جزيرة زنوبيا

8

《الفصل الثامن》
ل " جزيرة زنوبيا "
بقلم : "سلمي حمدي"

صلوا علي خير البريه
☆☆☆☆☆☆☆☆

☆☆☆☆☆☆☆

في الطريق إلى الحاكم

" هو احنا رايحين فين " قالها تيام

رد عليه الحارس:" اسكت يالا امشي وانت ساكت "

حرك تيام كتفه وقام بضربه خفيفه علي كتف الحارس وهو يقول :" قولي بس مش هقول انك قولت "

"مش قولتلك تخرس " امتعض وجه الحارس وهو يقولها

" خلاص خلاص يا عم متزقش" قالها تيام بنبره سخريه
نظر اليه الحارس وهو يرفع احدي جانبي فمه دليل علي سخريه منه

حرك تيام رأسه ونظر في عين الحارس وقال له :" انت بتبصلي كدا ليه بلاش النظره دي بخاف " 

لا أحد كان يعلم ما الذي يدور في راس تيام أ هو يريد انشغال الحارس للهرب منه ام كان يريد ان يشغله كي يبحث عن ساره

اما الحارس فقام بالضغط علي يد تيام لانه شك في أمره
ولم يرد عليه وفضل السكوت حتي يصل إلي الحاكم سيحلاوي سي

**********************
بالانتقال إلي والد تيام :

أوقف عمرو السياره وهبط منها هو ونوح إلي المكان المطلوب وصوله

قال له نوح :" قولي بقا يا عمو انت تعرف ايه ومخبيه عني "

فتح له عمرو عينيه بطريقه كبيره كانه كما يقول المصريين " بيزغرله" كانت نظره ذات مغزي
صمت نوح لانه فهم ما يقصده عمرو

ذهب إليهم شخص غريب لا يعرفونه وجه نظره إلي والد تيام وقال له :" انت عمرو "

وجه نوح نظره وجسده اليه وقال :" انت ازاي تقول عمرو حاف كدا  يعني حتي تقول استاذ عمرو دا راجل قد ابوك "

تجاهل الرجل كلامه وقال لعمرو:" تعالي معايا ومن غير الولا دا "

نوح بغضب :"ازاي يعني انا هدخل ايه ق...له الاد...ب دي
"

صوَّب ذلك الرجل الغريب مسدس تجاه نوح وكاد ان يضربه بذلك المسدس الا ان قال عمرو

:" خلاص مش هيجي معانا خلاص نزل المسدس واستعيذ بالله من الشيطان "

" أعوذ بالله من الشيطان الرجيم " قالها ذلك الرجل وهو يتأفف

"ايوه كدا دا شيطان ودخل " قالها عمرو وهو يربت علي كتف ذلك الرجل

نوح:" بردو هاجي معاكوا وعلي فكره مش خايف منك هاا..." قالها وهو يتحامي في ظهر ابو تيام

" بقي بذمتك مش خايف دا انت واقف في ظهر الراجل بتتحامي فيه "

" احنا مش هنخلص ولا ايه .....خير يابني عاوز ايه مني "