قلبي غاويك (روايات ليبية)

روايت "قلبي غاويك"❤️‍🩹

" الحلقه {3}"

(عند نور)
بعد طلع صقر وخلاها تبكي لحضات تذكرت كيف زياد تخلى عنها انهارت من البكي.......

(عند نورهان)
ماشيه في الشارع وقريب وخبطتها سياره وقفت نزل الي في سياره
نورهان: هي انت متشوفش
أسامه: انتي الي جايه في طريقي
نورهان: طول ماك غلطان وتحاسب
أسامه: ورايا شغل كذاه حولي ركب السياره وطلع
نورهان:ناس متتحشم وكملت طريقها
خشت للحوش
نورهان: سلام ياعيله ردت عليها ام نور: اهلين يابنيتي كيف حالك وحال امك
نورهان: كويسه الحمدلله معطبه معيشتها مع هلشايب وخلاص
ام نور: وااك ونتي لسانك مايرتاح
نورهان: 😁😁
أم نور: عدي النور قافله على روحها الغرفه انذر شن صارلها
نورهان: حاضر
ركبت لغرفت نور دخلت بلا احم ولا دستور شافتها تبكي
نورهان: بسم الله خير دعوتك تبكي
نور شافتها حضنتها طول
نورهان: بسم الله اعوذ بالله عارفتيني مشعري متنوضش هكي غير قوليلي شن فيك..
نور حكتلها كل شي صار

"روايات الطشه النكديه"

عند زياد
اول مطلع صقر من عنده حس بألم في يده رن على بوه   طووووووط
بوه زياد(صديق): هاياولد وينك خيرك ران
زياد بألم: ايوه يابوي تعالى قاعد في المزرعه
بوه: شن فيك شن داير
زياد تعفلك: بتجيني ولا نسطفل بروحي
بوه: خلاص خلاص جايك وسكر الخط
سالمه: خير ولدك وينه
صديق: تعبني هلولد نمشي انشوفه قاعد في المزرعه وصوته باين مش تمام شكله متعارك مع صقر
سالمه: ديمه انقوله اكسب صقر هوا لاهي مع هلشله الصاقطه ولورث حيريح منه وكن شكى لبوك حينحرم منها اكيد
صديق سكت شويه وطلع
سالمه: كل منفهما انه بوه مقصر مع ولده هوا ساكت وخلاص عيله معبيه فلوس وفقريه😒

عند صقر رن عليه ناصر
صقر: ها
ناصر: وينك ياراجل جدي ينشد عليك
صقر: شوي ونروح
ناصر: تم

في مكان ثاني
نسمه: حبيبي خيرك شن فيك
خالد يحاول يطمنها: لا ياعمري مفيش
نسمه بشك: اها باهي انحطلك تتاغدى
خالد: لاشبعان انخش نرقد شويه نوضيني بعد العصر
نسمه ببتسامه: حاضر
خليني نعرفكم على عيله لصغيرهة
طبعن نسمه اخت ناصر عايشه بعيد عنهم متزوجه  قريبهم من بعيد خالد زواج تقليدي إلا انه حبها وحباته لهم 4سنوات متزوجين وعندهم ولد واحد خليل عمره 3....

"روايات الطشه النكديه"

عند نور
نورهان: مغير خلاص طيح سعدودك من جدك تبكي عليه احمدي ربك انه صقر مخليك عايشه لتوا
نور😭: جيتي بتخففي عليا ولا تزيديها شن ذنبي كن حبيت زياد
نورهان: مش روجيم بيش انخفف عليك وبعدين على أي حب تحكي مخليه صقر طول وهيبه وشخصيه ماشيه تشبحي لزياد جبهته الكبيره تقول ملعب كوره
نور😭: اسكتي ولد عمي وحبيبي ره
نورهان: ولد الهم عطه سمم حبك برص انشاء الله
نور: 🥺

