حاجه
أوسلين.... بصوت عالي: لا معملتش حاجه انتى اللى بيئه فى تصرفاتك وخلاص... ولم تكد تكمل كلامها حتى وجدت نفسها متسطحه ع الأرض وجنان تشدها من شعرها بقوه.. تحت صرخات سيلا.. ومحاولة لوريتا ابعادها عن أوسلين.... اما أسد فقال ببرود: جنان سيبيها..
وأيضاً لم تسمع له فاتجهت اليها الفتيات ليبعدوها عن أوسلين ولكنها كانت تصرخ بمن يقترب منها وتقول: الحربايه دى عايزه تتربى وانا هربيها... سيبوهالى اعلمها الأدب... يا حيوانه انتى مش كفايه بتكدبى لا وجايه تزعقيلى كمان.. لا ده كده فلتت منك خالص... وسعاد وصفاء لم يتدخلوا نهائيّاً.. فقط كانوا يقولون لها ان تتركها واحياناً يضحكون على منظرهم..
لم يستطيع أحد إيقافها وبالطبع الشباب لم تتدخل.. فقط منهم من يشجعها ولكن من دون حديث حتى.. ولكن أوقفها صرخة أسد الذي هزت القصر الذي قال لها ما إن رأى جميع النظرات موجهه اليها حتى الشباب والبنات يلتفون حولها يحجبون الرؤيا: جنان 
فقامت جنان من عليها ووقفت ثم نظرت اليه ثم تجاوزته وصعدت للأعلى.وبالطبع صعد خلفها الفتيات
واستندت أوسلين على لوريتا لتقف..فكانت مطحنه منذ قليل وهى التى تطحن وبسبب لوريتا..اما الجميع فكل واحد منهم انصرف فى أمره... واتجه الشباب للشركه... اما اوسلين فأتت عينيها بالصدفه على حمزه التى ما ان رأته شهقت.. ولوريتا التى انتبهت لشهقتها وصُدمت معها... بينما حمزه لم يبدى اي ردة  فعل.. ثم ذهب باتجاه غرفة المكتب لينتظر اسد هناك...
اما أسد.. فقال لأوسلين: انتى كويسه...؟
أوسلين: انا كويسه الحمدلله متشلش هم.. ثم تركته ورحلت....فنظر أسد اليها بغموض...... ثم اتجه لغرفة المكتب
اما بالأعلى.. فكانت تلف الغرفة ذهابا وإياباً وتقول: هقتله... هقتله البارد ده وارتكب جريمه صدقونى يا ناس، شوفتى يا صفصف كان هاين عليه لولا الملامه كان شالها..
صفاء وهى تضحك عليها وقالت بخبث: ليه وهو انتى هيفرق معاكى لو شالها...
جنان بسرعه...: اه.. ثم قالت: لا.. ثم أكملت بضحك: بصي هفكر وأرد عليكي...
سعاد وفهمت مقصد صفاء وقالت: انتى غيرانه ولا ايه...
جنان بإرتباك ولكنها قالت بثقه: اناااا...هغير..ولما اغير
يبقى على لوح التلج ده... هه لا أكيد بتهزرى لا عاش ولا كان اللي يخلينى أغير ده انا جنان ... على رمش ونص...
صفاء بضحكه: بس يا هبله.. ده انتى باين عليكي اوى
جنان بصدمه: باين عليا ايه...
سعاد بضحكه: شوفتى يا اختي انصدمتي ازاى...!
جنان بتبرير: لا انتو فهمتوا غلط دول اخواتى مش أكتر.. ومن الطبيعى انى مش هحب التصرف اللى عملته.. مش عشان القطب الشمالى ده..
ندى بضحك: طب بس اسكتى بقا بلاش هبل..
جنان وهى تنظر لها: انا هبله...
ندى بضحك: خالص مالص... فقالت خلود بغباء: هيا اسمها ايه..
جنان بذكاء مصطنع: اسمها حرباية..... واللى معاها سحليه..فضحكت الفتيات على تلقيبها لهم بهذا الإسم