فيروز

الفصل الثاني

في مصر

مكالمة على الهاتف

......../ وحشتيني اوي يا حبيبتي مش عارف ازاي سبتك لوحدك تسافري.

....... / وانت كمان يا حبيبي وحشتني اوي.... ثم بقى انا منزلتش مصر الا عشان اجهز لفرحنا يا باشمهندس مالك

مالك : ما هو لولا الفرح انا ماكنتش سبتك لوحدك وكمان عندي شغل كتير عايز اخلصه قبل الفرح.....يا حبيبتي..... ثم سكت قليلا وقال : ايه اخبارك في مصر ؟

صوت قائل : بتكلمي مين يا ملك؟

ملك : دا مالك يا ماما

مالك على الهاتف : سلميلي على حماتي

ام ملك بعد أن اخذت الهاتف من ملك وفتحت مكبر الصوت : وانت مش عندك لسان تسلم عليا بنفسك ولا انا اي حد ؟

مالك : اهلا يا حبيبتي لا ازاي دا انتي الكل في الكل دا انتي الحته الشمال يا لولو.

ام ملك : يا بكاش برضه انا الحته الشمال أومال ملك ايه؟

مالك بضحك : ههههههههههه يا حبيبتي ما هي لو مش بنتك اكيد ماكنتش حبيتها يا لولو

علياء ( ام ملك) : ايوه اضحك عليا عشان انسى اني زعلانه منك عشان ما نزلتش مصر مع ملك

دخل في هذه اللحظة ابو ملك و اختها الي البيت

مالك : و حد يقدر يضحك عليكي يا لولو دا انتي لو مش خالتي كنت اتجوزتك و بعدين انتي عارفه اني بخلص الشغل عشان انزل بسرعة قبل الفرح

ابو ملك بصوت عالي : تتجوز مين ياض.... دا انا كنت قتلتك قبل ما تفكر في كده

مالك : حبيبي يا ابو نسب وحشني يا رجل

ابو ملك بغضب : رجل هو انا بلعب معك ثم انا اصلا مش موافق على ميعاد الفرح مين اللي حدد 😠

مالك : مالك بس يا حمايا ما انت قلت الفرح بعد سنتين من الخطوبة وانا وافقت عشان خاطر ملك.

ابو ملك بغضب : ما لسه فاضل شهر عشان نحدد ميعاد الفرح.....

مالك بهدوء قبل أن يغضب : ما يا عمي حضرتك قلت سنتين تكون ملك خلصت الكلية واهي خلصت الامتحانات واتخرجت كمان..... هستنى تاني ليه؟.... ثم انا حجزت القاعة

علياء تحاول تهدئه الموضوع عشان بنتها : خلاص بقى يا على خلينا نفرح بملك وكفايه سنتين خطوبة ولا انت عايز تزعل العيال

على ( ابو ملك) بعصبيه : انا مش قصدي حاجه بس كان المفروض يقولي قبل ما يحجز القاعة عشان كدا زعلان

مالك عشان ينهي الموضوع : فعلا يا عمي انا غلطان كان لازم اكلمك ومتزعلش مني حقك عليا ......... مع السلامة دلوقتي عشان عندي اجتماع.

ملك : مع السلامة يا حبيبي

انتهت المكالمة

ملك ببكاء : بابا حرم عليك ليه بتكلم مالك كدا انت عارف اني انا بحبه
ثم تركته وغادرت الصاله