قلبي غاويك (روايات ليبية)

روايت "قلبي غاويك" ❤️‍

"الحلقه {11}"

قبل العرس بيوم بتمام الساعه 8:00ص

روان: هيا نطلعو عشان انجي بدري ونحني
نور: منبش نطلع مع خوك الخره مخلانيش نتحرك كيف الناس امشي يمين متمشش يسار اشبحي في لوطه تقييد بكل
نورهان: راجل ويغار على مراته شن فيها😂😂
نور:  -_-
روان: اليوم اخر يوم بكره العرس عشان خاطري
نور: باهي توا نطلع
نورهان: من بدايه😂
للعلم انه نورهان بايته من هضكي اليوم نور وروان ونورهان لهن ثلاث ايام يطلعن للمحلات مع صقر...

في الصاله
نسمه: يايام الحنه المعجونه وين
ام ناصر: تي الحنايه جايه بحنتها ولصقه غير تمد إيديها وكرعيها
نسمه: قلت نعجنها انا خير
ام ناصر: لاهذي مضمونه ونحنو منها من زمان
ام زياد: إي حته صمتها فايحه
ام صقر: أي مشاء الله عليها
على خشت الجد عبد القادر بهيبته
الجد سلم على كناينه: صباح الخير
الكناين بصوت واحد: صباح النور
الجد: كبولنا شاهيي
ام صقر: هييي
ام زياد قالبه خلقتها😒

عند ناصر
ناصر: توا طالع بيهن
صقر ببرود : إي
ناصر بتوتر: اهه باهي اءء قاطع عليه صقر.
صقر: الي في بالك عارفه رهه
ناصر: ياراجل خليني انعدي بلكي انساعدكم في شي تبو شيي هكي يعني😂
صقر: ريح روحك مفي شي-_-
ناصر: 😂💔

عندخالد
خالد: ريما متنفخيهاش ليا 😠
ريما: باهي خلاص حبيبي مش حنحكيلها على خاطرك وعلى خاطر حبنا😍
خالد: تعرفي انك ماضي ونتهي بلا قطايف زايد😠
روان: انت تضحك على روحك لو كنت ماضي جد رههه مكنتش قـ قاطع عليها خالد وهوا متعفلك
خالد: سكرس دين&&&الموضوع اهوااا كله منك😡 دفها وطلع
ريما: مع ليام تواا تفهمم😈

(مش عارفه كيف البنات الي معندهنش كرامه واحد ميبيك تتلصق تقلل من قيمتها وخلاص مع احترامي للبعض🖤✨)

عند البنات
روان: اهوو صقر رنن هيا بنات
نور: الله يستر
نورهان تضحك وتبصر... وخاطرها متكسر💔✨
روان تعمدت تخلي نور تنزل قبل ونورهان ميدرق عليها شي فهمت وخلت نور في المدفع😂 ينزلن من الدروج
روان: اهه انزلي نسيت انجيب قوانتيات
نورهان: ماعليك توا نركبو ولحقينا
نور ملتزمه الصمت....
وصلو للسياره......
نورهان: حيي نسيت شنطتي اركبي توا اجي(هيا متعمده انها تنسي)
نور بصوت واطي: متخلينش
نورهان: تي شنو متخلينش هضا راجلك رهه وكنتو في حوش ودار وحده مش حياكلك هي توا انجي😂
عدت بدون متخلي نور ترد عليها نور رضت بأمر الواقع قربت على سياره وجت تفتح الباب الخلفي
صقر بنبره حاده: سكري امه وتعالي قدام
نور في داخلها: خيره هضا كنت مفتكه منه ومن هرجته نحسابه تغير زاد زياده🙄 ركبت قدام وخبطت الباب صقر معلقش
صقر بعصبيه متصنعه: كذه بحتي فيا انشوف لو حاطه شيي وحولي الخره الي في وجك(يقصد الخمار)
نور بتمتمه حولت الخمار وتشوفله
صقر مكانش بيحاسبها ولا شي كان مستحش ملامحها وصوتها ووجها اليكله طفوله ولمكياج سبله بيش يتأمل وجها كان يشوف لكل ملامحها كأنه بيحفضهن.... 
نور توترت من نضراته ولبست الخمار وسقمت تقعميزتها وصقر رد بتالي
وأخيرن جت نورهان وروان مع بعض وكأنهن مخططات للشي هض😂
روان: سلاام ياوخيي العزيز
صقر: قولي صباح الخير
نورهان: صباح الخير يابو نسيب😂
صقر: صباح النور
وطلعو طول الطريق نورهان وروان هدريز وجوو ونور ساكته وتهز في راسها معاهم متبش تحكي قدام صقر وصقر يدرق في نضرات لنور من تحت لتحت😂