قلبي غاويك (روايات ليبية)

#روايت "قلبي غاويك" ❤️20

"الحلقه {20}"

صقر شاف لزياد طلق يد نور طول عده هجم على زياد وناصر حاول يفكه منه بس صقر كان اقوى وقعد يضرب فيهه ويده قعدت تنزف اسماعيل استغل الفرصه وطلق الرصاصه وجو اصحاب صقر في لحضه هذي شافو اسماعيل وشدووهه
نور بخوف: صقر😰
ناصر شد زياد لغارق بدمه
اما صقر يشبحله وكبده دمم عليه
(تي الراجل بين الحيه ولموت ونت تفكر شن دار🙂)
المهم  جا ايهم ساعد ناصر واسعفو زياد وايمن اول مشاف اسماعيل بات خطيبته انصدم...
صقر شاف لنور ولقاها تبكي بهستريا جا وحضنها
نور ببكه: مات ياصقر مات😭
صقر بعصبيه: ويموت في داهيه انتي خيرك تبكي😡
نور قعده في حضنه ومستمره تبكي
صقر حس بلغيره وقريبب يطربق بمجرد ميفكر انه نور خايفه عليه وهيا مسكينه تخاف من موت الشخص😂
خداها وحطها في سياره على رنت تلفونه
صقر: الو
ايمن: طلعنا بيه للمركز توا
صقر: ايوه دزلي اسمهه وفهمولي القصه علامه جيت
ايمن: تممم

صقر حاول يشد اعصابه وركب للسياره
نور حاطه يدها على وجها وتبكي صقر شافلها وحوللها خصلات شعرها الي نازله على وجها✨
صقر: نورر
نور شافتله بعيون باكيه🥺
صقر خده نفس: مزال حيي متخافش
نور ببرأه: يعني مماتش
صقر حاول يضبط اغصابه: اي
نور سكتت وطبست راسهها صقر رد يسوق في السياره وهوا يفكر ..
صقر: يعني هيا خايفه عليه كل هدرجه مزال مشعرها اتجاها كيف مهيا مزالت خايفه عليه انا شن موقعي في القصه البنت واضح متبينش هيا من بدايه متبينش عليش نضحك على روحي باهي لصار بكري لالا هيا تخاف بس هضا عليش حضناتك ياصقر شن تبي فيك انت ولد حرام وحتقعد هكك💔💔
كان يفكر بسلبيه كبيرهه بدرجت انه نور خافت من هدوئه الغريب

"روايات الطشه النكديه"

في حوش العيله

كلهم نايصين على نار بعد جاهم خبر على عمايل زياد  انه وهوا حاليا في المستشفى
ام زياد ببكه: كله من بنتك كله من بنتك االله لايربحها جرجرت ولدي وراها
ام نور: غير متكذبش على روحك كلنا عارفين ولدك وعمايله الووسخه
ولا السي اسماعيل من كان سببها غير صير صالحه ورجلها فوق ماهم غالطين وقاتلين فوقها
ام صقر: خلاص ياسر انتي وياها مسكتت غير واجد
على خشت الجد بعكوزه وشاهامته
الجد: العويل في حال ميعلم بيها الا ربي ونتو تتقاطعو
ام صقر: ياعمي صقر وينه باهي
الجد: قاعد توا كلمني ناصر جاي بنور
الباقي ساكتين

عند نسمه
قعده مع عزوزتها
نسمه: عمتي غير خودي هذي بس
ام خالد: صحيتي حبيبتي والله شبعت
نسمه: باهي صحه تبي حاجه انا قعده
خالد كان يشوف فيها كيف تهتم بإمه خش تنحنح
خالد: سلام عليكم
نسمه ناضت للمطبخ
ام خالد: وعليكم السلام تعال قعمز نبيك
خالد قعمز قدام امه
ام خالد: ليش ادير في البنت هكي ساد لدرته فيها وفوقها سامحتني
خالد: يايام نقدرش متخايل حياتي بلاك لو صارتلك حاجه والله مكنت مسامح روحي
ام خالد ابتسمت: ونا انحبك ياولد ويهمني سعتدتك والله ادرته عشانك بس توا فهمت سعادتك الحقيقيه مع من والازم تصلح غلطتك متحملش البنت ذنب مش ذنبها
خالد ساكت ويدور كلام امه في راسه
على خشت نسمه وخده سفرت ميه ودواء
نسمه بصوت هادي: عمتي هيا بيش تاخدي دواك
ام خالد ابتسمت: هيا بيش نشديلي روحك وتجيبيلي اخ لخليل
نسمه تحشمت خالد تنحنح
خالد: باهي يايام عندي مشورا ونجي
ام خالد ببتسامه: في امان الله ♥