عند صقر
وصل قدام الحوش وفي باله خيانت نور بس
صقر: توا اتشوفي يابت اكرم رن تلفونه
اسامه: ايوه ياصقر
صقر: اهلين كيف حالك يابرو
اسامه: مليح جيت للبلاد من امس وعديت اليوم المعسكر ولنقيب يبيك في عمليه متفجرات بكره
صقر: باهي وسكر الخط
(متستغربوش من تصرفه اههه نسيت انقوللكم انه صقر تعامله جاف مع اصحابه او زملاء العمل صقر لما يتعفلك يكون صقر ثاني وتوا انشوفوه اجنونه)

خش لاحوش لقاهم كلهم متجمعين على الطاوله الطويله في نص الصاله
قعمز على كرسيه بدون ميسلم على حد
نورهان: كيف حالك ياصقر
صقر بدون ميشوفلها هز راسه بتمام
(طبعن نورهان عايشه نص طفولتها معاهم ويعتبروها جزء من العيله)
خش صديق ويساعد في ولده في المشي التفتوله معاده نور كانات مركزه في تصرفات صقر
الجده: الطف يازياد من دار فيك هكي
زياد شاف لصقر: خبطتني سياره
ام زياد داير روحها مصدومه ومش،عارفه : سلامتك ياولدي شافت لصقر الي يمد ايده عليك انشاء الله تنكسر ايده
الجد عرف انه صقر هوا الي ضربه
صقر تنحنح: قررت نتزوج الفاتحه الجمعه ولعرس بعد اسبوع
الكل شافوله بصدمه وخصوصن نور
ام زياد: من بتتزوج
صقر بدون ميشوفلها: كم خاطب مره
ام زياد سكتت وزياد تعفلك وناض لغرفته نور بتصبي صقر يشرب في شربته: متتحركش خيرلك
نور في نفسها تقول بسم الله هضا كيف شافني صقر كمل شربته وصبه
انا مجيتش نستأذن منكم جيت نعطيكم العلم بس وطلع
(محد انصدم من ردت فعله لأنه الكل غلطو لما قررو يعطو شي لصقر لحد ثاني🤷‍♀️)
ناصر: صبا ولحقه

"روايات الطشه النكديه"

عند نور
مقعمزه فوق السرير وسرحانه
نورهان عيطت: نووووور
نور انخلعت: خيرك.
نورهان: ليا ساعه نحكي بروحي زي الوحده الى لابسها جن
نور: خايفه يانورهان
نورهان: من شنو خايفه من الجنتل مان طول وهيبه وشخصيه يهبل يا فرخه ولا تبي هضكي راسه تقول ساحه مدرستي
نور: قصدي انتي مفكرتش انه يتزوجني عشان ينتقم منى
نورهان: عطك سلامه انتي وعقلك توا صقر يفكر هكي

خليني نحكيلكم علي نورهان😂
نورهان بنت طيوبه على نياتها لاكن لسانها متبري منها دمها خفيف م2000 اكبر من نور بشهر ملامحها عاديه لاكن كيوت وشعرها كيرلي طولها وصط مكمل لعند الثنوي عشان خاطر نور صقر مانعها من الجامعه)

عند حوش العيله
ام صقر: متأكد من قرارك
بات صقر: ليش تسئلي عندك مشكله مع البنت
ام صقر: والله معندي مشكله معاها منبش نضلمها ولا نضلم ولدي وتكسر قلبه ونت عارف صقر لو تجيه الحاله هذكي منقدروش نتحكمو بتصرفاته كيف بدري
بوه صقر: وسعي بالك ياوليه بعدين انتي عارفه صقر كيف يريدها من وهي صغيره مش حيسيبها مهما كان
ام صقر: انشاء الله خير

عند صقر
صقرر:......
ناصر: 😰

"روايات الطشه النكديه"
_____________________"
زعمه شن قصت صقر هل هوا انسان طيب او لا
عارفه طولت عليكم😭 نتلاقو في الحلقه الجايه توقعاتكم 🙂♡