قلبي غاويك (روايات ليبية)

روايت "قلبي غاويك" ❤️‍🩹

"الحلقه{4}"

عند صقر
قاعد مع ناصر
ناصر: عارفين انك حتضرب زياد وتوقعت حتى تقتله بس متوقعت تقرب الفاتحه شن في
صقر: اول شي زياد حسابه مزال ماتم وبنتزوجها عشان اتم قدام عيوني
صقر شافله بنضره تقتل: عارفك تعرف الي بينها وبين زياد لاكن حنمشيها لك ومش حنمشيها لهم
ناصر: ميفوت عليك شي بس والله مش قصدي صقر ساكت وهادي ويفكر بخطوته الجايه (وكأنه الهدوء ماقبل العاصفه🔥)

عند روان
تفكر مش عارفه كيف تحكي مع ناصر
روان: نحكي معه ولا انردن عليه ولا اندزله رساله ووووه الموضوع بلقول اصعب من الفعل😫

عند اسامه
كان قاعد ويلعب في الببجي تذكر الموقف مع نورهان ولخبطه
وكره نفسه لشغل تفكيره بأي أنثي حاول يركز في لعب وينسي الموضوع
شن سبب كرها لهدرجه توا نعرفو في الحلقات الجايه

"روايات الطشه النكديه"

(صباح جديد على ابطالنا✨)
8:00
صقر نازل من لدروج لابس سروال الجيش علي فلينه سوده راسمه عضلاته وخصلات شعره الي نازل علي وجه ولا بروفانه الي عبه المكان حاط السلاح في خصره ونازل من الدروج نور: 😰
صقر متجاهل الكل مركز في نور وكأنه يحاول يلفت نضرها🙂
طبس تلاها ويكب في فنجان القهوا
نور تحكي مع نفسها: وووه ريحته دختت نور خليكي قويه وبعدين متهتمش لللإم هضا 😫
صقر حس انه لخبطها ابتسم بلنصر وشرب الفنجان مره وحده
روان: صقر
صقر: ها
روان: بدى المحد امتاعي من بكره عادي توصلني وتروح بيا
صقر: بكره ساهل وطلع
نور تجمعو الدموع في عيونها وركبت جري لغرفتها سكرتها
نور: حقير اخته يخليها تعدي وين متبي ونا كل حاجه لا😭💔
رغم انه روان ونور بنات الوحيدات في الحوش إلا انه علاقتهن سطحيه مع بعضهن)

صقر وصل للمعسكر
النقيب احمد: تعرف انه خبرتك كبيره في تفكيك المتفجرات ولألغام عشان هكي نبيك تكمل شغلك لهلأساس
صقر وافق بدون مقدمات

خليني نختصرلكم لصار....
صقر بده في شغله وميتلاقاش مع نورإلا على فطور
نور تحاول تتواصل مع زياد على امل انه يردو لبعض لاكن خوفها من صقر منعها
روان بدت في المحد وتحاول تتجنب ناصر من اخر موقف بينهم
وناصر متعفلك من روان وتجاهلها ونسمه تحاول تفهم راجلها لتغير عليها واسامه حياته عاديه وزياد يفكر للمجهول ولباقي كيف مهما....

"روايات الطشه النكديه"

قبل الفاتحه بيوم تحديدا (الخميس)
س4:00العشيه
في حوش العيله
ناصر: تبو حاجه ثانيه
نعيمه امه: لاجيب سناديق العصير بس
ناصر: تم
وهوا طالع خبط على روان
روان تحشمت ولبست الحجاب: اس اسفه
ناصر متنحنح: اهه عاديه
روان هربت في المطبخ
ناصر: 😍

عند نور
جايتها نورهان
نورهان: وووه خلاص بكره بتنكتبي على اسمه تقول عزاك
نور ببكه😭: بكره بيقره فاتحتي
نورهان: ملا بيقراها على قبر حناى
نور: هنو مش عارفه كني خايفه
نورهان: عادي خناقت العروس
نور🤦‍♀️🤦‍♀️

عند صقر
طلع ويفكر في كره نور اتجاها وحبها لزياد وكيف بينتقم منها
صقر: غير امته تحسي بيا يابنت اكرم

عند نسيبه
نسيبه: خالد باله عليك فاتحت ولد عمي لازم نمشي توا يسألو عليا الناس وأمي ومرات عمي يزعلن كن مجيت
خالد تنهد: خلاص وتي خليل نطلعو الصبح نسيبه بفرح: ربي بخليك لنا
خالد ابتسملها ومسكها من خصرها
خالد:مستحشك (نحنا انقولو مريفلك🙂)
نسيبه تشوفله بحب: مزلت تحبني كيف قبل🥺
خالد: وأكثر🤤 خالد بده يقرب
نسيبه بتهرب
نسيبه: اه قول لأمك بكره طالعين😖
خالد ضحك: معندك وين هاربه شويه ونجي
نسيبه: 🤭

خالد نزل عند امه
ام خالد: بيلي تفكرتني وجيت نحسبها ست الحسن مانعتك مننا
خالد: يايام والله نسيبه مش شورها
امه: جيت عشان ادفع عليها ولا شنو
خالد: لا جيت عشان انقولك مسافرين فاتحت ولد عمها
امه: تسطفلو لاكن فكر فلقتلك عليه
خالد تعفلك: وصبا وطلع.
امه: توا تشوف كن مجيتني بنفسك😒

"روايات الطشه النكديه"

عند صقر
في المعسكر فش غله كله في المجسمات يضرب فيهن بلسلاح كمل وقته كله في المعسكر

في حوش العيله
بات صقر: انرن عليه مقفل
الجد: خليه توا على راحته
باته: باهي

في منتصف اليل خش صقر وكانو العيله كلها راقده مر من غرفت نور خش بهدوء شافها راقده زي الملاك طبس عليها ويشوفلها قعد تلاها ويتأمل في ملامحها الطفوليه حط يده على وجها ويحرك في صبعه الأبهام على خدها بلطف...
صقر: انتي اجبرتيني يانور على المعامل هذي......
باس جبينها وطلعع

(يوم الفاتحه) في الصبح
عند نورهان امها تنوض فيها
نورهان فاتحه فمها وشخيرها واصل للشارع😂
ام نورهان: نوضي يالهم والله مسكين لياخدك نقعد نطلب منه السماح دنيه وأخره
نورهان: ماهو خلي يجي بعدين انا مسامحتك دنيا واخره
امها: صبي مطول لسانك صبي ضمي الحوش وبري لصحبتك
نورهان: نوضي ضمي نوضي اغسلي نوضي اطبخي نوضي لبسى اوباما سرواله حتى لما انموت تنوضيني من قبري وتقولي نوضي
امها مسكت ضحكتها: نوضي جدري ولا انقولك مفش مشي عند صحبتك
نورهان ناضت زي الثور: إلا المشيه ياما

"روايات الطشه النكديه"

عند حوش العيله
ناصر: جدي صقر مش قاعد وتلفونه مقفل
الجد:......
بات صقر:......

"روايات الطشه النكديه"
____________________"
ياترى هل صقر بينهي الفاتحه ولا لا
توقعاتكمم🙂♡