《الفصل الاول》
ل " جزيرة زنوبيا "
بقلم : "سلمي حمدي"صلوا علي خير البريه
☆☆☆☆☆☆☆☆تيام :" ماما انا نازل اقدم علي الشغل اللي قلتلك عليه ادعيلي بقا يا ست الكل "
ام تيام:" ربنا يوفقك يا بني ويرجعك مجبور الخاطر ......استني كل معانا يا حبيبي "
تيام:" لا انا هنزل انا متحرمش منك يا حبيبتي ابقي قولي بس للواد اللي فاكر نفسه كبر دا انه مينزلش من غير ما ياكل والا هو عارف هعمل فيه ايه "
تيم اخو تيام :" سمعتك علي فكره انا كبرت فعلا انا عندي ١٥ سنه يا حبيبي "
تيام :" طيب ماشي يا اللي كبرت كل بقا وانزل علي دروسك انت شهاده السنه دي "
تيم بصوت أقرب إلي الهمس :" تيام بقولك ايه تعالي كدا "
تيام :" خير يا قدري عاوز ايه ..... هو انا خلفتك ونسيتك وانا معرفش "
تيم:" خلاص مش عاوز حاجه روح علي شغلك "
تيام:" انت زعلت ....خلاص معلش متزعلش قول عاوز ايه "
تيم:"انت عارف انك اخويا حبيبي....... هات بقا ٢٠ جنيه هروح العب في البلايستيشن واشتري شيبسي"
تيام :" مش انت المفروض كبرت يا استاذ تيم عاوز فلوس ليه بقا"
تيم :" مين قال اني كبرت لا انا لسه صغير ميغركش صوتي اللي تخن دا "
تيام:" ماشي يا اخويا تعالي خد "
ذهب له تيم وقبل انا يعطيه تيام المال ضمه بشده ووضع يديه بين خصلات شعره
وقال له :" اوعي تكون زعلت انت اخويا وانا بحبك عارف اني بشد عليك شويه بس دا عشان مصلحتك "تيم :" عارف والله يا حبيبي مش زعلان منك اكيد بس زعلان اوي من بابا "
:" عارف انت زعلان ليه كان نفسك يكون عايش معانا معلش هو بيعمل كدا عشان مصلحتنا " قالها تيام وهو يحاول إخفاء حزنه
تيم:" انا مش عاوز فلوس انا عاوزه هو "
تيام وهو يضرب بخفه علي كتف تيم:" يا ولا يا بكاش بقا بذمتك مش عاوز فلوس "
ضحك تيم ثم قال له تيام :" خلاص بقا يلا انا اتاخرت وخد دي ١٠٠ جنيه أعمل اللي انتي عاوز تعمله ب ٢٠ وحوش الباقي "
احتضنه تيم بشده وقال له :" ربنا يخليك ليا يا احن أخ في الدنيا"
ابتسم له تيام وقال :" ويخليك ليا يا قمر انت "
YOU ARE READING
جزيرة زنوبيا
Fantasy《جزيرة بها طرائف وعجائب تحت الارض يقع فيها اثنان معقود قرانهما فيظنوا ان الجزيره مسحوره او انهم انتقلوا الي عالم اخر فتكون اكثر من مسحوره ..... ويكتشف الاثنان اشياء عجيبه وغريبه وأشياء لم يتوقعوا ابدا يا تُري هل سيستطيعوا العوده إلي عالمهم ام سيفضل...