فيروز

الفصل العاشر

في صباح يوم جديد

في مصر

في مستشفى الشفاء

مكتب المدير

مصطفى أحمد القناوي جلس علي المكتب يقرأ تقريرات بعض الحالات

سمع صوت التليفون برقم امه
رد
سناء ( ام مصطفى) : السلام عليكم

مصطفى : وعليكم السلام ورحمة الله وبركاته و تكلم صعيدي لانه متعود يتكلم مع أهله

: كيف ياما؟

سناء : بخير ياولدي...... انت ايه اخبارك؟

مصطفى : بخير ياما طول ما انتي بخير

سناء : اخر الاسبوع دا هكون عندك في مصر

مصطفى : ليه فيه حاجة؟

سناء : هو انت مش عايزني اجيلك يا ولدي

مصطفى : برضه ياما انا لو عليا عايزك جانبي بس استغربت

سناء : انا مش خابر ليه؟ ..... بس جدك قال هنسافر مصر

مصطفى : انتي و مين؟

سناء : انا وجدك و دلال و اخوك

مصطفى : و مرات ابويا

سناء : لع...... ابوك مردش

مصطفى :  وهي وافجت ان ابنها يروح من غيرها؟

سناء : هي كانت عايزه تروح معانا بس ابوك رفض و جدك قال ان هياخد معاذ معه عشان يفسحوا.......ما انت عارف هو بيحبه جد ايه عشان شبه عمك الله يرحمه

مصطفى بحزن : الله يرحمه....... و هاتجعدوا عندي ولا عند عمي؟

سناء : ما خبراش يا ولدي

مصطفى : ماشي ياما توصلوا بالسلامة

سناء : مع السلامة

مصطفى : مع السلامة
قفل التليفون وهو حاسس اني الزيارة دي فيها حاجه بس.... هو مش عارف : ربنا يستر

ثم طرق الباب
مصطفى: ادخل

........... /السلام عليكم

مصطفى : وعليكم السلام ورحمة الله وبركاته

.......... / ازيك يا دكتور مصطفى

مصطفى : الحمد لله اتفضلي يا دكتورة زينه

جلست وقالت : عندي ليكي خبر بمليون جينه

مصطفى : ايه هو؟

د. زينه : فيه قافله طبي من ألمانيا جايين مصر

مصطفى باهتمام : امممممم  مين رئيس القافله ؟

د.زينه : مش هتصدق

مصطفى : مين؟

زينه : اصغر وامهر دكتوره جراحه في المانيا

مصطفى  : الدكتورة فيروز؟!