ورد خنجري

البارت الثالث والعشرين

رواية جديدة

بقلمي

زهراء فاضل

أحييك على قد قدرتك المبالغة
أحييك على خيانة ثقتي

أحييك على كسر قلبي
أحييك على كسر خاطري

قل لي على ماذا أحييك أيضا

كسرت ثقتي ولازِلتُ أراكَ مُوِضع أسراري
كسرت خاطري ولازلت اجدك كل عائلتي

كسرت قلبي ولازلت في عيني حبيبي
حرقت روحي بهواك واصبحت مُعذِبي

كم مرة ارفع يدي بالدعاء عليك لكن سُرعان ما أجد نفسي ادعو الله لك الخيرِ

من وحي قلب مكسور

لليل واني كاعدة واقرا بالكتاب الي لكيتة ومندمجة سمعت صوت المفتاح وجان تنفتح باب البيت ودخل وهو يمشي برهاوة صدر

حظرت نفسي للعركة وكمت اريد اعرف ليش جاي هنا

حوري: خير يا طير هم شكو جاي بنص هاليل

رائف: مالي خلك احجي سدي لحلكج

حوري: واني هم ماريد احجي واعيد الحجي اطلع منا

رائف: اكو غراض بالسيارة روحي نزليها فاتح الصندوك

حوري: اوي يمة واني شكو انزلك غراض خو روح انت نزلهن شكو تصخر بية

رائف: حوراء روحي نزلي الغراض كتلج مالي خلك احجي بابا

حوري: معلية اليريد شي هو يروح يجيبة

رائف: خليها شوية واني انزلهن

حوري: ليش راح تبقى هنا؟

رائف: لا شوية واروح اذا معاجبج طبي لغرفتج

حوري: حتى مثل البارحة عبالي رحت وانت كاعد فوك، لا عيني باقية هنا لحد ما تروح

كعدت انتظر لحد ما يروح طول بالكعدة وبس يتصفن ويجر حسرات شكلة حيل مهموم اوي اني شعلية، لا خطية مبين تعبان ومهموم

حوري: احم

رائف:

حوري: اكولك بيك شي

رائف: لا

حوري: شكلك تعبان هواي

رائف: يعني لو تعبان راح تخليني انام هنا

حوري: لا طبعا

رائف: لعد سكتي

حوري: ليش اجيت هنا اذا تعبان

رائف: جايب غراض بقت بالسيارة

حوري: اي نزلها وخليها وين ما تريد وروح شكو كاعد

رائف: انتي شكد بخيلة كاعد ببيتج خطار كلاص مي ما نطيتيني

خجلت منة شلون كالها بوجهي كمت جبت مي وخليت فواكه بالصينية ووديتها كدامة صبيت كلاص مي ومديتة الة